|
ເຈົ້າໜ້າທີ່ກະຊວງສາທາລະນະສຸກຈີນອະທິບາຍເລື່ອງປະກາດການບົ່ງມະຕິຜູ້ເປັນໄຂ້ຫວັດສັດປີກຜູ້ທຳອິດຊ້າ
cri
Author: cai
ຕາມຂ່າວCRI:ວັນທີ 10 ສິງຫາ,ທ່ານຈຽງຈົ້ວຈູນ ລັດຖະມົນຕີຊ່ວຍວ່າການກະຊວງສາທາລະນະສຸກຈີນໄດ້ອະທິບາຍກ່ຽວກັບເລື່ອງຈີນປະກາດການບົ່ງມະຕິຜູ້ເປັນໄຂ້ຫວັດສັດປີກຜູ້ທຳອິດຊ້າ.
ວັນທີ 8 ສິງຫາ,ກະຊວງສາທາລະນະສຸກຈີນປະກາດບົ່ງມະຕິຄົນເຈັບຜູ້ໜຶ່ງທີ່ເປັນໄຂ້ແລະປອດອັກເສບໂດຍບໍ່ຮູ້ສາເຫດເມື່ອປີ 2003 ນັ້ນຄືນໃໝ່ວ່າ,ຄົນຜູ້ນັ້ນເປັນໄຂ້ຫວັດສັດປີກປະເພດຮ້າຍແຮງ,ເຂົາແມ່ນຜູ້ເປັນໄຂ້ຫວັດສັດປີກຜູ້ທຳອິດທີ່ຫ້ອງທົດລອງໄດ້ບົ່ງມະຕິຢູ່ແຜ່ນດິນໃຫຍ່ຈີນທີ່ໄດ້ຮູ້ໃນປະຈຸບັນ.
ກ່ຽວກັບການປະກາດຂ່າວນີ້ຊ້າ,ທ່ານຈຽງຈົ້ວຈູນອະທິບາຍວ່າ,ປີ 2003,ພະຍາດອັກເສບປອດຮຸນແຮງຫຼືຊາສ໌ພວມລະບາດ,ຄົນທີ່ເປັນໄຂ້ຫວັດສັດປີກມີອາການຄ້າຍຄືກັບພະຍາດຊາສ໌,ແຕ່ເມື່ອບົ່ງມະຕິຕາມມາດຖານພະຍາດຊາສ໌ແລ້ວ,ຈຶ່ງໄດ້ຢັ້ງຢືນວ່າ,ຜູ້ປ່ວຍບໍ່ໄດ້ເປັນພະຍາດຊາສ໌.ສ່ວນໄຂ້ຫວັດສັດປີກໃນໝູ່ຄົນທີ່ເປັນພະຍາດຕິດແປດທີ່ເກີດໃໝ່,ໃນຄາວນັ້ນ,ຍັງບໍ່ທັນມີມາດຖານບົ່ງມະຕິທີ່ສົມບູນເທື່ອ.ນັກວິທະຍາສາດໄດ້ຄົ້ນຄວ້າອາການຂອງຄົນເຈັບຜູ້ນີ້,ກໍ່ຕ້ອງການເວລາ,ສະນັ້ນ,ຈຶ່ງປະກາດການບົ່ງມະຕິຊ້າ.ພ້ອມກັນນັ້ນ,ທ່ານໄດ້ຍອມຮັບຮູ້ວ່າ,ເລື່ອງນີ້ໄດ້ສະແດງໃຫ້ເຫັນວ່າ,ລະຫວ່າງອົງການຄົ້ນຄວ້າວິທະຍາສາດກັບອົງການປ້ອງກັນພະຍາດຂອງຈີນ,ການແລກປ່ຽນຂໍ້ມູນລະຫວ່າງກັນຍັງບໍ່ດີພໍ.
|
|
