ຕາມ​ຂ່າວCRI,ໜັງສືພິມ​ເຢິນມິນ​ຢື້​ປ້າວຂອງຈີນ​ສະບັບ​ວັນ​ທີ5​ສິງຫາໄດ້​ພິມ​ບົດ​ຄວາມ​ຂອງ​ກົມ​ໃຫຍ່​ອະນຸລັກ​ສິ່ງ​ແວ​ດລ້ອມ​ແຫ່ງ​ຊາດ​ຈີນ.ບົດ​ຄວາມ​ກ່າວ​ເນັ້ນ​ວ່າ,​ໃນ​ສະ​ເພາະ​ໜ້າ​ນີ້, ເສດຖະກິດ​ທີ່ເຕີບ​​ໂຕ​ໄວ​​ເຂົ້າ​ກັບ​ການ​ອະນຸລັກ​ສິ່ງ​ແວດ​ລ້ອມ​ຂອງ​ຈີນ​ມີ​ຄວາມ​ຂັດ​ແຍ່ງ​ແຫຼມ​ຄົມ​ທີ່​ສຸດ.​ແຫ່ງ​ຕ່າງໆ​ຕ້ອງ​ ​ອະນຸລັກ​ສິ່ງ​ແວດ​ລ້ອມ​ໃຫ້​ແຂງ​ແຮງ​ກວ່າ​ເກົ່າ, ​ລະບາຍ​ສິ່ງ​ເຊື່ອມ​ພິດ​ໃຫ້​ໜ້ອຍ​ລົງ.

ບົດ​ຄວາມ​ຂຽນ​ວ່າ,ປັດ​ຈຸ​ບັນ,ບັນຫາ​ສິ່ງ​ແວດ​ລ້ອມ​ທີ່​ຕົກຄ້າງ​ມາ​​ດົນ​ນານຍັງ​ບໍ່​ທັນ​​ໄດ້ແກ້​ໄຂ​ເທື່ອ,​ບັນ​ຫາ​ໃໝ່​ພັດ​ໄດ້​ເກີດ​ຂຶ້ນ​ຢ່າງ​ບໍ່​ຢຸດ​ຢັ້ງ. ສິ່ງ​ເຊື່ອມ​ພິດ​ທີ່​ລະ​ບາຍ​ອອກ​ໄດ້​ລື່ນ​ກາຍ​ຄວາມ​ສາ​ມາດ​ຫາບ​ແບບ​ຂອງ​ສິ່ງ​ແວດ​ລ້ອມ​ແລ້ວ,​ແມ່​ນ້ຳ​ລຳ​ເຊ​ທີ່​ໄຫຼ​ຜ່ານ​ຕົວ​ເມືອງ​ຖືກ​ເຊື່ອມ​ພິດ​ໂດ​ຍທົ່ວ​​ໄປ.ດິນ​1/3​ໃນ​ທົ່ວ​ປະ​ເທດ​ຖືກ​ກະ​ທົບ​ກະ​ເທືອ​ນຍ້ອນ​ຝົນ​ສົ້ມ.​ທົ່ງ​ຫຍ້າ​ທຳ​ມະ​ຊາດ​90%​ຂຶ້ນ​ໄປ​ໄດ້​ເສື່ອມ​ພັນ,​ຊະ​ນິດ​ຊີ​ວະ​ຊາດ​ໄດ້​ຫຼຸດ​ໜ້ອຍ​ລົງ.​ບັນ​ຫາ​ສິ່ງ​ແວດ​ລ້ອມ​ທີ່​ປະ​ກົດ​ອອກ​ໃນ​ໄລ​ຍະ​ຕ່າງໆ​ໃນ​ຂະ​ບວນ​ການ​ຫັນ​ເປັນ​ອຸດ​ສາ​ຫະ​ກຳ​ນັບ​ເປັນ​ຮ້ອຍ​ປີ​ຂອງ​ປະ​ເທດ​ພັດ​ທະ​ນາ​ນັ້ນ​ລ້ວນ​ແຕ່​ໄດ້​ປະ​ກົດ​ຕົວ​ອອກ​ຢູ່​ຈີນ.

ບົດ​ຄວາມ​ຊີ້​ອອກ​ວ່າ,ຄັນ​ຢາກ​ອະນຸລັກ​ສິ່ງ​ແວ​ດລ້ອມ​ໃຫ້​ດີ​ໃຕ້​ສະ​ພາບ​ການ​ໃໝ່,​ຕ້ອງ​ຍຶດ​ໝັ້ນ​ເອົາ​ໃຈ​ໃສ່​ນຳ​ການ​ອະ​ນຸ​ລັກ​ສິ່ງ​ແວດ​ລ້ອມ​ແລະ​ເຮັດ​ໃຫ້​ເສດ​ຖະ​ກິດ​ເຕີບ​ໂຕ​ໄປ​ພ້ອມ​ກັນ.​ປະ​ຕິ​ບັດ​ລະ​ບອບ​ໜ້າ​ທີ່​ຮັບ​ຜິດ​ຊອບ​ຕໍ່​ເປົ້າ​ໝາຍ​ສິ່ງ​ແວດ​ລ້ອມ​ແລະ​ລະ​ບອບ​ເອົາ​ໂທດ​ນຳ​ຜູ່​ມີ​ໜ້າ​ທີ່​ຮັບ​ຜິດ​ຊອບ.​ຄວບ​ຄຸມ​ຍອດ​ບໍລິ​ມາດ ​ສິ່ງ​ເຊື່ອມ​ພິດ​ທີ່​ລະ​ບາຍ​ອອກ​ຢ່າງ​ເຄັ່ງ​ຄັດ,​ໝູນ​ໃຊ້​ກົດ​ໝາຍ,​ເສດ​ຖະ​ກິດ,​ເຕັກ​ນິກ​ແລະ​ພາ​ຫະ​ນະ​ບໍ​ລິ​ຫານ​ອັນ​ຈຳ​ເປັນ​ຢ່າງ​ເຕັມ​ສ່ວນ​ເພື່ອ​ອະ​ນຸ​ລັກ​ສິ່ງ​ແວດ​ລ້ອມ.