|
|
 |
| (GMT+08:00)
2006-08-25 09:47:27
|
 |
|
ກິດຈະກຳຫຼິ້ນກິລາຫັດກາຍທົ່ວປວງຊົນຢູ່ຊົນນະບົດຈີນໄດ້ພັດທະນາຢ່າງຟົດຟື້ນ
cri
ກິດຈະກຳຫຼິ້ນກິລາຫັດກາຍທົ່ວປວງຊົນຢູ່ຊົນນະບົດຈີນໄດ້ພັດທະນາຢ່າງຟົດຟື້ນ
ໃນບໍ່ເທົ່າໃດປີມານີ້, ຄຽງຄູ່ກັບຊາວຈີນນັບມື້ນັບເອົາໃຈໃສ່ສຸຂະພາບ, ໃນຕົວເມືອງຕ່າງໆຈີນໄດ້ຈັດກິດຈະກຳຫຼິ້ນກິລາຫັດກາຍທົ່ວປວງຊົນ. ປັດຈຸບັນ, ໃນເຂດຊົນນະບົດຫຼາຍແຫ່ງຂອງຈີນ, ກິດຈະກຳຫຼິ້ນກິລາຫັດກາຍທົ່ວປວງຊົນກໍໄດ້ຂະຫຍາຍໄປເປັນຕົນເປັນໂຕ, ກາຍເປັນສ່ວນໜຶ່ງທີ່ຂາດບໍ່ໄດ້ໃນຊີວິດປະຈຳວັນຂອງປະຊາຊົນແລ້ວ. ບໍ່ພຽງແຕ່ທໍ່ນັ້ນ, ການຈັດກິດຈະກຳຫັດກາຍທົ່ວປວງຊົນຍັງໄດ້ເຮັດໃຫ້ເສດຖະກິດເຂດຊົນນະບົດຈີນໄດ້ມີການພັດທະນາຢ່າງຫຼວງຫຼາຍ.
ເມືອງຢ້ຽວຢູ້ເປັນເມືອງນ້ອຍຕັ້ງຢູ່ພາກຕາເວັນຕົກສຽງເໜືອຂອງແຂວງຊ່ານຊີມີປະຊາກອນບໍ່ເຖິງ1ແສນ1ໝື່ນຄົນ, ເນື້ອທີ່ບໍ່ຮອດ2000ກິໂລຕາແມັດ, ແຕ່ໃນຫຼາຍປີມານີ້, ດ້ວຍການຈັດງານກິລາແຂ່ງຂັນຂະໜາດໃຫຍ່ລະດັບຊາດເປັນປະຈຳ, ເພື່ອປະກອບສ່ວນພັດທະນາການທ່ອງທ່ຽວຂອງເມືອງ.
ໃນເວລາໃຫ້ສຳພາດຕໍ່ນັກຂ່າວCRI: ທ່ານຫຼັງເສີງ ຮອງເຈົ້າເມືອງຢ້ຽວຢູ່ກ່າວວ່າ, ຈຸດພິເສດຂອງການຂະຫຍາຍກິດຈະກຳຫຼິ້ນກິລາຫັດກາຍທົ່ວປວງຊົນຂອງເມືອງດັ່ງກ່າວແມ່ນ, "ຫຼິ້ນກິລາເຮັດໃຫ້ຊີວິດການເປັນຢູ່ຂອງປະຊາຊົນສົມບູນຂຶ້ນ, ຫຼິ້ນກິລາເພື່ອພັດທະນາການທ່ອງທ່ຽວ."
ການແຂ່ງຂັນລົດລໍ້ດຽວແມ່ນ"ເອກະລັກ"ຂອງກິລາຫັດກາຍຂອງເມືອງຢ້ຽວຢູ້ຍ້ອນມີພື້ນຖານມວນຊົນຫຼາຍ, ໃນການແຂ່ງຂັນລົດລໍ້ດຽວຊິ່ງລາງວັນທົ່ວປະເທດທີ່ຈັດຂຶ້ນໃນປີກາຍນີ້, ທິມເມືອງຢ້ຽວຢູ້ທີ່ປະກອບຂຶ້ນມາໄດ້ເດືອນປາຍກໍຊີງໄດ້12ຫຼຽນໃນການແຂ່ງຂັນ. ປັດຈຸບັນ, ດອນແລງທຸກມື້, ຢູ່ສະໜາມຫຼວງວັດທະນະທຳໜ້າສຳນັກປົກຄອງເມືອງຢ້ຽວຢູ້, ຈະໄດ້ເຫັນນັກຮຽນເປັນກຸ່ມເປັນໝູ່ຫັດຂີ່ລົດລໍ້ດຽວ.
ນາງເວີນເຫວີນ ເຈົ້າໜ້າທີ່ກົມໃຫຍ່ກິລາແຫ່ງຊາດຈີນເຫັນວ່າກິດຈະກຳຫຼິ້ນກິລາຫັດກາຍທົ່ວປວງຊົນ, ມີຄວາມໝາຍສຳຄັນຕໍ່ສຸຂະພາບຂອງທົ່ວປວງຊົນ, ໂດຍສະເພາະແມ່ນຊາວກະສິກອນ:"ເຮັດໃຫ້ທົ່ວທັງຊາດມີສຸຂະພາບ, ແມ່ນເປົ້າໝາຍຕົ້ນຕໍຂອງພະນັກງານກິລາ. ປີນີ້ກົມໃຫຍ່ກິລາແຫ່ງຊາດຈີນໄດ້ໃຊ້ວິທີການຕ່າງໆໂດຍຖືເອົາໂອກາດທີ່ເປັນເຈົ້າພາບງານກິລາໂອລິມປິກປັກກິ່ງເຮັດໃຫ້ຫຼິ້ນກິລາຫັດກາຍທົ່ວປວງຊົນກັບວຽກງານຈັດງານກິລາໂອລິມປິກຄຽງຄູ່ກັນໄປ. ໜ້າທີ່ຂໍກະແຈແມ່ນຍົກສະຕິຂອງທົ່ວປວງຊົນທີ່ມີຕໍ່ການຫຼິ້ນກິລາໃຫ້ສູງຂຶ້ນ, ເຮັດໃຫ້ປະຊາຊົນຮູ້ຈັກຍີທີຫັດກາຍຕາມຫຼັກວິທະຍາສາດ, ສ້າງຕັ້ງອົງການກິລາຢູ່ອ້ອມຂ້າງ, ສ້າງສະຖານທີ່ຫຼິ້ນກິລາໃຫ້ແກ່ປະຊາຊົນ, ໂດຍສະເພາະແມ່ນຊາວນາ, ພ້ອມກັນນັ້ນຕ້ອງຈັດກິດຈະກຳກິລາມະຫາຊົນອັນອຸດົມສົມບູນແລະຊີວິດຊີວາ, ເຮັດໃຫ້ຄົນທັງຫຼາຍເຂົ້າສູ່ຖັນແຖວທົ່ວປວງຊົນຫຼິ້ນກິລາຫັດກາຍ, ເຮັດໃຫ້ສະພາບຂອງທົ່ວຊົນຊາດແຂວງແຮງຂຶ້ນຢ່າງຫຼວງຫຼາຍ."
ທ່ານຊິງເສີງເຊີງ ທີ່ປຶກສາການທ່ອງທ່ຽວເມືອງຢີ້ວຢູ້ກໍເຫັນວ່າ, ການເຜີຍແຜ່ກິດຈະກຳຫຼິ້ນກິລາຫັດກາຍທົ່ວປວງຊົນມີຜົນດີຕໍ່ການພັດທະນາເສດຖະກິດຢ່າງຫຼວງຫຼາຍ. ໂດຍສະເພາະຢູ່ຊົນນະບົດຈີນ, ເປົ້າໝາຍສ້າງສາຊົນນະບົດທີ່ມີ"ອາລະຍະທຳ ອຸດົມຮັ່ງມີ ການພັດທະນາ"ນັ້ນມີທາດແທ້ຄືກັນກັບຄຳຂວັນຂອງກິລາໂອລິມປິກຄື"ຍິງສູງ ຍິງໄວ ຍິງແຮງ" "ມີສຸຂະພາບແຮງແຮງຈິ່ງມີທຸກສິ່ງທຸກຢ່າງ. ມີສະພາບແວດລ້ອມທີ່ດີຄົນທັງຫຼາຍຈິ່ງສະບາຍອົກສະບາຍໃຈ, ການລິເລີ່ມອັນຕັ້ງໜ້າເຮັດໃຫ້ສຸຂະພາບແຂງແຮງຂຶ້ນ, ດັ່ງນັ້ນ, ຈິ່ງມີອາລົມດີໄປສ້າງສາແລະພັດທະນາເສດຖະກິດ. ບໍ່ວ່າລັດປຸກລະດົມໃຫ້ໄດ້ຫຼຽນຫຼາຍເທົ່າໃດໃນງານກິລາໂອລິມປິກ, ຫຼືວ່າລາຍການແຂ່ງຂັນຈະຂະຫຍາຍຕາມຈິດໃນສິງສູງ ຍິງໄວ ຍິງແຮງແນວໃດກໍຕາມ, ເປົ້າໝາຍຕົ້ນຕໍຍັງແມ່ນເພື່ອສົ່ງເສີມການຫັດກາຍທົ່ວປວງຊົນ. ອັນທີ່ວ່າ"ຍິງສູງ ຍິງໄວ ຍິງແຮງ"ແລະ"ອາລະຍະທຳ ອຸດົມຮັ່ງມີ ການພັດທະນາ"ຄວາມຈິງແລ້ວແມ່ນເຫດຜົນອັນດຽວກັນ.
|
|
|
