|
ເວທີປາໄສການຮ່ວມມືເສດຖະກິດອ້ອມອ່າວພາກເຫນືອໄດ້ອັດລົງຢູ່ເມືອງນານນິງ ເທດສະບານເຂດປົກຄອງຕົນເອງກວາງຊີເຜົ່າຈວ້າງໃນຫວ່າງແລ້ວນີ້,ເຈົ້າຫນ້າທີ່ລັດຖະບານ ຜູ່ຊ່ຽວຊານ ນັກປາດຂອງບຼູໃນ ອິນໂດເນເຊຍ ມາເລເຊຍ ຟິລິບປິນ ສິງກະໂປ ຫວຽດນາມແລະຈີນພ້ອມກັບຜູ່ແທນວິສາຫະກິດທີ່ມີຊື່ງຈຳນວນຫນຶ່ງຢູ່ພາຍໃນແລະພົ້ນທະເລໄດ້ເຕົ້າໂຮມກັນ, ເພື່ອປຶກສາຫາລືລົງເລິກບັນຫາຮ່ວມມືຢູ່ເຂດອ້ອມອ່າວພາກເຫນືອໃນຫົວຂໍ້ທີ່ວ່າສ້າງຈຸດເຕີບໂຕລະຫວ່າງຈີນກັບອາຊຽນ.
ເດືອນພະຈິກປີ 2002,ຈີນກັບອາຊຽນໄດ້ເຊັນສັນຍາກອບການຮ່ວມມືເສດຖະກິດຮອບດ້ານລະຫວ່າງຈີນກັບອາຊຽນຢູ່ພະນົມເປັນນະຄອນຫລວງຂອງກຳປູເຈຍ, ປີ 2005,ຍອດມູນຄ່າການຄ້າລະຫວ່າງຈີນກັບອາຊຽນໄດ້ລື່ນ 100 ຕື້ໂດລາສະຫະລັດ, ອາຊຽນກາຍເປັນຄູ່ຄ້າລາຍໃຫຍ່ອັນດັບທີຫ້າຂອງຈີນ, ເປັນຕະຫລາດສົ່ງອອກໃຫຍ່ອັນດັບທີຫ້າແລະແຫລ່ງນຳເຂົ້າສິນ ຄ້າໃຫຍ່ອັນດັບທີສີ່, ການຮ່ວມມືດ້ານການລົງທຶນແລະການຄ້າລະຫວ່າງ ສອງຝ່າຍມີທ່ວງທ່າເພີ່ມຂຶ້ນແລະມີກຳລັງບົ່ມຊ້ອນໃນການພັດທະນາຢ່າງມະຫາສານ.
ຄຽງຄູ່ກັບການສ້າງແລະການຂະຫຍາຍການພົວພັນແບບຄູ່ຮ່ວມມືຍຸດທະສາດລະຫວ່າງຈີນກັບສະມາຄົມປະຊາຊາດອາຊີຕາເວັນອອກສຽງໃຕ້ຫລືອາຊຽນຢ່າງວ່ອງໄວນັ້ນ, ໃນຖານເປັນສາຍພານຂ້າມທະເລຢູ່ລະຫວ່າງຈີນກັບອາຊຽນ, ເຂດອ້ອມອ່າວພາກເຫນືອນັບມື້ນັບໄດ້ຮັບຄວາມສົນໃຈຈາກທຸກຝ່າຍຍ້ອນມີທີ່ຕັ້ງພູມສາດພິເສດ, ມີຊັບພະຍາກອນທຳມະຊາດອັນອຸດົມສົມ ບູນ, ພື້ນຖານການຮ່ວມມືອັນດີງາມແລະອະນາຄົດການພັດທະນາທີ່ກວ້າງ ຂວາງ.ເວທີປາໄສເທື່ອນີ້ກໍ່ແມ່ນຈັດຂຶ້ນພາຍໃຕ້ຈຸດປະສົງດັ່ງກ່າວ.
ໃນເວລາກ່າວເຖິງຄວາມສາມາດເປັນໄປໄດ້ທີ່ຈະດຳເນີນການຮ່ວມມືຢູ່ເຂດອ້ອມອ່າວພາກເຫນືອ, ທ່ານລູ້ປິງ ປະທານເຂດປົກຄອງຕົນເອງກວາງຊີເຜົ່າຈວ້າງ ເວົ້າວ່າ, ເຂດອ້ອມອ່າວພາກເຫນືອຕັ້ງຢູ່ໃຈກາງເຂດການຄ້າເສລີຈີນອາຊຽນ, ລະດັບພັດທະນາເສດຖະກິດສັງຄົມຂອງປະເທດຕ່າງໆໃນເຂດນີ້ມີຄວາມຜິດໂຕນກັນຫລາຍ, ອົງປະກອບຊັບພະຍາກອນ,ອົງປະກອບ ອຸດສາຫະກຳແລະມີລັກສະນະຊ້ວນຊູກັນໃນການຕະຫລາດ, ການພັດ ທະນາເສດຖະກິດມີຊີວິດຊີວາຫລາຍ, ການພົວພັນເສດຖະກິດການຄ້າຂະ ຫຍາຍຕົວຢ່າງວ່ອງໄວ, ການດຳເນີນການຮ່ວມມືຕ່າງຝ່າຍຕ່າງມີຜົນປະ ໂຫຍດຢ່າງຮອບດ້ານແລະເລິກເຊິ່ງນັ້ນແມ່ນມີພື້ນຖານອັນດີ, ມີກຳລັງບົ່ມຊ້ອນມະຫາສານແລະມີອະນາຄົດທີ່ກວ້າງຂວາງ.ທ່ານຊີ້ອອກວ່າ:
ການຮ່ວມມືຢູ່ເຂດອ້ອມອ່າວພາກເຫນືອໄດ້ຂ້າມແຂວງ ຂ້າມປະເທດ,ເປັນຈຸດຍຸດທະສາດໃນການມືພາກພື້ນ,ສາກົນແລະພາຍໃນປະເທດ.ການຊຸກຍູ້ການຮ່ວມມືຢູ່ເຂດອ້ອມອ່າວພາກເຫນືອ, ເນການຊອກຊ່ອງທາງສຳລັບການຮ່ວມມືດ້ານເສດຖະກິດລະຫວ່າງພາກຕາເວັນຕົກສຽງໃຕ້ກັບພາຍນອກແລະຊຸກຍູ້ການພັດທະນາພາກຕາເວັນຕົກໄປພ້ອມກັນ, ສຳລັບການຊຸກຍູ້ເຂດອ່າວພາກເຫນືອມີຄວາມກ້າວກະໂດດຢ່າງວ່ອງໄວ, ກາຍເປັນວົງເສດຖະກິດໃຫຍ່ທີສີ່ທີ່ນຳພາການພັດທະນາຂອງເສດຖະກິດຈີນ, ແລະສຳ ລັບການຊຸກຍູ້ການສ້າງເຂດການຄ້າເສລີຈີນອາຊຽນ,ຂະຫຍາຍການພົວພັນໄມຕີຈິດຖານບ້ານໃກ້ເຮືອນຄຽງລະຫວ່າງຈີນກັບບັນດາປະເທດອາຊຽນ, ລ້ວນແຕ່ມີຄວາມຫມາຍສຳຄັນຍິ່ງ.
ທ່ານລູ້ປິງກ່າວເນັ້ນວ່າ, ໃນສະເພາະຫນ້ານີ້, ເສດຖະກິດໂລກາວິວັດແລະການເຊື່ອມໂຍງເຂົ້າກັນຂອງເສດຖະກິດພາກພື້ນໄດ້ຂະຫຍາຍຕົວເລື້ອຍໆ,ການພົວພັນແບບຄູ່ຮ່ວມມືຍຸດທະສາດລະຫວ່າງຈີນກັບອາຊຽນໄດ້ເພີ່ມທະວີຂຶ້ນຢ່າງບໍ່ຢຸດຢັ້ງ, ຂະບວນວິວັດສ້າງເຂດການຄ້າເສລີຈີນອາຊຽນເລັ່ງໄວເຂົ້າຢ່າງເດັ່ນຊັດ, ການຮ່ວມມືຢູ່ເຂດປານແມ່ນ້ຳຈູ່ຈ່ຽງໄດ້ກ້າວສູ່ລວງເລິກຢ່າງບໍ່ຢຸດຢັ້ງ,ທັງຫມົດເຫລົ່ານີ້ໄດ້ນຳເອົາໂອກາດໃຫມ່ມາໃຫ້ການຮ່ວມມືຢູ່ເຂດອ້ອມພາກອ່າວເຫນືອ. ຜ່ານການບຸກເບີກແລະກໍ່ສ້າງເປັນເວລາຫລາຍປີ, ກຳລັງແຮງດ້ານເສດຖະ ກິດຂອງເຂດອ້ອມອ່າວພາກເຫນືອໄດ້ເພີ່ມທະວີຂຶ້ນຢ່າງເດັ່ນຊັດ,ການເປີດປະຕູສູ່ພາຍນອກກໍ່ສູງຂຶ້ນເລື້ອຍໆ,ການກໍ່ສ້າງພື້ນຖານໂຄງລ່າງແລະທ່າກຳປັ່ນນັບມື້ນັບຄົບຖ້ວນ,ຄ່ອຍໆຈໍ່ຕົວຂຶ້ນເປັນກຸ່ມອຸດສາຫະກຳແລະຕົວເມືອງ.ໂອກາດໃນການຊຸກຍູ້ການຮ່ວມມືຢູ່ເຂດອ້ອມອ່າວພາກເຫນືອນັ້ນໄດ້ສຸກງອມແລ້ວ.
ຫວຽດນາມມີເສັ້ນຊາຍຝັ່ງທະເລອັນຍາວຢຽດແລະມີທ່າກຳປັ່ນຫລາຍ ,ສະນັ້ນຈິ່ງເປັນຜົນດີໃນການຮ່ວມມືດ້ານເສດຖະກິດອ້ອມອ່າວພາກເຫນືອ,ເດືອນພຶດສະພາປີ 2004, ໃນເວລາພົບປະກັນ, ນາຍົກລັດຖະມົນຕີສອງປະເທດຈີນຫວຽດນາມໄດ້ສະເຫນີຄວາມຄິດລິເລີ່ມໃນການສ້າງສອງແລວພັດ ທະນາເສດຖະກິດຄືຫນຶ່ງແຕ່ນານນິງ-ຮາໂນຍ-ຮາຍຟົງ ອີກແລວຫນຶ່ງແຕ່ຄຸນມິງ-ຮາໂນຍ-ຮາຍຟົງເປັນວົງເສດຖະກິດອ້ອມອ່າວພາກເຫນືອ. ຄວາມຄິດລິເລີ່ມຍຸດທະສາດສຳຄັນທີ່ດັ່ງກ່າວໄດ້ຮັບການຮັບຮອງຈາກລັດຖະບານສອງປະເທດ.ໂດຍເລີ່ມຈາກລະດັບການພັດທະນາເສດຖະກິດພາກພື້ນແລະທ່ວງທ່າການຮ່ວມມືໃນອະນຸພາກພື້ນ, ເຂດອ້ອມອ່າວພາກເຫນືອແມ່ນແນວຄວາມຄິດເພື່ອສ້າງອ່າວພາກເຫນືອໃຫຍ່,ສະນັ້ນ, ເວທີປາໄສເທື່ອນີ້ໄດ້ລວມເອົາສິງກະໂປ ມາເລເຊຍ ຟິລິບປິນ ບຼູໄນແລະອິນໂດເນເຊຍເຂົ້າໃນເຂດນີ້ນຳ,ແລະໃນທີ່ສຸດຈະປະກອບເປັນຈຸດເຕີບໂຕໃຫມ່ຂອງເຂດການຄ້າເສລີຈີນອາຊຽນ.
ທ່ານເລດັນວິນ ລັດຖະມົນຕີຊ່ອຍວ່າການກະຊວງການຄ້າຫວຽດນາມໃຫ້ສຳພາດຕໍ່ນັກຂ່າວ CRI ວ່າ:
ໃນບໍ່ເທົ່າໃດປີມໍ່ໆມານີ້,ຫວຽດນາມກັບຈີນໄດ້ມີຄວາມຄືບຫນ້າອັນໃຫຍ່ຫລວງໃນການຮ່ວມມືດ້ານເສດຖະກິດການຄ້າ.ການພົບປະແລະການຮ່ວມມືລະຫວ່າງຜູ່ນຳ ລະດັບຕ່າງໆແລະວິສາຫະກິດລະຫວ່າງສອງປະເທດຫລາຍເທື່ອພາຍໃນສາມປີແຕ່ປີ 2004 ຫາປີ 2006 ນັ້ນໄດ້ຍົກການພົວພັນຈີນຫວຽດນາມຂຶ້ນສູ່ໄລຍະໃຫມ່, ໄດ້ປູທາງໃຫ້ແກ່ສອງປະເທດເປີດກວ້າງແລະລົງເລິກການຮ່ວມມື.ດຽວນີ້ ຈີນແມ່ນຄູ່ຮ່ວມມືໃຫຍ່ກວ່າຫມູ່ຂອງຫວຽດນາມໃນດ້ານການຄ້າສາກົນ,ສ່ວນຫວຽດນາມກໍ່ພວມກາຍເປັນຄູ່ການຄ້ານັບມື້ນັບສຳຄັນຂອງຈີນຢູ່ພາກພື້ນອາຊີອາຄະເນ.
ທ່ານເລດັນວິນເຜີຍໃຫ້ຮູ້ວ່າ, ປີ 2005, ຍອດມູນຄ່າການຄ້າລະຫວ່າງຈີນກັບຫວຽດນາມໄດ້ບັນລຸ 8 ຕື້ 730 ລ້ານໂດລາສະຫະລັດ, ເພີ່ມຂຶ້ນຫລາຍກວ່າປີ 2004 21,5%,ໄດ້ລື່ນເປົ້າຫມາຍທີ່ນາຍົກ ລັດຖະມົນຕີສອງປະເທດວາງອອກຄືໃຫ້ມູນຄ່າການຄ້າລະຫວ່າງສອງປະເທດບັນລຸເຖິງ 500 ລ້ານໂດລາສະຫະລັດໃນປີ 2005 ,ຈີນໄດ້ກາຍເປັນຄູ່ການຄ້າໃຫຍ່ກວ່າຫມູ່ຂອງຫວຽດນາມສອງປີລຽນຕິດແລ້ວ.
ພາຍໃຕ້ບັນຍາກາດຂອງການຮ່ວມມືເສດຖະກິດພາກພື້ນຈີນອາຊຽນ, ໄດ້ເລັ່ງສາຍຕາໃສ່ຂອບເຂດທີ່ກວ້າງຂວາງກວ່າເກົ່າທີ່ມີຜົນດີຕໍ່ການນຳໃຊ້ ຊັບພະຍາກອນ, ຕັ້ງຫນ້າສ້າງກົນໄກການຮ່ວມມືໃນອະນຸພາກພື້ນພາຍໃນຂອບເຂດການຄ້າເສລີຈີນອາຊຽນທັງໃນລະດັບປະເທດແລະລະດັບທ້ອງຖິ່ນ,ການເພີ່ມປັດໄຈໃຫມ່ໃຫ້ແກ່ການກໍ່ສ້າງເຂດການຄ້າເສລີຈີນອາຊຽນແມ່ນຫົວຂໍ້ຫລັກໃນເວທີປາໄສເທື່ອນີ້. ແຂກທີ່ເຂົ້າຮ່ວມເວທີປາໄສເທື່ອນີ້ບໍ່ພຽງແຕ່ໄດ້ລົງເລິກຄົ້ນຄວ້າຫາລື ບັນຫາຮອບດ້ານທີ່ກ່ຽວພັນເຖິງການຂະຫຍາຍ ຕົວ ຂອງເຂດອ້ອມອ່າວພາກເຫນືອໃນອະນາຕົດ ທິດໃຫຍ່ແຫ່ງການຮ່ວມມືເຂດອ້ອມອ່າວພາກເຫນືອ ສ້າງແລະຮັບປະກັນກົນໄກການຮ່ວມມືແລະປຶກສາກັນເພື່ອຈັດຕັ້ງປະຕິບັດໃຫ້ປະກົດຜົນເປັນຈິງ,ໂດຍສະເພາະແມ່ນ ການກໍ່ສ້າງພື້ນຖານໂຄງລ່າງທີ່ສຳຄັນ,ການຈັດວາງເຂດອຸດສາຫະກຳ,ການຂຸດຄົ້ນພະລັງງານ, ການຂົນສົ່ງວັດຖຸສິ່ງຂອງ,ການທ່ອງທ່ຽວ,ການບໍລິການດ້ານການທະນາຄານ,ແລະຄວາມສະດວກຂອງການຄ້າເປັນຕົ້ນ.
ທ່ານລີໂລລີ ຮອງປະທານສະຖາບັນຄົ້ນຄວ້າການພັດທະນາສັງລວມຂອງຈີນເວົ້າວ່າ:
ແຕ່ກ່ອນ, ວົງເສດຖະກິດອ້ອມອ່າວພາກເຫນືອແມ່ນເນື້ອໃນອັນຫນຶ່ງຂອງການຮ່ວມມືລະຫວ່າງສອງປະເທດຈີນຫວຽດນາມຢູ່ອະນຸພາກພື້ນ, ດຽວນີ້,ຜ່ານການຈັດເວທີປາໄສການຮ່ວມມືອ້ອມອ່າວພາກເຫນືອ,ພວກເຮົາໄດ້ຂະຫຍາຍໄປຮອດເຂດກວາງຊີຂອງຈີນແລະໄປຣອດການຮ່ວມມືອະນຸພາກພື້ນກັບບາງປະເທດສະມາຊິກອາຊຽນ,ອັນໄດ້ເປີດກວ້າງເຂດແລະລະດັບຂອງເສດຖະກິດອ້ອມອ່າວພາກເຫນືອໃຫຍ່ຂຶ້ນກວ່າເກົ່າ.ຈາກນີ້,ຂ້າພະເຈົ້າເຫັນວ່າການຈັດເວທີປາໄສຄັ້ງນີ້ແມ່ນເປັນການເລີ່ມຕົ້ນຂອງຄວາມຄິດລີເລີ່ມພັດທະນາໃນເຂດນີ້.
|
