|
ທະນາຄານກາງຈີນກ່າວວ່າຈະເຮັດໃຫ້ອັດຕາແລກປ່ຽນຂອງເງິນຢວນຈີນມີຄວາມຄ່ອງແຄ້ວກວ່າເກົ່າ
cri
ຕາມຂ່າວCRI, ວັນທີ10ສິງຫາ, ທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນໄດ້ປະກາດບົດລາຍງານສະບັບໜຶ່ງໂດຍຂຽນວ່າ, ຈີນຈະເຮັດໃຫ້ອັດຕາແລກປ່ຽນເງິນຢວນຈີນມີຄວາມຄ່ອງແຄ້ວກວ່າເກົ່າເທື່ອລະກ້າວ, ຮັກສາອັດຕາແລກປ່ຽນຂອງເງິນຢວນຈີນໝັ້ນທ່ຽງໃນລະດັບພໍດ້າມພໍດີແລະດຸນດ່ຽງກັນ.
ທະນາຄານກາງຈີນກ່າວວ່າ, ແຕ່ຈີນປະຕິຮູບກົນໄກຈໍ່ຕົວຂອງອັດຕາແລກປ່ຽນເງິນຢວນຈີນໃນປີກວ່າມານີ້, ອັດຕາແລກປ່ຽນເງິນຢວນຈີນມີຂຶ້ນມີລົງ, ໄດ້ສະທ້ອນໃຫ້ເຫັນເຖິງຄວາມຄ່ອງແຄ້ວຂອງອັດຕາແລກປ່ຽນນັບມື້ນັບເດັ່ນຂຶ້ນ. ນັບມາຮອດທ້າຍເດືອນແລ້ວນີ້, ເງິນຢວນຈີນໄດ້ຂຶ້ນລາຄາ3.8%ເມື່ອທຽບກັບໂດລາສະຫະລັດ, ພັດຕົກຕ່ຳລົງ1.5%ເມື່ອທຽບກັບເງິນເອີໂລ.
ທະນາຄານກາງຈີນກ່າວວ່າ, ຕໍ່ໄປພາຍໜ້າ, ຈະພັດທະນາຕະຫຼາດເງິນຕາຕ່າງປະເທດແລະປັບປຸງການຄຸ້ມຄອງເງິນຕາຕ່າງປະເທດອີກ, ບູລະນະການປະຕິຮູບກົນໄກຈໍ່ຕົວຂອງອັດຕາແລກປ່ຽນເງິນຢວນຈີນໃຫ້ສົມບູນຂຶ້ນ.
|
|
