|
|
 |
| (GMT+08:00)
2006-08-07 16:20:45
|
 |
|
ທ່ານສີເຈ່ຍລູ້ຫວັງໃຫ້ຊາວໜຸ່ມສອງຝັ່ງຊ່ອງແຄບປະກອບສ່ວນຫຼາຍກວ່າເກົ່າເຂົ້າໃນການພົວພັນສອງຝັ່ງ
cri
Author: cai
ຕາມຂ່າວສານຈີນ:ວັນທີ 6 ສິງຫາ,ຢູ່ເຊ້ຍເມິນ ນະຄອນພາກຕາເວັນອອກສຽງໃຕ້ຂອງຈີນ,ທ່ານສີເຈ່ຍລູ້ ຮອງປະທານຄະນະປະຈຳສະພາປະຊາຊົນແຫ່ງຊາດຈີນເວົ້າວ່າ,ຫວັງໃຫ້ຊາວໜຸ່ມສອງຝັ່ງຊ່ອງແຄບໄຕ້ຫວັນຈົ່ງເພີ່ມທະວີການແລກປ່ຽນກັນ,ປະກອບສ່ວນຫຼາຍກວ່າເກົ່າເຂົ້າໃນການຊຸກຍູ້ການພົວພັນລະຫວ່າງສອງຝັ່ງໃຫ້ຂະຫຍາຍໄປໜ້າໂດຍສັນຕິແລະໝັ້ນທ່ຽງ,ແລະເຂົ້າໃນການສ້າງອະນາຄົດດີງາມກວ່າເກົ່າຂອງປະຊາຊາດຈີນ.
ທ່ານສີເຈ່ຍລູ້ແມ່ນໃຫ້ທັດສະນະດັ່ງກ່າວໃນເວລາພົບປະແຂກຜູ້ມີກຽດສຳຄັນຂອງໄຕ້ຫວັນທີ່ມາເຂົ້າຮ່ວມງານມ່ວນຊື່ນຂອງຊາວໜຸ່ມສອງຝັ່ງຄັ້ງປະຖົມມະເລີກ.
ງານມ່ວນຊື່ນຊາວໜຸ່ມສອງຝັ່ງຄັ້ງປະຖົມມະເລີກທີ່ມີຫົວຂໍ້ວ່າ"ຊາວໜຸ່ມນັດພົບກັນ ພ້ອມກັນສ້າງອະນາຄົດ"ແມ່ນສະຫະພັນຊາວໜຸ່ມແຫ່ງຊາດຈີນແລະອຳນາດການປົກຄອງນະຄອນເຊ້ຍເມິນຮ່ວມກັນຈັດຂຶ້ນຢູ່ນະຄອນເຊ້ຍເມິນແຕ່ວັນທີ 5 ຫາວັນທີ 9 ສິງຫາ.
|
|
|
