|
|
 |
| (GMT+08:00)
2006-08-09 17:39:34
|
 |
|
ຈີນຈະປັບປຸງສະພາບແວດລ້ອມການລົງທຶນໃຫ້ດີຂຶ້ນຕື່ມອີກ
cri
ຕາມຂ່າວCRI,ໜັງສືພິມເຢິນມິນຢື້ປ້າວຂອງຈີນສະບັບວັນທີ9ສິງຫາໄດ້ພິມບົດຄວາມຂອງກະຊວງການຄ້າຈີນ,ບົດຄວາມຂຽນວ່າ,ຈີນຈະປັບປຸງສະພາບແວດລ້ອມການລົງທຶນສຳລັບນັກທຸລະກິດຕ່າງປະເທດໃຫ້ດີຂຶ້ນຕື່ມອີກ,ຍົກຄຸນນະພາບແລະລະດັບການນຳໃຊ້ທຶນຕ່າງປະເທດໃຫ້ສູງຂຶ້ນ.
ບົດຄວາມຂຽນວ່າ,ການດຶງດູດເອົາທຶນຕ່າງປະເທດຂອງຈີນໄດ້ຮັບຜົນສຳເລັດທີ່ປະຈັກຕາຊາວໂລກ,ນັບມາຮອດທ້າຍເດືອນມິຖຸນາປີນີ້,ນັບລວມແລ້ວ,ຈີນໄດ້ນຳໃຊ້ທຶນຕ່າງປະເທດເຖິງ650ຕື້800ລ້ານໂດລາສະຫະລັດ.ວິສາຫະກິດທຶນຕ່າງປະເທດໄດ້ກາຍເປັນພາກສ່ວນປະກອບທີ່ສຳຄັນຂອງເສດຖະກິດຈີນ.
ບົດຄວາມຊີ້ອອກວ່າ,ໃນອະນາຄົດ,ຈີນຈະອອກແຮງຍົກລະດັບບໍລິການຂອງອົງການປົກຄອງທຸກຂັ້ນໃຫ້ສູງຂຶ້ນ,ປົກປ້ອງສິດແລະຜົນປະໂຫຍດອັນຊອບກົດໝາຍຂອງວິສາຫະກິດທຶນຕ່າງປະເທດແລະຂອງຜູ່ລົງທຶນ,ສືບຕໍ່ເພີ່ມຄວາມແຮງໃນການຕໍ່ສູ້ກັບການກະທຳຕ່າງໆທີ່ລະເມີດສິດ.ເປີດກວ້າງຂົງເຂດແລະຂອບເຂດໄຂປະຕູສູ່ພາຍນອກຂອງເຂດພາກກາງແລະພາກຕາເວັນຕົກແລະຖານອຸດສາຫະກຳເກົ່າຕ່າງໆເຊັ່ນພາກຕາເວັນອອກສຽງເໜືອເປັນຕົ້ນ.ຫຼຸດຜ່ອນຂັ້ນຕອນອະນຸຍາດໃຫ້ທຶນຕ່າງປະເທດເຂົ້າມາຈີນຢ່າງພໍດ້າມພໍດີ,ພ້ອມກັນນັ້ນ,ກໍສົ່ງເສີມໃຫ້ນັກທຸລະກິດຕ່າງປະເທດລົງທຶນໃນດ້ານອຸດສາຫະກຳທີ່ໃຊ້ເຕັກນິກສູງແລະທັນສະໄໝ,ອຸດສາຫະກຳການຜະລິດທີ່ກ້າວໜ້າ,ຂະແໜງບໍລິການແລະກະສິກຳຍຸກໃໝ່ພ້ອມອຸດສາຫະກຳອະນຸລັກສິ່ງແວດລ້ອມ,ສົ່ງເສີມໃຫ້ບໍລິສັດຂ້າມຊາດມາຕັ້ງສຳນັກງານໃຫຍ່ລະດັບພາກພື້ນ,ສູນຄົ້ນຄວ້າພັດທະນາ,ສູນຈັດຊື້ສິນຄ້າແລະສູນອົບຮົມຢູ່ຈີນ.
|
|
|
