|
ລັດຖະມົນຕີກະຊວງປ້ອງກັນປະເທດຫວຽດນາມຫວັງເພີ່ມທະວີການຮ່ວມມືດ້ວຍໄມຕີຈິດທາງການທະຫານລະຫວ່າງຈີນກັບຫວຽດນາມ
cri
Author: min
ຕາມຂ່າວສານຊິນຮວາ: ວັນທີ 9 ສິງຫາ, ທ່ານຝຸ້ງກ່ວງທັ່ນ ກຳມະການກົມການເມືອງສູນກາງພັກກອມມູນິດຫວຽດນາມ, ລັດຖະມົນຕີວ່າການກະຊວງປ້ອງກັນປະເທດທັງເປັນເສນາທິການໃຫຍ່ຂອງກອງທັບປະຊາຊົນຫວຽດນາມກ່າວວ່າ, ທ່ານຫວັງໃຫ້ຫວຽດນາມກັບຈີນເປີດກວ້າງການຮ່ວມມືໃນດ້ານອຸດສາຫະກຳປ້ອງກັນປະເທດຕື່ມອີກ, ເພື່ອປະກອບສ່ວນໃໝ່ໃຫ້ແກ່ປະເທດໃຜລາວແລະການພັດທະນາການປ້ອງກັນປະເທດ.
ວັນທີ 9 ສິງຫາ, ໃນເວລາພົບປະກັບທ່ານຫູຊຽນເວີນ ເອກອັກຄະລັດຖະທູດຈີນປະຈຳຫວຽດນາມແລະທ່ານຈ່າງຊ້າວຂຸຍ ທູດທະຫານຈີນຜູ້ໃໝ່ຂອງຈີນໄດ້ຕີລາຄາສູງຕໍ່ການພົວພັນລະຫວ່າງສອງພັກສອງລັດໃນສະເພາະໜ້ານີ້, ແລະເວົ້າວ່າ, ໃນຫຼາຍປີມານີ້, ຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງຝ່າຍໄດ້ເພີ່ມຂຶ້ນຢ່າງບໍ່ຢຸດຢັ້ງ, ການພົວພັນລະຫວ່າງກອງທັບສອງປະເທດກໍ່ໄດ້ມີການຄືບໜ້າຢ່າງບໍ່ຢຸດຢັ້ງ.
ທ່ານຫູຊຽນເວີນກ່າວຢ້ຳວ່າ, ຈີນເອົາໃຈໃສ່ຢ່າງສູງນຳການຂະຫຍາຍການພົວພັນຮ່ວມມືດ້ວຍໄມຕີຈິດກັບຫວຽດນາມຢ່າງຮອບດ້ານ, ເຊື່ອວ່າ, ດ້ວຍຄວາມພະຍາຍາມນຳກັນຂອງທັງສອງຝ່າຍ, ການພົວພັນຮ່ວມມືລະຫວ່າງສອງພັກ, ສອງລັດແລະສອງກອງທັບຈີນຫວຽດນາມຍ່ອມຈະກ້າວຂຶ້ນສູ່ລະດັບໃໝ່ຢ່າງຕໍ່ເນື່ອງແນ່ນອນ, ປະກອບສ່ວນໃຫ້ແກ່ສັນຕິພາບ, ສະຖຽນລະພາບແລະການພັດທະນາຂອງພາກພື້ນແລະຂອງໂລກ.
|
|
