|
ຕາມຂ່າວສານຊິນຮວາ:ວັນທີ15ສິງຫາ,ກະຊວງການຕ່າງປະເທດຈີນໄດ້ອອກຖະແຫຼງການ,ປະທ້ວງຢ່າງຮຸນແຮງຕໍ່ທ່ານຈູນີຊີໂຣ ໂຄອິຊຸມິ ນາຍົກລັດຖະມົນຕີຍີ່ປຸ່ນທີ່ໄດ້ໄປນະມັດສະການວັດຢາຊືຄູນີອີກເທື່ອໜຶ່ງ.
ຖະແຫຼງການຂຽນວ່າ,ທ່ານນາຍົກໂຄອິຊຸມິບໍ່ເອົາຫົວຊານຳຄວາມເອົາໃຈໃສ່ແລະການຄັດຄ້ານຂອງປະຊາຄົມໂລກ ປະເທດໃກ້ຄຽງໃນອາຊີແລະປະຊາຊົນຍີ່ປຸ່ນ,ຊູຊີໄປນະມັດສະການວັດຢາຊືຄູນີທີ່ຕັ້ງປ້າຍບູຊາຂອງອາຊະຍາກອນສົງຄາມຊັ້ນໜຶ່ງສົງຄາມໂລກຄັ້ງທີສອງ,ເປັນການທ້າທາຍເກາະຜິດຕໍ່ຄວາມເປັນທຳສາກົນແລະຢຽບຢ່ຳມະໂນທຳຂອງມະນຸດ.ຖະແຫຼງການຂຽນວ່າ,ທ່ານນາຍົກໂຄອິຊຸມິໄດ້ທຳລາຍອາລົມຂອງປະຊາຊົນຈີນໃນບັນຫາປະຫວັດສາດຢ່າງບໍ່ຢຸດຢັ້ງ,ບໍ່ພຽງແຕ່ເຮັດໃຫ້ປະຊາຄົມໂລກບໍ່ໄວ້ເນື້ອເຊື່ອໃຈຕໍ່ທ່ານທໍ່ນັ້ນ,ຍັງໄດ້ເຮັດໃຫ້ປະຊາຊົນຍີ່ປຸ່ນບໍ່ໄວ້ເນື້ອເຊຶ່ອໃຈຕໍ່ທ່ານ,ແລະທຳລາຍພາບພົດແລະຜົນປະໂຫຍດແຫ່ງຊາດຂອງຍີ່ປຸ່ນອີກດ້ວຍ.
ຖະແຫຼງການກ່າວວ່າ,ການປົກປັກຮັກສາການພົວພັນຈີນຍີ່ປຸ່ນໃຫ້ຂະຫຍາຍຕົວຢ່າງປອດໄສນັ້ນ,ສອດຄ່ອງກັບຜົນປະໂຫຍດກົກຮາກຂອງປະຊາຊົນສອງປະເທດ,ມີຜົນດີຕໍ່ສັນຕິພາບແລະສະຖຽນລະພາບຂອງອາຊີກໍຄືຂອງໂລກ.ເຊື່ອວ່າບຸກຄົນຜູ້ເຫັນກວ້າງມອງໄກໃນວົງການຕ່າງໆຂອງຍີ່ປຸ່ນຈະໄປຕາມກະແສຟອງປະຫວັດສາດ,ສຸມກຳລັງເຂົ້າໃນການລົບລ້າງອຸປະສັກການເມືອງ,ຊຸກຍູ້ການພົວພັນຈີນຍີ່ປຸ່ນໃຫ້ກັບຄືນສູ່ໂຄຈອນພັດທະນາທີ່ປົກກະຕິໂດຍໄວເທົ່າທີ່ຈະໄວໄດ້.
|
