ຫວ່າງມໍ່ໆນີ້,ພາກພາສາລາວເຮົາໄດ້ຮັບຈົດໝາຍທີ່ເຮັດໃຫ້ຮູ້ສຶກສະທ້ອນໃຈສະບັບໜຶ່ງ,ຈົດໝາຍສະບັບນີ້ແມ່ນທ່ານແວວປະເສີດ.ມຸງຄຸນວິໄລ ລູກຊາຍຂອງ ທ່ານເຮືອນ.ມຸງຄຸນວິໄລ ນາຍພົນລາວສົ່ງມາ,ໃນຈົດໝາຍ,ທ່ານແວວປະເສີດໄດ້ສະແດງຄວາມຮູ້ສຶກຈາກໃຈຈິງຂອງທ່ານຕໍ່ພວກເຮົາດ້ວຍອັກສອນເຕັມໄປດ້ວຍຄວາມຮັກແພງອັນເລິກເຊິ່ງ,ອ່ານແລ້ວ,ອົດກັ້ນນ້ຳຕາໄວ້ບໍ່ໄດ້.
ໃນຈົດໝາຍ,ທ່ານຂຽນວ່າ"ເມື່ອພວກທ່ານໄດ້ຮັບຈົດໝາຍຂອງຂ້ອຍ,ຂ້ອຍອາດຈະເຖິງແກ່ກຳແລ້ວ,ເພື່ອໄປພົບກັບນັກປະຕິວັດຮຸ່ມເກົ່າ.ຂ້ອຍເປັນພະຍາດເບົາຫວານທັງເປັນພະຍາດປັດສາວະເປັນພິດ, ປິ່ວປົວມາໄດ້ປີກວ່າແລ້ວ.ຂ້ອຍໄດ້ລອດຕົ້ນຈາກການຕາຍຫຼາຍເທື່ອ.ຍ້ອນບັນຫາດ້ານເສດຖະກິດ,ຂ້ອຍຕັດສິນໃຈບໍ່ປິ່ນປົວອີກແລ້ວ,ກ່ອນໄປເມືອງສະຫວັນ,ຂ້ອຍບໍ່ຍອມຈາກລາໝູ່ເພື່ອນຈີນທີ່ບໍ່ໄດ້ຕິດຕໍ່ພົວພັນຫຼາຍປີຢ່າງບໍ່ຄອບບໍ່ລາ,ຂ້ອຍຫວັງວ່າຄົງຈະຜ່ານວິທະຍຸcriສະແດງຄວາມເຄົາລົບຕໍ່ພວກເຂົາເຈົ້າ.
ໃນຕອນມ້ວນທ້າຍ,ທ່ານແວວປະເສີດຂຽນດ້ວຍຄວາມໂສກເສົ້າວ່າ,"ບັນດາສະຫາຍວິທະຍຸcriທີ່ຮັກແພງ,ຂໍອະໄພໂທດຫຼາຍໆ,ຈົດໝາຍທີ່ພວກທ່ານຝາກມາຍັງຂ້ອຍນັ້ນ,ຂ້ອຍໄດ້ຮັບທັງໝົດ,ຂ້ອຍກໍ່ຢາກເຂົ້າຮ່ວມການເຄື່ອນໄຫວທີ່ພວກທ່ານຈັດໄວ້,ແຕ່ຍ້ອນພະຍາດ ຈິ່ງເຮັດບໍ່ໄດ້,ຂ້ອຍຕ້ອງໄປແລ້ວ,ຂ້ອຍຄິດເຖິງເພື່ອນຮຽນຈີນ,ໝູ່ເພື່ອນຈີນໂດຍຕະຫຼອດແລະຄິດຮອດ,ເມືອງຈີນ ທີ່ເປັນບ້ານເກີດເມືອງນອນແຫ່ງທີ2ຂອງຂ້ອຍໂດຍຕະຫຼອດ,ແລະຄິດເຖິງຄວາມຊົງຈຳອັນດີງາມເວລາຢູ່ຈີນ,ຂ້ອຍກໍ່ຫວັງໃຫ້ໝູ່ເພື່ອນຈີນຢ່າລືມໝູ່ເພື່ອນລາວ ຜູ້ທີ່ພວມຈະລາຈາກໂລກນີ້ໄປແລ້ວ."
ນີ້ແມ່ນຈົດໝາຍສະບັບໜຶ່ງທີ່ເຮັດໃຫ້ນ້ຳຕາໄຫຼ,ໃນໂອກາດນີ້,ພວກເຮົາຂໍອວຍພອນທ່ານແວວປະເສີດ,ບໍ່ວ່າຈະເປັນພະຍາດໜັກໜ່ວງປານໃດກໍ່ຕາມ ກໍ່ຂໍໃຫ້ທ່ານເດັດດ່ຽວໜຽວແໜ້ນຕໍ່ສູ້ກັບມັນ.ໃນລາຍການມື້ນີ້,ພວກເຮົາຂໍມອບເພງມ່ວນໆເພງໜຶ່ງໃຫ້ເປັນກຳລັງໃຈແກ່ທ່ານ,ເພງນີ້ຊື່ວ່າ"ຈູ້ຟູ",ແປວ່າ"ຂໍອວຍພອນ",ພວກເຮົາຈະອະທິຖານໃຫ້ທ່ານ.ພ້ອມກັນນີ້,ເພງນີ້ກໍຂໍມອບໃຫ້ຄົນກ້າຫານທີ່ພວມຕໍ່ສູ້ກັບພະຍາດ,ອວຍພອນໃຫ້ພວກທ່ານຈົ່ງມີຊ່ວາງເຊົາຫາຍວັນຫາຍຄືນດ້ວຍເຖິດ.
|