|
ວັນທີ20 ກໍລະກົດ,ກົມປ່າໄມ້ແຫ່ງຊາດຈີນໄດ້ປະກາດຄວາມຄືບໜ້າຫຼ້າສຸດຂອງວຽກງານທົດລອງປະຕິຮູບລະບອບກຳມະສິດປ່າໄມ້ຂອງຈີນ,ເນື້ອໃນສຳຄັນຂອງການປະຕິຮູບເທື່ອນີ້ແມ່ນເອົາປ່າໄມ້ລັດຫຼືຂອງລວມໝ່ວງໃຫ້ເອກະຊົນເໝົາເຮັດທຸລະກິດ.ເຈົ້າໜ້າທີ່ຂອງກົມປ່າໄມ້ແຫ່ງຊາດກ່າວວ່າ,ການປະຕິຮູບລະບອບກຳມະສິດປ່າໄມ້ແມ່ນເຮັດໃຫ້ລະບອບມອບເໝົາຕາມຜົນຜະລິດທີ່ປະຕິບັດຢູ່ຊົນນະບົດຈີນ,ຂະຫຍາຍຈາກດິນປູກຝັງໄປສູ່ດິນປ່າໄມ້,ມັນຈະເສີມຂະຫຍາຍບົດບາດຊຸກຍູ້ອັນຕັ້ງໜ້າໃນດ້ານຍົກສູງກຳລັງຜະລິດຂອງປ່າໄມ້ແລະໃຫ້ຜູ້ທີ່ຮັບເໝົາປ່າໄມ້ມີລາຍໄດ້ເພີ່ມຂຶ້ນ.ໃນລາຍການຈີນປັດຈຸບັນພາກນີ້,ພວກເຮົາຈະແນະນຳສະພາບການປະຕິຮູບລະບອບກຳມະສິດປ່າໄມ້ຂອງຈີນສູ່ທ່ານຟັງ.
ວຽກງານທົດລອງປະຕິຮູບລະບອບກຳມະສິດປ່າໄມຂອງຈີນເລີ່ມດຳເນີນມາແຕ່ສິບມື້ກາງເດືອນມິຖຸນາປີນີ້,ເມືອງອີຊຸນແຂວງເຮລົງຈຽງທີ່ຕັ້ງຢູ່ພາກຕາເວັນອອກສຽງເໜືອຂອງຈີນແມ່ນເຂດທີ່ກຳນົດໃຫ້ທົດລອງການປະຕິຮູບເທື່ອນີ້.ໃນເວລາແນະນຳກ່ຽວກັບສະພາບທົດລອງປະຕິຮູບຂອງພວກເຂົາເຈົ້ານັ້ນ,ທ່ານຊີຈ້າວຈຸ່ນ ເຈົ້າຄອງນະຄອນອີ່ຊຸ່ນເວົ້າວ່າ:
"ການທົດລອງປະຕິຮູບລະບອບກຳມະສິດປ່າໄມ້ຂອງລັດມີເນື້ອໃນສຳຄັນຄື,ພາຍໃຕ້ປະຖົມປັດໄຈທີ່ບໍ່ປ່ຽນແປງກຳມະສິດຂອງລັດແລະຄຸນປະໂຫຍດຂອງ ປ່າໄມ້,ມອບກຳມະສິດປ່າໄມ້ໃນປ່າສິດຄຸ້ມຄອງບໍລິຫານທຸລະກິດ,ປ່າໄມ້ໃຫ້ສ່ວນບຸກຄົນພາຍໃນ,ກຳນົດ50ປີໂດຍບໍ່ມີການປ່ຽນແປງ."
ຕາມສະຖິຕິ,ປະຈຸບັນ,ເມືອງອີຊຸ່ນມີ3000ກວ່າຄອບຄົວແລະຂະແໜງການຮັບຜິດຊອບຄຸ້ມຄອງການປ່າໄມ້ໄດ້ເຊັນຂໍ້ຜູກພັນ,ຮັບເໝົາເນື້ອທີ່ສາມໝື່ນໜຶ່ງພັນກວ່າເຮັກຕາ.
ເມືອງອີ່ຊຸ່ນເຄີຍແມ່ນເຂດທີ່ມີຊັບພະຍາກອນປ່າໄມ້ອຸດົມສົມບູນ,ແຕ່ຍ້ອນວ່າໃນເວລາຍາວນານມານີ້ມີການຕັດໄມ້ຫຼາຍໂພດແລະການຄຸ້ມຄອງກໍບໍ່ດີ,ເຮັດໃຫ້ໄມ້ໃນປ່າໜ້ອຍລົງຢ່າງຫຼວງຫຼາຍ,ແລະກໍ່ກະທົບກະເທື່ອນວຽກງານແລະຊີວິດການເປັນຢູ່ຂອງກຳມະກອນນິຄົມປ່າໄມ້ຂອງລັດ.ອີ່ຊຸ່ນໃນຖານະທີ່ເປັນເຂດທົດລອງປະຕິຮູບລະບອບກຳມະສິດປ່າໄມ້ຂອງຈີນເທື່ອນີ້,ໄດ້ເອົາດິນປ່າໄມ້ມອບໃຫ້ກຳມະກອນຂອງນິຄົມຮັບເໝົາ,ໃຫ້ເຂົາເຈົ້າຄຸ້ມຄອງບໍລິຫານເອງ,ຮັບຜິດຊອບຜົນກຳໄລແລະຂາດທຶນເອົາເອງ.ການເຮັດແບບນີ້ເປັນການທົດລອງວິທີຄຸ້ມຄອງໃໝ່,ທັງແມ່ນເພື່ອປັບປຸງຊີວິດການເປັນຢູ່ຂອງກຳມະກອນນິຄົມປ່າໄມ້.
ທ່ານເຢິນກົວຊຽງແມ່ນກຳມະກອນໃນນິຄົມປ່າໄມ້ຂອງລັດແຫ່ງໜຶ່ງໃນເມືອງອີ່ຊຸ່ນ,ເທື່ອນີ້ທ່ານໄດ້ຮັບເໝົາປ່າໄມ້10ເຮັກຕາ,ສັນຍາຮັບເໝົາ50ປີ.ເວົ້າເຖິງເລື່ອງນີ້,ທ່ານເຢິນກົວຊຽງສະແດງຄວາຫວັງວ່າ:
"ລະດູໃບໄມ້ລົ່ນນີ້,ຂ້າພະເຈົ້າລະແປ່ງດິນໄວ້ກ່ອນລະດູໃບໄມ້ປົ່ງໃນປີຊິມາ,ຂ້າພະເຈົ້າຈະປູກຕົ້ນໄມ້ໃສ່ເທິງພູທີ່ມີດິນເຮື້ອ,ຢູ່ເມືອງເຮົານີ້,ສ່ວນຫຼາຍປູກຕົ້ນສົນ,ຄິດໄລ່ເບິ່ງແລ້ວ,ດຽວນີ້,ຂ້າພະເຈົ້າປູກຕົ້ນສົນໃສ່ພູ,ອີກສິບກວ່າປີ,ມັນກໍຈະໃຫຍ່,ຕັດຂາຍເປັນສິນຄ້າໄດ້.ກຳມະກອນໃນເຂດປ່າໄມ້ຜູ້ໃດກໍສົນໃຈນຳເລື່ອງນີ້,ຄອບຄົວໃດກໍມີດິນປ່າໄມ້ຕອນໜຶ່ງ."
ທ່ານຮວາງໂສຮົງ ຫົວໜ້າພະແນກຊົນນະບົດຂອງຫ້ອງການຄົ້ນຄວ້າຂອງຄະນະລັດຖະບານຈີນເວົ້າວ່າ,ການປະຕິຮູບລະບອບກຳມະສິດປ່າໄມ້ທີ່ຈີນພວມດຳເນີນໃນປະຈຸບັນແມ່ນການປະຕິຮູບສຳຄັນຕໍ່ລະບອບດິນປ່າໄມ້ຢູ່ຊົນນະບົດໃນປັດຈຸບັນ,ຈະມີບົດບາດດີຫຼາຍໃຫ້ແກ່ການປະຕິຮູບທີ່ດິນທີ່ຖືດິນປູກຝັງເປັນຫຼັກ.ທ່ານເຈຍຈື້ບ່າງ ຫົວໜ້າກົມປ່າໄມ້ແຫ່ງຊາດຈີນກຳນົດລັກສະນະການປະຕິຮູບລະບອບກຳມະສິດປ່າໄມ້ເທື່ອນີ້ເປັນການສືບຕໍ່ແລະບູລະນະຂອງລະບອບມອບເໝົາຕາມຜົນຜະລິດຢູ່ໃນຊົນນະບົດຈີນ.
"ການປະຕິຮູບປ່າໄມ້ທີ່ຈິງແລ້ວແມ່ນການປະຕິຮູບຈາກທົ່ງນາໄປຫາປ່າໄມ້,ພາຍໃຕ້ປະຖົມປັດໄຈທີ່ບໍ່ປ່ຽນກຳມະສິດຮວມໝູ່ຂອງປ່າໄມ້,ຮັບປະກັນໃຫ້ຊາວນາມີສິດນຳໃຊ້,ສິດປູກຝັງແລະຄຸມຄອງປ່າໄມ້ສິດບໍລິຫານໄມ້ແລະສິດໄດ້ຮັບຜົນປະໂຫຍດຕາມກົດໝາຍ."
ປັດຈຸບັນ,ຈີນມີເນື້ອທີ່ປ່າໄມ້174ລ້ານກວ່າເຮັກຕາ,ອັດຕາປ່າໄມ້ປົກຄຸມ18,2%.ເຖິງວ່າອັດຕານີ້ເພີ່ມຂຶ້ນຕະຫຼອດ,ແຕ່ໃນໄລຍະຜ່ານມາ,ຍ້ອນຄວາມຂັດຂ້ອງຕ່າງໆທາງໂຄງປະກອບຄືສິດຊັບສິນບໍ່ຈະແຈ້ງ,ຂາດໜ່ວຍງານຄຸ້ມຄອງຕົວຈິງ,ພາໃຫ້ປ່າໄມ້ຂອງລັດແລະຂອງລວມໝູ່ຕັດຫຼາຍແຕ່ປູກໜ້ອຍຫຼືປູກກໍບໍ່ບົວລະບັດຮັກສາ,ຂໍ້ຂັດແຍ່ງແລະການຜິດກຽງທີ່ກ່ຽວຂ້ອງນັບມື້ນັບຫຼາຍຂຶ້ນ.ສະນັ້ນ,ການປະຕິຮູບກຳມະສິດປ່າໄມ້ເທື່ອນີ້ສຳຄັນທີ່ສຸດແມ່ນຕ້ອງໃຫ້ຮູ້ສິດຊັບສິນຢ່າງຈະແຈ້ງ,ສິດກຳກັບຄຸ້ມຄອງ,ແລະໃຫ້ຜູ້ຮັບເໝົາມີສິດຄຸ້ມຄອງເອງຢ່າງແທ້ຈິງ,ແລະໄດ້ຮັບຜົນປະໂຫຍດຈາກການຮັບເໝົາ.ກ່ຽວກັບເລື່ອງນີ້,ທ່ານຊ່ຽວຊິ່ງໄວ່ ຫົວໜ້າພະແນກຄຸ້ມຄອງຊັບພະຍາກອນປ່າໄມ້ຂອງກົມປ່າໄມ້ແຫ່ງຊາດຈີນບອກວ່າ:
"ຈາກການທົດລອງປະຕິຮູບລະບອບກຳມະສິດປ່າໄມ້ໃນເຂດປ່າໄມ້ຂອງລັດ, ພວກເຮົາຕ້ອງຊຸກຍູ້ການຫັນປ່ຽນໂຄງປະກອບທຸລະກິດຊັບພະຍາກອນປ່າໄມ້,ຍົກສູງຜົນຜະລິດຂອງປ່າໄມ້,ຍົກສູງການຄຸ້ມຄອງຊັບພະຍາກອນປ່າໄມ້,ແບບມີຈຸດສຸມເຮັດໃຫ້ຊັບພະຍາກອນປ່າໄມ້ມີການຕັດແລະປູກທົດແທນໂດຍຕະຫຼອດ.ພ້ອມກັນນັ້ນ,ຍັງຈະເອົາການປະຕິຮູບລະບອບກຳມະສິດປ່າໄມ້ຊຸກຍູ້ການປະຕິຮູບຍເຂດປ່າໄມ້ຂອງລັດຢ່າງຮອບດ້ານ."
ຕາມໄດ້ຊາບ,ນັບແຕ່ມີການປະຕິຮູບລະບອບກຳມະສິດປ່າໄມ້ຢູ່ອີ່ຊຸ່ນເປັນຕົ້ນມາແມ່ນໄດ້ດຳເນີນໄປຢ່າງສະດວກ.ແຕ່ວ່າ,ໃນຂັ້ນຕອນການປະຕິຮູບຕົວຈິງ,ຍັງມິບາງບ່ອນທີ່ຕ້ອງປັບປຸງໃຫ້ດີຂຶ້ນຕື່ມ.ເຊັ່ນ,ແກ້ໄຂທາງບັນຫາທີ່ເກີດຂຶ້ນພາຍຫຼັງການຮັບເໝົາ.
ໃນເວລາໃຫ້ສຳພາດຕໍ່ນັກຂ່າວ,ທ່ານຫຼີຈີ້ນຊຽງ ຫົວໜ້າພະແນກຄຸ້ມຄອງຊັບພະຍາກອນການປ່າໄມ້ຂອງອີ່ຊຸ່ນກ່າວວ່າ:
"ພວກເຮົາໄດ້ເຊັນຂໍ້ຜູກພັນແລະສັນຍາກັບກຳມະກອນທັງໝົດ,ໃນນັ້ນມີຂໍ້ໜຶ່ງຄື:ໃນເວລາທີ່ລັດຕ້ອງການນຳໃຊ້ດິນປ່າໄມ້ນັ້ນ,ລັດຈະໃຫ້ຄ້າທົດແທນ. ຕາມລາຄາຂອງພັນໄມ້ທີ່ເຂົາເຈົ້າປູກ,ແຮງງານທີ່ເຂົ້າເຈົ້າໃຊ້ແລະເວລາກຳນົດຮັບເໝົາ."
ທ່ານຜູ້ຟັງທີ່ໂຄລົບ,ນອກຈາກບ່ອນທົດລອງປະຕິຮູບກຳມະສິດປ່າໄມ້ຢູ່ອີ່ຊຸ່ນທີ່ລັດຖະບານຈີນອະນຸມັດແລ້ວ,ເຂດແຂວງອື່ນໆຂອງຈີນ,ຄືແຂວງຟູຈ້ຽນ,ແຂວງຢຸນນານເປັນຕົ້ນທີ່ມີຊັບພະຍາກອນປ່າໄມ້ອຸດົມສົມບູນ,ກໍ່ທະຍອຍກັນດຳເນີນການປະຕິຮູບຄືກັນ.ວິທີພື້ນຖານຂອງເຂົາເຈົ້າສ່ວນຫຼາຍແມ່ນທີ່ຮັກສາກຳມະສິດຮວມໝູ່,ແລະຄຸນປະໂຫຍດຂອງເຂດປ່າໄມ້,ສົ່ງເສີມໃຫ້ກຳມະສິດຂອງຕົ້ນໄມ້ແລະສິດໃຊ້ເຂດປ່າໄມ້ໝູນວຽນກັນຢ່າງເປັນລະບົບ,ໃຊ້ຮູບການຫຼາຍຢ່າງເຊັ່ນການຮັບເໝົາແລະການເຊົ່າເປັນຕົ້ນ,ສ້າງກົນໄກຕະຫຼາດຫຼາຍພາກສ່ວນໂດຍກະສິກອນປູກໄມ້ເປັນຫຼັກ,ດຳເນີນການຄ້າຂາຍຫຼາຍຊະນິດ.
ຕາມໄດ້ຊາບ,ຈີນຈະຈັດງານສຳມະນາຄົ້ນຄວ້າແລະງານແລກປ່ຽນບົດຮຽນທີ່ກ່ຽວກັບການປະຕິຮູບລະບອບກຳມະສິດປ່າໄມ້ໃນໄວໆນີ້,ແລະຈະເຜີຍແຜ່ການປະຕິຮູບໄປທົ່ວປະເທດໃນໂອກາດທີ່ເໝາະສົມ.
|
