|
|
 |
| (GMT+08:00)
2006-08-04 21:11:05
|
 |
|
ຫວຽດນາມບໍ່ພໍໃຈນຳຂໍ້ສະເໜີກ່ຽວກັບພາສີຕ້ານການຂາຍເລຂອງສະຫະພາບເອີລົບ
cri
ຕາມຂ່າວສານຊິນຮວາ,ວັນທີ3ສິງຫາ,ສື່ມວນຊົນຫວຽດນາມແຈ້ງຂ່າວວ່າ,ຫວ່າງມໍ່ໆນີ້,ທ່ານຟານເຖຣຸຍ ຮອງລັດຖະມົນຕີຊ່ອຍວ່າການກະຊວງການຄ້າຫວຽດນາມກ່າວວ່າ,ຫວຽດນາມຄັດຄ້ານຂໍ້ສະເໜີຂອງສະຫະພາບເອີລົບທີ່ເກັບພາສີຕ້ານການຂາຍເລ10%ຕໍ່ເກີບໜັງຫວຽດນາມທັງໝົດ.
ທ່ານຟານເຖຣຸຍກ່າວວ່າ,ຂໍ້ສະເໜີຂອງສະຫະພາບເອີລົບໄດ້ຝ່າຝືນນ້ຳໃຈການຄ້າເສລີທີ່ເຂົາລິເລີ່ມແລະຄຳໝັ້ນສັນຍາທີ່ສະໜັບສະໜູນຫວຽດນາມບັນລຸເປົ້າໝາຍທີ່ບຳບັດຄວາມທຸກຍາກ,ຂໍ້ສະເໜີດັ່ງກ່າວບໍ່ທ່ຽງທຳແລະບໍ່ມີຫຼັກອ້າງອີງຈັກເມັດ, ຈະກະທົບກະເທືອນເຖິງການຂະຫຍາຍຕົວຢ່າງໝັ້ນທ່ຽງຂອງການພົວພັນລະຫວ່າງຫວຽດນາມກັບສະຫະພາບເອີລົບ.ທ່ານກ່າວວ່າ,ຕາມໃດປະຕິບັດພາສີຕ້ານການຂາຍເລໃໝ່,ມັນບໍ່ພຽງແຕ່ຈະກະທົບກະເທືອນເຖິງວິສາຫະກິດຫວຽດນາມທໍ່ນັ້ນ,ແລະກໍບໍ່ມີຜົນດີຕໍ່ຜູ່ບໍລິໂພກຂອງປະເທດສະຫະພາບເອີລົບນຳອີກ.
ເມື່ອທ້າຍເດືອນແລ້ວນີ້, ຄະນະກຳມາທິການສະຫະພາບເອີລົບໄດ້ສະເໜີໃຫ້ເກັບພາສີຕ້ານການຂາຍເລ10%ຕໍ່ເກີບໜັງທັງໝົດເຊິ່ງລວມທັງເກີບໜັງເດັກນ້ອຍ ທີ່ຫວຽດນາມຜະລິດ,ຈະປະຕິບັດ5ປີ,ເພື່ອເຂົ້າແທນພາສີຕ້ານການຂາຍເລຊົ່ວຄາວທີ່ປະຕິບັດໃນປັດຈຸບັນ.ຄະນະກຳມາທິການສະຫະພາບເອີລົບຈະສຳຫຼວດພິຈາລະນາຂໍ້ສະເໜີດັ່ງກ່າວໃນເດືອນກັນຍາປີນີ້.
|
|
|
