|
ເຂດປົກຄອງຕົນເອງຊິນຈ່ຽວເຜົ່າອຸຍອູວຕັ້ງຢູ່ພາກຕາເວັນຕົກສຽງເໜືອຂອງຈີນ,ເຂດນີ້ມີຫຼາຍຊົນເຜົ່າ, ຊົນເຜົ່າເຫຼົ່ານີ້ຊ່າງຟ້ອນລຳທຳເພງ,ໃນນັ້ນ,ເຜົ່າອຸສເບັກມີນັກຮ້ອງຜູ່ລ້ຳເລີດຫຼາຍຄົນ.ຕໍ່ໄປ ພວກເຮົາຈະແນະ ນຳໃຫ້ທ່ານຮູ້ຈັກກັບທ່ານເຊຍມີລີເຊຍເຄີ ນັກຮ້ອງສຽງສູງຂອງເຜົ່າອຸສເບັກ,ນອກຈາກຮ້ອງເພງເກັ່ງແລ້ວ,ທ່ານຍັງຕັ້ງໜ້າປະກອບສ່ວນເຂົ້າວຽກງານ ການກຸສົນ,ເປັນສິລະປິນແລະທູດເພື່ອສາທາລະນະປະໂຫຍດທີ່ຄົນທັງຫຼາຍເຄົາລົບນັບຖື.
ປີ1958,ທ່ານເຊຍມີລີກຳເນີດຢູ່ໃນຄອບຄົວທີ່ມັກຟ້ອນລຳທຳເພງຄອບຄົວໜຶ່ງ,ບ້ານເກີດຢູ່ເມືອງສີທາຍເຂດຊິນຈ່ຽງ.ພໍ່ເປັນຊາວເຜົ່າອຸສເບັກ,ແມ່ເປັນຊາວເຜົ່າອຸຍອູວ,ໃນອ້າຍເອື້ອຍນ້ອງ6ຄົນ,ທ່ານເປັນ ຜູ່ທີສີ່.ເດັກຊາຍທີ່ໜ້າຕາໜ້າຮັກຜູ່ນີ້ມັກຮ້ອງເພງມັກຟ້ອນແຕ່ຍາມຍັງນ້ອຍ.ໃນປີທີ່ທ່ານເຊຍມີລີອາຍຸ5ຂວບ,ເມືອງສີທາຍທີ່ທ່ານຢູ່ນັ້ນໄດ້ຈັດງານສິລະປະວັນນະຄະດີ,ພໍ່ໄດ້ອູ້ມລາວຂຶ້ນເວທີ,ເມື່ອໄດ້ຍິນສຽງດົນຕີແລ້ວ,ລາວກໍ່ຕັ້ນເດາະເຕັ້ນດັ່ອງ,ສະແດງ3ລາຍການລຽນຕິດຢ່າງເອົາຈິງເອົາຈັງ.
ເມື່ອໃຫຍ່ຂຶ້ນມາ,ທ່ານເຊຍມີລີໄດ້ເຂົ້າເປັນທະຫານປ້ອງກັນຊາຍແດນ, ທ່ານຍັງມັກຮ້ອງເພງມັກເສບດົນຕີ,ເລີຍໄດ້ກາຍເປັນຄູສອນສິລະປະສະໝັກຫຼິ້ນຂອງກອງຮ້ອຍ,ເມື່ອຮອດວັນບຸນມື້ພັກ,ທ່ານກໍໄດ້ເສບເພງຮ້ອງເພງຮ່ວມກັບເພື່ອນນັກລົບ.ຊີວິດທະຫານໄດ້ກະຕຸ້ນໃຫ້ທ່ານເຊຍມີລີມີຄວາມປາຖະໜາອັນແຮງກ້າທີ່ຢາກແຕ່ງເພງທະຫານ. ກາງເວັນ,ຂຸ້ນນຳການຝຶກແອບ,ທ່ານກໍແຕ່ງເພງຍາມຄ່ຳຄືນ.
ມາຮອດປັດຈຸບັນ,ທ່ານເຊຍມີລີໄດ້ແຕ່ງແລະຮ້ອງເກືອບ200ເພງແລ້ວ,ເຊັ່ນເພງ"ຂ້ອຍແມ່ນນັກຮ້ອງຂອງກອງຮ້ອຍ","ເລື່ອງໃນເມືອງຕາປານ""ປາກພູອາ ລາ""ຂົວເອີຕ້າວ"ເປັນຕົ້ນ.ແຜ່ນຊີດີເພງຂອງທ່ານບໍ່ພຽງແຕ່ໄດ້ຮັບຄວາມນິຍົມ ຈາກຜູ່ຟັງຈີນເທົ່ານັ້ນ,ແຕ່ຍັງໄດ້ຮັບຄວາມນິຍົມຊົມຊອບຈາກຜູ່ຟັງຂອງຍີ່ປຸ່ນແລະສິງກະໂປອີກ.ຄົນທັງຫຼາຍໄດ້ຍ້ອງຍໍນັກຮ້ອງທີ່ຕະຫຼົກຜູ່ນີ້ວ່າແມ່ນ"ເຈົ້າຊາຍແຫ່ງຄວາມດູດດື່ມ".
1 2 3 4
|
