|
|
 |
| (GMT+08:00)
2006-08-11 17:42:52
|
 |
|
ກຳປູເຈຍກັບໄທກ່າວວ່າຈະເພີ່ມທະວີການຮ່ວມມືໄມຕີຈິດລະຫວ່າງສອງປະເທດ
cri
ຕາມຂ່າວສານຊິນຮວາ, ມື້ວານນີ້(ວັນທີ10ສິງຫາ), ຢູ່ພະນົມເປັນ, ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ເຈລະຈາກັບທ່ານທັກສິນຊິນນະວັດ ນາຍົກລັດຖະມົນຕີໄທທີ່ໄປຢາມ, ສອງຝ່າຍເປັນເອກະສັນກັນກ່າວວ່າການພົວພັນຮ່ວມມືໄມຕີຈິດທີ່ມີມູນເຊື້ອລະຫວ່າງສອງປະເທດພວມຂະຫຍາຍໄປໜ້າຢ່າງໜັກແໜ້ນ.
ຕາມຂ່າວແຈ້ງວ່າ, ທ່ານກຽດ ກັນຫາຣິດ ໂຄສົກລັດຖະບານ ລັດຖະມົນຕີວ່າການກະຊວງຖະແຫຼງຂ່າວກຳປູເຈຍກ່າວວ່າ, ທ່ານຮຸນແຊນກັບທ່ານທັກສິນໄດ້ລົງເລິກຫາລືກັນແລະໄດ້ກ້ວເຖິງຂັ້ນເປັນເອກະພາບກັນໃນດ້ານຫຼັກການ ກ່ຽວກັບບັນຫາຕ່າງໆເຊັ່ນ: ຄວາມອາດເປັນໄປໄດ້ທີ່ໃຫ້ສອງປະເທດພ້ອມກັນພັດທະນາຊັບພະຍາກອນນ້ຳມັນແລະແກສໃນເຂດທະເລຕໍ່ກັນ, ການຮ່ວມມືດ້ານການສະໜອງພະລັງໄຟຟ້າແລະປັກຫຼັກໝາຍຊາຍແດນລະຫວ່າງສອງປະເທດເປັນຕົ້ນ,. ສອງປະເທດຈະສ້າງຕັ້ງຄະນະກຳມະການທີ່ກ່ຽວຂ້ອງເພື່ອສືບຕໍ່ປຶກສາຫາລືແກ້ໄຂບັນຫາລະອຽດຕ່າງໆ.
ທ່ານກັນຫາອິດກ່າວວ່າ, ມື້ດຽວກັນ, ສອງປະເທດຍັງໄດ້ເຊັນສັນຍາທີ່ໄທໃຫ້ການຊ່ອຍເຫຼືອແກ່ກຳປູເຈຍ. ອີງຕາມສັນຍາ, ໄທຈະປ່ອຍເງິນກູ້ດອກເບ້ຍຕ່ຳ34ລ້ານ5ແສນໂດລາສະຫະລັດໃຫ້ກຳປູເຈຍ, ເພື່ອສ້າງທາງທີ່ເນັ່ງໄປຫາຊາຍແດນກຳປູເຈຍໄທແລະຊຸກຍູ້ການພັດທະນາເສດຖະກິດແລະການທ່ອງທ່ຽວຢູ່ເຂດລຽບທາງ.
|
|
|
