|
|
 |
| (GMT+08:00)
2006-08-10 16:58:04
|
 |
|
ອົງການຮ່ວມມືເສດຖະກິດອາຊີໃຕ້ແລະອາຊີອາຄະເນຈະເຊັນສັນຍາການຄ້າເສລີໃນຕົ້ນປີຫນ້າ
cri
Author: sayvanny
ຕາມຂ່າວສານຊີນຮວາ: ມື້ວານນີ້(ວັນທີ 9 ສິງຫາ)ຢູ່ນິວແດນລີ, 7 ປະເທດສະມາຊິກອົງການຮ່ວມມືເສດຖະກິດອາຊີໃຕ້ແລະອາຊີອາຄະເນໄດ້ອອກຖະແຫລງການ, ຕົກລົງເຊັນສັນຍາການຄ້າເສລີກ່ອນຈັດກອງປະ ຊຸມສຸດຍອດຄັ້ງຫນ້າໃນເດືອນກຸມພາປີຫນ້າ.
ຫລັງຈາກປັດກອງປະຊຸມລະດັບລັດຖະມົນຕີຂອງປະເທດສະມາຊິກອົງການຮ່ວມມືເສດຖະກິດອາຊີໃຕ້ແລະອາຊີອາຄະເນເປັນເວລາສອງມື້ແລ້ວ,7 ປະເທດສະມາຊິກໄດ້ອອກຖະແຫລງການຮ່ວມກ່າວວ່າ, ເຂດການຄ້າເສລີຈະເພີ່ມການຄ້າແລະການລົງທຶນ, ເພີ່ມທະວີການແຂ່ງຂັນກັນ, ຊຸກຍູ້ໃຫ້ເສດຖະກິດສັງຄົມຂອງພາກພື້ນນີ້ພັດທະນາ.ບັນດາປະເທດສະມາຊິກຍັງຈະຕິດຕໍ່ພົວພັນດ້ານຄົມມະນາຄົມໃຫ້ຫລາຍຂຶ້ນຕື່ມ, ຊຸກຍູ້ການຮ່ວມມືດ້ານພະລັງ ງານແລະຂະຫຍາຍການທ່ອງທ່ຽວຂອງພາກພື້ນ.ນອກນີ້, ປະເທດສະມາຊິກຍັງຈະເພີ່ມທະວີການຮ່ວມມືໃນດ້ານຕ້ານການກໍ່ການຮ້າຍ,ຕ້ານການຄ້າຢາເສບຕິດ ການປະຕິບັດກົດຫມາຍແລະແລກປ່ຽນຂໍ້ມູນຂ່າວສານນຳກັນເປັນຕົ້ນ.
ອົງການຮ່ວມມືເສດຖະກິດອາຊີໃຕ້ແລະອາຊີອາຄະເນສ້າງຕັ້ງຂຶ້ນເມື່ອປີ 1997,ທຳອິດແມ່ນມີ 5 ປະເທດສະມາຊິກຢູ່ອ່າວເບັງການຄື ບັງກຼາເດັດ,ອິນເດຍ ມຽນມາ ສີລັງກາແລະໄທ,ຫລັງຈາກນັ້ນ, ເນປານແລະບູຕານກໍ່ເຂົ້າຮ່ວມນຳ.
|
|
|
