|
|
 |
| (GMT+08:00)
2006-08-03 17:35:23
|
 |
|
ໂທລະພາບດີຈີຕອນເຮັດໃຫ້ຊີວິດການເປັນຢູ່ຂອງປະຊາຊົນສະດວກສະບາຍຂຶ້ນຕື່ມ(ສຽງ)
cri
Author: shuo
|
101ປະເທດຂອງເອີລົບ ອາຟະລິກາແລະຕາເວັນອອກກາງມີແຜນຢຸດເຊົາການກະຈາຍ ລາຍການໂທລະພາບລະບົບອະນາລົກກ່ອນປີ2015,ເພື່ອຈະຫັນໄປໃຊ້ລະບົບດີຈີຕອນຢ່າງຮອບດ້ານ;ສ່ວນຈີນກໍມີແຜນການກະຈາຍໂທລະພາບລະບົບດີຈີຕອນທີ່ຄ້າຍຄືກັບປະເທດເຫຼົ່ານີ້.ປະຈຸບັນນີ້ຢູ່ຈີນໄດ້ມີ4ລ້ານກວ່າຄອບຄົວພວມຮັບການບໍລິການດ້ານຂໍ້ມູນຂ່າວສານທີ່ມີຄຸນນະພາບດີທີ່ໂທລະພາບດີຈີຕອນນຳມາໃຫ້.ພວກເຂົາເຈົ້າສາມາດຂໍເບິ່ງລາຍການມ່ວນໆ ຊື້ເຄື່ອງ ຈົດທະບຽນປົວພະຍາດຫຼືຊື້ຂາຍຫຼັກຊັບຜ່ານທາງໂທລະພາບດີຈີຕອນຕາມຄວາມຕ້ອງການ.ໃນລາຍການສວນວິທະຍາສາດແລະການສຶກສາພາກນີ້, ພວກເຮົາຂໍລົມກັບທ່ານກ່ຽວກັບເລື່ອງນີ້.
ອັນທີ່ວ່າໂທລະພາບແບບດີຈີຕອນ,ກ່ອນອື່ນແມ່ນໝາຍເຖິງໃນຕະຫຼອດຂະບວນການ ຖ່າຍ ຮຽບຮຽງ ຕັດຕໍ່ພາບແລະອອກອາກາດລາຍການໂທລະພາບນັ້ນໃຊ້ເຕັກນິກດີຈີ ຕອນໝົດ.ຖ້າທຽບໃສ່ລະບົບອະນາລົກທີ່ໃຊ້ທົ່ວໄປໃນປະຈຸບັນນີ້ແລ້ວ,ລາຍການໂທລະ ພາບດີຈີຕອນມີຈຸດພິເສດຕ່າງໆ ເຊັ່ນ ມີພາບແລະສຽງຊັດເຈນກວ່າ ອອກອາກາດລາຍ ການໄດ້ຫຼາຍກວ່າແລະມີຄວາມສາມາດແຮງໃນການຕ້ານການລົບກວນ.ອີກດ້ານໜຶ່ງ, ໂທລະພາບດີຈີຕອນໄດ້ປ່ຽນແປງສະພາບຈາກການທີ່ຜູ້ຊົມມີແຕ່ເບິ່ງໃນເມື່ອກ່ອນນັ້ນ, ບັດນີ້ຜູ້ຊົມສາມາດຂໍເບິ່ງລາຍການໂທລະພາບທີ່ຕົນມັກນັ້ນຢ່າງເສລີ.ຄຸນປະໂຫຍດອີກອັນໜຶ່ງແມ່ນໂທລະພາບດີຈີຕອນຍັງເປັນສ່ວນໜຶ່ງຂອງຄອມພິວເຕີອີກ,ມັນໄດ້ກາຍເປັນສິ່ງທີ່ອຳນວຍຄວາມສະດວກໃຫ້ແກ່ຊີວິດຄອບຄົວຫຼາຍຂຶ້ນ.
ລຸງວາງຊິນຜູປີນີ້ອາຍຸ77ປິ,ເປັນຄົນຮາງໂຈ່ວ ເມືອງພາກຕາເວັນອອກຂອງຈີນ.ອາດເວົ້າໄດ້ວ່າໂທລະພາບແມ່ນເພື່ອນສະໜິດແໜ້ນຂອງລຸງແລະເມຍໃນຍາມຫວ່າງ.ເມື່ອໜຶ່ງປີກ່ອນ,ໂທລະພາບດີຈີຕອນໄດ້ກ້າວເຂົ້າສູ່ຊີວິດຂອງລຸງແລະປ້າ.ລຸງວາງຊິນຜູບອກນັກຂ່າວວ່າ,ດຽວນີ້,ໂທລະພາບດີຈີຕອນໃນເຮືອນບໍ່ພຽງແຕ່ສາມາດຮັບເບິ່ງລາຍການທີ່ອຸ ດົມສົມບູນກວ່າເກົ່າທໍ່ນັ້ນ,ສິ່ງທີ່ເຮັດໃຫ້ພວກເພິ່ນດີໃຈນັ້ນແມ່ນ,ຍັງສາມາດສັ່ງຊື້ປື້ມທີ່ຕົນມັກ.ລຸງເວົ້າສູ່ຟັງວ່າ:"ໃນໂທລະພາບດີຈີຕອນມີການໂຄສະນາປື້ມທີ່ຂາຍດິບຂາຍດີໃນອາທິດແລ້ວນີ້,ຖ້າມີປື້ມທີ່ລຸງມັກ,ກໍ່ສັ່ງຊື້ດ້ວຍໂທລະພາບດີຈີຕອນ,ສະດວກທີ່ສຸດ."
ເມື່ອໄດ້ພັດທະນາຢ່າງບໍ່ຢຸດຢັ້ງມາຫຼາຍປີແລ້ວ,ໃນຂະບວນການຖ່າຍທອດ ຕັດຕໍ່ ອອກອາກາດແລະສົ່ງສັນຍານລາຍການໂທລະພາບຂອງຈີນໄດ້ຫັນເປັນລະບົບດີຈີຕອນໃນຂັ້ນພື້ນຖານແລ້ວ,ມີແຕ່ຂະບວນການຮັບ ຄືໂທລະພາບຂອງຜູ້ໃຊ້ຍັງແມ່ນແບບອະນາ ລົກ.ປະຈຸບັນນີ້,ຢູ່ຫຼາຍເມືອງພວມຊຸກຍູ້ໃຫ້ຫັນປ່ຽນໂທລະພາບຂອງຄອບຄົວລະບົບທຳມະດາມາເປັນລະບົບດີຈີຕອນ.ທ່ານເຈີ້ງສຽວລີນ ຮອງຜູ້ອຳນວຍການໃຫຍ່ຂອງບໍລິສັດໂທລະພາບດີຈີຕອນຮາງໂຈ່ວຈຳກັດບອກວ່າ,ດຽວນີ້,ຕົ້ນຕໍແມ່ນໃຊ້ວິທີຕິດຕັ້ງກັບໂທລະ ພາບດີຈີຕອນຢູ່ເທິງໂທລະພາບອະນາລົກມາຮັບສັນຍານໂທລະພາບດີຈີຕອນ,ອັນໄດ້ເຮັດໃຫ້ການຮັບຫັນເປັນດີຈີຕອນໄດ້.ທ່ານເວົ້າວ່າ:"ເມື່ອທຽບໃສ່ໂທລະພາບອະນາລົກແລ້ວ,ຊ່ອງສົ່ງແລະຮັບສັນຍານຂອງໂທລະພາບດີຈີຕອນກວ້າງກວ່າ,ໂທລະພາບອະນາລົກສົ່ງລາຍການພຽງແຕ່ຫຼາຍສິບຊ່ອງທໍ່ນັ້ນ,ແຕ່ໂທລະພາບດີຈີຕອນພັດສົ່ງໄດ້ຫຼາຍຮ້ອຍຊ່ອງ.ພ້ອມກັນນັ້ນ,ຄຸນນະພາບກໍດີຂຶ້ນ.ທັງນີ້ເຮັດໃຫ້ໂທລະພາບທໍ່ກັບຄອມພິວເຕີ,ແຕ່ໃຊ້ງ່າຍກວ່າ.ແຕ່ກ່ອນ,ປະຊາຊົນຮັບເບິ່ງໂທລະພາບແບບມີແຕ່ເປັນຝ່າຍຮັບເທົ່ານັ້ນ,ດຽວນີ້ປ່ຽນເປັນການນຳໃຊ້ໂທລະພາບໃຫ້ເປັນປະໂຫຍດແກ່ຕົນເອງໄດ້."
ໂດຍອີງຕາມແຜນການເຜີຍແຜ່ໂທລະພາບດີຈີຕອນຂອງລັດຖະບານ,ຈີນກໍຈະຢຸດເຊົາ ການກະຈາຍໂທລະພາບລະບົບອະນາລົກໃນປີ2015,ແລະຫັນວິທະຍຸໂທລະພາບໄປເປັນລະບົບດີຈີຕອນໃນຂອບເຂດທົ່ວປະເທດ.ທ່ານວາງລຽນ ຮອງຫົວໜ້າກົມວິທະຍາສາດເຕັກນິກຂອງກົມໃຫຍ່ວິທະຍຸຮູບເງົາໂທລະພາບແຫ່ງຊາດຈີນເວົ້າວ່າ:"ພວກເຮົາໄດ້ຈັດວາງແຜນການພັດທະນາໂທລະພາບດີຈີຕອນໂດຍແບ່ງເປັນສາມພາກ ຄື ພາກຕາເວັນອອກ ພາກກາງແລະພາກຕາເວັນຕົກ,ແລະແບ່ງເປັນສີ່ຂັ້ນຕອນ,ແລະຈະສຳເລັດການຫັນໂທລະພາບອະນາລົກເປັນໂທລະພາບດີຈີຕອນໃນປີ2015."
ນັບມາຮອດປະຈຸບັນ,ຜູ້ໃຊ້ໂທລະພາບດີຈີຕອນຂອງຈີນມີຫຼາຍກວ່າ4ລ້ານຄອບຄົວ. ພວກເຂົາເຈົ້າບໍ່ພຽງແຕ່ສາມາດເຫັນພາບທີ່ຊັດເຈນທໍ່DVDແລະຟັງສຽງທີ່ມີຄຸນນະພາບ ຄືຢູ່ໃນໂຮງຮູບເງົາຈາກໂທລະພາບທຳມະດາທໍ່ນັ້ນ,ເຂົາເຈົ້າຍັງສາມາດຮັບຂໍ້ມູນຂ່າວ ສານແລະການບໍລິການຢ່າງຫຼວງຫຼາຍ ເຊັ່ນ ວຽກງານການປົກຄອງ ການສຶກສາ ວັດທະນະທຳແລະຂໍ້ມູນຄົມມະນາຄົມທຸກເວລາເປັນຕົ້ນ.
ຍ້ອນມີສັບພະຄຸນບໍລິການແນວນີ້,ໂທລະພາບດີຈີຕອນໄດ້ອຳນວຍຄວາມສະດວກໃຫ້ ແກ່ຜູ້ເຂົ້າການທຸກມື້.ຄູ່ຜົວເມຍເຊິນຮົງ ຊາວເມືອງຮາງໂຈ່ວມີລູກທີ່ຍັງນ້ອຍຢູ່,ພວກເຂົາເຈົ້າກໍຟ້າວນຳວຽກຫຼາຍ.ທ່ານເຊິນຮົງເວົ້າວ່າ,ໂທລະພາບດີຈີຕອນ,ເຮັດໃຫ້ວຽກຢ້າວການເຮືອນປະຈຳວັນ ຄື ຊື້ເຂົ້າສານແລະນ້ຳມັນພືດບໍ່ເສຍເວລາຫຼາຍຄືແຕ່ກ່ອນອີກແລ້ວ.ທ່ານເວົ້າວ່າ:"ຕົວຢ່າງຄື,ຂ້າພະເຈົ້າເລືອກປະເພດເຂົ້າສານກ່ອນ,ແລ້ວຈະເລືອກວ່າຊື້ເທົ່າໃດ,ແລ້ວກົດປຸ່ມຕົກລົງໃນລີໂໝດ,ເມື່ອເປັນແນວນີ້,ກໍສຳເລັດການສັ່ງຊື້ແລ້ວ."
ເວົ້າສຳລັບນາງສູເມີຍແລ້ວ,ສິ່ງທີ່ເຮັດໃຫ້ນາງເພີ່ງພໍໃຈທີ່ສຸດແມ່ນ,ຢູ່ໂທລະພາບດີຈີຕອນ,ນາງຍັງສາມາດໄດ້ເຫັນຄຳຕີລາຄາຂອງຄູຕໍ່ລູກ ວຽກບ້ານທີ່ຄູຈັດໃຫ້ລູກເຮັດແລະຄະແນນການຮຽນຂອງລູກ;ພ້ອມກັນນັ້ນ,ຊຸດອົບຮົມຍອດຢ້ຽມຂອງຄູສອນຊື່ດັງໂຮງຮຽນຊື່ດັງທີ່ອອກອາກາດຕາມເວລາກຳນົດນັ້ນກໍເຮັດໃຫ້ລູກໄດ້ຮັບຜົນປະໂຫຍດຫຼາຍ.ນາງເວົ້າວ່າ:"ຍ້ອນວ່າ,ນັກຮຽນປະຖົມໝົດທຸກຄົນລ້ວນແຕ່ຢາກຟັງການສິດສອນຂອງຄູສອນຊື່ດັງ,ນັ້ນແມ່ນໂອກາດບໍ່ຫຼາຍປານໃດ,ແຕ່ເມື່ອມີລາຍການນີ້ຢູ່ໂທລະພາບແລ້ວ,ຈະເຮັດໃຫ້ນັກຮຽນຫຼາຍກວ່າເກົ່າສາມາດເຂົ້າເຖິງການສຶກສາທີ່ມີຄຸນນະພາບດີ,ຂ້າພະເຈົ້າຮູ້ສຶກວ່າດີຫຼາຍ."
ໂທລະພາບແມ່ນພາຫະນະເຜີຍແຜ່ຂໍ້ມູນຂ່າວສານທີ່ມີຫຼາຍກວ່າໝູ່ຢູ່ຈີນໃນປະຈຸບັນ.ໃນຕົວເມືອງ,ອັດຕາມີໂທລະພາບສີຂອງຄອບຄົວໄດ້ລື່ນກາຍ130%,ຢູ່ຊົນນະບົດກໍໄດ້ບັນລຸ75%ແລ້ວ.ກົມໃຫຍ່ວິທະຍຸ ຮູບເງົາແລະໂທລະພາບແຫ່ງຊາດຈີນ,ປະຈຸບັນນີ້,ວຽກງານເຜີຍແຜ່ໂທລະພາບດີຈີຕອນພວມຄ່ອຍໆແຜ່ຂະຫຍາຍໄປສູ່ເຂດພາກກາງ ພາກຕາເວັນຕົກແລະເຂດດ້ອຍພັດທະນາຂອງຈີນ,ປະຊາຊົນຈີນນັບມື້ນັບຫຼາຍບໍ່ພຽງແຕ່ສາມາດເບິ່ງລາຍການໂທລະພາບດີຈີຕອນອັນຍ້ອດຢ້ຽມໄດ້ທໍ່ນັ້ນ,ຍັງໄດ້ຖືໂທລະພາບດີຈີຕອນເປັນຜູ້ຊ່ອຍວຽກທີ່ດີໃນຊີວິດປະຈຳວັນຂອງພວກເຂົາເຈົ້ານຳອີກ.
|
|
|
