|
|
 |
| (GMT+08:00)
2006-08-10 18:04:47
|
 |
|
ຈີນຈະເພີ່ມການລົງທຶນສະໜັບສະໜູນການພັດທະນາວຽກງານບໍລິການດ້ານສາທາລະນະສຸກໃນເຂດຊຸມຊົນຕົວເມືອງ
cri
Author: cai
ຕາມຂ່າວCRI:ວັນທີ 10 ສິງຫາ,ຢູ່ປັກກິ່ງ,ທ່ານຈຽງຈົ້ວຈູ່ນ ລັດຖະມົນຕີຊ່ອຍວ່າການກະຊວງສາທາລະນະສຸກຈີນເວົ້າວ່າ,ຈີນຈະເພີ່ມການລົງທຶນສະໜັບສະໜູນການພັດທະນາວຽກງານບໍລິການດ້ານສາທາລະນະສຸກໃນເຂດຊຸມຊົນຕົວເມືອງ,ເພື່ອແກ້ໄຂບັນຫາທີ່ປະຊາຊົນປົວພະຍາດຢູ່ໂຮງໝໍຍາກແລະຄ່າປິ່ນປົວແພງ.
ທ່ານຈຽງຈົ້ວຈູ່ນແມ່ນກ່າວໃນກອງປະຊຸມຂ່າວທີ່ຫ້ອງການຖະແຫຼງຂ່າວຄະນະລັດຖະບານຈີນຈັດຂຶ້ນໃນມື້ດຽວກັນ.
ທ່ານຈຽງຈົ້ວຈູ່ນເວົ້າວ່າ,ແຕ່ປີໜ້າເປັນຕົ້ນໄປ,ການເງິນສູນກາງຈີນຈະໃຫ້ການສະໜັບສະໜູນອັນຈຳເປັນແກ່ເຂດພາກກາງແລະພາກຕາເວັນຕົກຂອງຈີນໃນດ້ານການກໍ່ສ້າງພື້ນຖານໂຄງລ່າງຂອງການບໍລິການດ້ານສາທາລະນະສຸກໃນຄຸ້ມເຮືອນ ປະກອບອຸປະກອນພື້ນຖານແລະອົບຮົມບຸກຄະລາກອນ;ພ້ອມກັນນັ້ນ,ກໍ່ເພີ່ມການຄຸ້ມຄອງ,ຫຼຸດຄ່າປິ່ນປົວແລະຢຸກຢາຂອງອົງການບໍລິການດ້ານສາທາລະນະສຸກໃນເຂດຊຸມຊົນ.
ວຽກງານບໍລິການດ້ານສາທາລະນະສຸກໃນເຂດຊຸມຊົນຂອງຕົວເມືອງຈີນເລີ່ມແຕ່ທ້າຍຊຸມປີ 90 ສະຕະວັດແລ້ວນີ້,ວຽກງານບໍລິການດ້ານນີ້ສະດວກແລະລາຄາຖືກ,ໄດ້ຮັບຄວາມນິຍົມຊົມຊອບຢ່າງສູງຈາກປະຊາຊົນ.ປະຈຸບັນ,ຈີນໄດ້ສ້າງສູນບໍລິການດ້ານສາທາລະນະສຸກໃນເຂດຊຸມຊົນ 3400 ກວ່າແຫ່ງແລະຄະນິກໃນເຂດຊຸມຊົນເກືອບ 12000 ແຫ່ງແລ້ວ.
|
|
|
