|
|
 |
| (GMT+08:00)
2006-08-11 13:25:56
|
 |
|
ຜະລິດຕະພັນທີ່ມີຈຸດພິເສດສະເພາະຂອງຕິເບດຂົນສົ່ງມາເຂດພາຍໃນໂດຍຜ່ານທາງລົດໄຟຊິ່ງຮາຍຕິເບດເປັນເທື່ອທຳອິດ
cri
Author: min
ຕາມຂ່າວສານຊິນຮວາ: ຕອນບ່າຍວັນທີ 10 ສິງຫາ, ລົດໄຟຂົນສົ່ງສິນຄ້າຂະບວນໜຶ່ງໄດ້ແລ່ນອອກຈາກສະຖານີຂົນສົ່ງສິນຄ້າໃຫຍ່ເມືອງລາຊາເຊິ່ງເປັນຕົ້ນທາງລົດໄຟຊິ່ງຮາຍຕິເບດ, ໃນນັ້ນ, ມີຕູ້ໜຶ່ງໄດ້ບັນທຸກນ້ຳມັນໝາກມັນຫໍ້ປ່າແລະຜະລິດຕະພັນອື່ນໆທີ່ພໍ່ຄ້າຊຽງຮ້າຍສັ່ງຊື້. ນີ້ແມ່ນຜະລິດຕະພັນທີ່ມີຈຸດພິເສດສະເພາະຂອງຕິເບດຂົນສົ່ງມາເຂດພາຍໃນຈີນດ້ວຍທາງລົດໄຟຊິ່ງຮາຍຕິເບດເປັນເທື່ອທຳອິດ.
ໃນພິທີເລີ່ມແລ່ນລົດ, ທ່ານຊີ້ເຢິນ ຮອງປະທານອຳນາດການປົກຄອງເຂດປົກຄອງຕົນເອງຕິເບດຂອງຈີນເວົ້າວ່າ, ການແລ່ນອອກຂອງລົດໄຟຂະບວນນີ້ແມ່ນຂີດໝາຍແຫ່ງຈຸດເລີ່ມຕົ້ນໃໝ່ຂອງວິສາຫະກິດຕິເບດເຂົ້າສູ່ຕະຫຼາດເຂດພາຍໃນຊຶ່ງເປັນໂອກາດໃໝ່ໃຫ້ແກ່ຕະຫຼາດຕິເບດເຊື່ອມໂຍງເຂົ້າໃນຕະຫຼາດທົ່ວປະເທດ.
ທາງລົດໄຟຊິ່ງຮາຍຕິເບດຍາວເກືອບ 2000 ກິໂລເມັດແມ່ນເລີ່ມເປີດບໍລິການຕະຫຼອດສາຍໃນວັນທີ 1 ກໍລະກົດ, ມັນໄດ້ສິ້ນສຸດປະຫວັດສາດທີ່ເຂດຕິເບດບໍ່ມີທາງລົດໄຟຕິດຕໍ່ກັບພາຍນອກ. ຕາມການຄາດຄະເນເບື້ອງຕົ້ນ, ພາຍຫຼັງທາງລົດໄຟຊິ່ງຮາຍຕິເບດແລ່ນລົດແລ້ວ, ແຕ່ລະປີ, ສາມາດປະຢັດຕົ້ນທຶນຂົນສົ່ງເຂົ້າອອກເຂດຕິເບດເກືອບ 200 ລ້ານຢວນ, ຫຼຸດຕົ້ນທຶນລວມແຫ່ງການພັດທະນາເສດຖະກິດເຂດຕິເບດລົງຕັ້ງຫຼາຍເທົ່າ, ສ້າງເງື່ອນໄຂອັນດີງາມເພື່ອເລັ່ງການສ້າງພື້ນຖານໂຄງລ່າງຂອງເຂດຕິເບດ.
|
|
|
