ຕາມ​ໜັງສືພິມ​ເຢິນມິນ​ຢື້​ປ້າວ​ຂອງ​ຈີນ​ສະ​ບັບ​ວັນ​ທີ​8​ສິງ​ຫາ​ລາຍ​ງານ​ວ່າ,​ເວ​ທີ​ປາ​ໄສ​ການ​ພັດ​ທະ​ນາ​ເສດຖະກິດ​ເຂດ​ຊົນ​ເຜົ່າ​ຂອງ​ຈີນ​ປີ​2006​ໄດ້​ຈັດ​ຂຶ້ນ​ຢູ່​ປັກ​ກິ່ງ​ໃນ​ຫວ່າງ​ມໍ່ໆ​ນີ້.​ໃນ​ເວທີ​ປາ​ໄສ​ດັ່ງກ່າວ,ຜູ່​ແທນ​ຮ້ອຍ​ກວ່າ​ທ່ານ​ທີ່​ມາ​ຈາກ​ອົງ​ການ​ປົກ​ຄອງ​ແຫ່ງ​ຕ່າງໆ,​ສະ​ມາ​ຄົມ,​ວິ​ສາ​ຫະ​ກິດ​ແລະ​ອົງ​ການ​ວິຊາ​ການ​ຂອງ​ຈີນ​ໄດ້​ພາ​ກັນ​ອອກ​ຫົວ​ຄິດ​ເພື່ອ​ການ​ພັດ​ທະ​ນາ​ເຂດ​ຊົນ​ເຜົ່າ.

ເວທີ​ປາ​ໄສ​ເທື່ອ​ນີ້​ມີ​ຫົວ​ຂໍ້​ວ່າ"ສ້າງ​ສັງຄົມ​ທີ່​ກົມ​ກຽວ​ກັນ,ສ້າງ​ເສດຖະກິດ​ຊົນ​ເຜົ່າ​ໃຫ້​ຈະ​ເລີ​ນ"

ສະຖິຕິ​ສະ​ແດງ​ໃຫ້​ເຫັນ​ວ່າ,​ໃນ3​ປີ​ທີ່​ຜ່ານ​ມາ,​ເສດຖະກິດ​​ຂອງ5ເຂດຊົນ​ເຜົ່າປົກຄອງ​ຕົນ​ເອງ​ໄດ້​ເຕີບໂຕລື່ນ​ກາຍ10%ຢ່າງຕໍ່ເນື່ອງກັນ,​ເສດຖະກິດ​ຂອງ​ເຂດ​ຊົນ​ເຜົ່າ​ໄດ້​ມີ​ທ່ວງທ່າ​ເຕີບ​ໂຕ​ຢ່າງ​ຕໍ່​ເນື່ອງ,ໝັ້ນ​ທ່ຽງ​ແລະ​ວ່ອງ​ໄວ.ຕາມ​ແຜນການ,​ໃນ5​ປີ​ຂ້າງ​ໜ້າ,ຈີນ​ຈະ​ສືບ​ຕໍ່​ໃຊ້​ນະ​ໂຍ​ບາຍ​ໃຫ້​ສິດ​ພິ​ເສດ,​ເລັ່ງລັດ​ກໍ່ສ້າງ​ພື້ນຖານ​ໂຄງລ່າງ​ແລະ​ພັດ​ທະ​ນາ​ອຸດ​ສາ​ຫະ​ກຳ​ພື້ນຖານ​ຂອງ​ເຂດ​ຊົນ​ເຜົ່າ,​ພະ​ຍາ​ຍາມ​ເຮັດ​ໃຫ້​ອົງ​ປະກອບ​ແລະ​ການຈັດ​ວາງ​ຂອງ​ອຸດ​ສາ​ຫະ​ກຳ​ເຂດ​ຊົນ​ເຜົ່າ​ດີ​ກວ່າ​ເກົ່າ,​ຫຼຸດ​ຄວາມ​ຜິດ​ໂຕນ​ກັນ​ລະຫວ່າງ​ເຂດ​ຊົນ​ເຜົ່າ​ກັບ​ເຂດ​ພັດທະນາ​ໃຫ້​ໜ້ອຍ​ລົງ​ຕື່ມ​ອີກ.