|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ່ານເຊັ່ງຢ່າງ ທີ່ຝາກມາແຕ່ແຂວງຊຽງຂວາງ,ໃນຈົດໝາຍ,ທ່ານໄດ້ສະແດງຄວາມຂອບອົກຂອບໃຈທີ່ພວກເຮົາໄດ້ຂຽນຈົດໝາຍ ແລະຝາກແບບຮຽນພາສາຈີນພ້ອມທັງແຜ່ນCDໃຫ້ທ່ານ.ໃນຈົດໝາຍ,ທ່ານຍັງຂຽນວ່າ:"ບ້ານນ້ອງຢູ່ຊົນນະບົດ,ຍ້ອນວ່າບ້ານເຮົາຍັງບໍ່ມີອິນເຕີເນັດເທື່ອຈິ່ງບໍ່ສາມາດເບິ່ງເວັບໄຊແລະສົ່ງE-mailໄດ້,ຈຳເປັນຕ້ອງຕິດຕໍ່ດ້ວຍຈົດໝາຍເທົ່ານັ້ນ,ບໍ່ຮູ້ວ່າຈະອ່ານຈົດໝາຍຂອງເຊັ່ງຢ່າງໄດ້ຫຼືບໍ່?"
ໄດ້ແທ້.ຂຽນຈົດໝາຍເອົາກໍ່ໄດ້.ຕົວໜັງສືຂອງທ່ານຂຽນງາມຫຼາຍ,ພວກເຮົາອ່ານໄດ້ຢ່າງຈະແຈ້ງ,ເພື່ອໃຫ້ທ່ານຝາກຈົດໝາຍໃຫ້ພວກເຮົາເລື້ອຍໆ,ພວກເຮົາໄດ້ຝາກຊອງຈົດໝາຍທີ່ສົ່ງກັບຄືນໂດຍບໍ່ຕ້ອງຕິດສະແຕມມາໃຫ້,ບໍ່ມີອິນເຕີເນັດກໍບໍ່ເປັນຫຍັງ,ຂໍແຕ່ທ່ານຍິນດີຕິດຕໍ່ກັບພວກເຮົາ,ຂຽນຈົດໝາຍເອົາກໍ່ແຮງດີ,ພວກເຮົາຕ້ອງໄດ້ຮັບແນ່ນອນ.
ໃນຈົດໝາຍທ່ານເຊັ່ງຢ່າງຍັງຂຽນວ່າ,ບ້ານເຮົາສາມາດຟັງວິທະຍຸໄດ້ໃນລະດູແລ້ງສ່ວນຫຼາຍ,ລະດູຝົນຟັງບໍ່ຄ່ອຍໄດ້ດີແລະດິນຟ້າອາກາດກໍ່ບໍ່ສະດວກເຮັດໃຫ້ການຟັງວິທະຍຸບໍ່ໄດ້ຕາມໃຈ.ຍ້ອນມູນເຫດທາງອາກາດ,ເຮັດໃຫ້ຟັງລາຍການຂອງພວກເຮົາຍາກ, ພວກເຮົາກໍ່ຮູ້ສຶກເສຍດາຍ.ແຕ່ພວກເຮົາກໍຈະລາຍງານໃຫ້ພະແນກເຕັກນິກຫາວິທີແກ້ໄຂບັນຫານີ້.
ວັນສຸກອາທິດແລ້ວ,ໂຄງການຮ່ວມມືລາຍການກະຈາຍສຽງFMຈີນລາວໄດ້ເລິ່ມສ້າງສາຢູ່ນະຄອນຫຼວງວຽງຈັນແລ້ວ,ໃນທ້າຍປີນີ້ກໍ່ຈະສ້າງສຳເລັດແລະອອກອາກາດລາຍການຂອງວິທະຍຸCRIພວກເຮົາ,ຜູ້ຟັງໃນນະຄອນຫຼວງວຽງຈັນແລະແຂວງໃກ້ຄຽງກໍ່ຈະໄດ້ຟັງລາຍການFMຂອງພວກເຮົາຢ່າງຈະແຈ້ງ,ເວົ້າສຳລັບຜູ້ຟັງຢູ່ວຽງຈັນແລະມໍ່ວຽງຈັນແລ້ວ,ຂ່າວນີ້ແນ່ນອນແມ່ນຂ່າວດີ,ພວກເຮົາຍ່ອມຈະຈັດລາຍການດີໆມາສູ່ຟັງ.
ສຸດທ້າຍ,ພວກເຮົາຂໍມອບເພງມ່ວນໆເພງໜຶ່ງໃຫ້ຜູ້ຟັງທຸກຄົນ,ເພງນີ້ຊື່ວ່າ"ການເອີນເຕີຊີ່ນ",ແປວ່າ"ດວງໃຈທີ່ຮູ້ບຸນຄຸນ".
|
