|
ສິ່ງຄວນຮູ້ໃນເວລາເກີດອັກຄີໄພ
cri
|
ໃນຊີວິດປະຈຳວັນຂອງພວກເຮົາ, ອາດຈະພົບໄພອັນຕະລາຍຫຼາຍຢ່າງ, ຄືໄພນ້ຳຖ້ວນແລະອັກຄີໄພເປັນຕົ້ນ, ເມື່ອພວກເຮົາປະເຊີນກັບສະພາບການດັ່ງກ່າວແລ້ວພວກເຮົາຄວນເຮັດແນວໃດແດ່? ໃນລາຍການມື້ນີ້, ພວກເຮົາຈະແນະນຳສິ່ງຄວນຮູ້ບາງຢ່າງເພື່ອຊ່ອຍຕົນເອງໃນເວລາເກີດອັກຄີໄພ.
1, ໃນເວລາຮ່າງກາຍຖືກໄຟ
ຖ້າຮ່າງກາຍຄົນເຮົາຖືກໄຟ, ຢ່າແລ່ນໂລເລເດັດຂາດ, ເພາະວ່າແລ່ນຈະເຮັດໃຫ້ມີລົມເກີດຂຶ້ນ, ອາກາດສົດຈະໂຮມມາຫາຮ່າງກາຍຄົນເຮົາຢ່າງຫຼວງຫຼາຍ, ຈະເຮັດໃຫ້ໄຟໄໝໂຕເຣົານັ້ນແຮງຂຶ້ນ; ນອກນີ້, ໃນເວລາຖືກໄຟໄໝ້ຄາຄີງ, ແລ່ນໄປມາໂລເລຈະນຳເອົາໄປໃຫ້ແຫ່ງອື່ນຈະພາໃຫ້ມີບ່ອນໄໝ້ຂຶ້ນໃໝ່, ເຮັດໃຫ້ອັກຄີໄພແຜ່ລາມອອກໄປ.
ຖ້າຕົນໂຕຖືກໄຟໄໝ້, ກ່ອນອື່ນຄວນຫາວິທີແກ້ເສື້ອຜ້າອອກ, ຖ້າແກ້ບໍ່ທັນ, ກໍໃຫ້ກີ້ງເກືອກກັບບ່ອນເພື່ອດັບໄຟຫຼືໃຊ້ເຄື່ອງທີ່ບໍ່ໄໝ້ງ່າຍຟາດຕີບ່ອນໄຟໄໝ້; ຖ້າມີຄົນອື່ນຢູ່ນຳ, ໃຫ້ຄົນອື່ນຫົດນ້ຳໃສ່, ຫຼືວ່າໂຕນລົງໜອງຫຼືຫ້ວຍທີ່ຢູ່ໃກ້ເພື່ອດັບໄຟ.
2, ຈະຫາວິທີໜີອອກຈາກເຮືອນທີ່ເກີດອັກຄີໄພແນວໃດ
ກ່ອນອື່ນຕ້ອງແຈ້ງຕຳຫຼວດດັບເພີງ, ຈະຕື່ນປານໃດກໍຢ່າລືມຕ້ອງແຈ້ງໂດຍທັນທີ, ຕ້ອງບີບກະດິງແຈ້ງສັນຍານໄພຫຼືໂທຫາກົມຕຳຫຼວດໂດຍດ່ວນໂລດ, ຖ້າແຈ້ງຊັກຊ້າຈະອັນຕະລາຍທີ່ສຸດ, ທັງບໍ່ມີຜົນດີຕໍ່ການດັບໄຟ, ແລະເຄີກເວລາໃຫ້ຄົນໜີອອກໄປ. ໃຫ້ສັງເກດວ່າຢູ່ມໍ່ບ່ອນເກີດອັກຄີໄພມີເຄື່ອງແຈ້ງເຫດໄຟໄໝ້ຫຼືບໍ່, ຖ່າບໍ່ມີ, ຄວນໜີອອກຈາກບ່ອບເກີດໄພແລ້ວຫາບ່ອນແຈ້ງຕຳຫຼວດດັບເພີງໂດຍທັນທີ.
ຖັດມາແມນໃຫ້ເລືອກທາງໜີເພື່ອເອົາຕົວລອດ. ໃຊ້ເຄື່ອງດັບເພິງທີ່ມີຢູ່ຕາມແຫ່ງຕ່າງໆດັບໄພທີ່ຫາກໍ່ເກີດໃໝ່ນັ້ນແມ່ນວິທີໜີອອກຈາກບ່ອນເກີດໄຟໄໝ້ຢ່າງຕັ້ງໜ້າ. ແຕ່ຖ້າໄຟແຮງໂພດ, ຕ້ອງຮັກສາຄວາມທຸ່ນທ່ຽງໃຈເຢັນໆ, ຊອກຮູ້ທິດທີ່ເກີດໄຟໄໝ້ແລະທິດທາງລົມ, ພະຍາຍາມແລ່ນໜີອອກຈາກເຂດເກີດໄຟໂດຍໄວໜີໄປຕາມທິດກົງກັນຂ້າມກັບທິດລົມກ່ອນທີ່ອັກຄີໄພຈະແຜ່ລາມອອກ; ເມື່ອໄຟເລີ່ມທັ່ງເຂົ້າມາຕ້ອງໜີຢ່າງວ່ອງໄວ, ຢ່າຫ່ວງນຳຊັບສົມບັດອີກ. ໃນເວລາເລືອກທາງໜີນັ້ນ, ຄວນອີງໃສ່ສະພາບໄຟໄໝ້, ເລືອກເອົາຊ່ອງທາງແລະອຸປະກອນທີ່ງ່າຍດາຍແລະປອດໄພກວ່າໝູ່, ຄືຂັ້ນໄດໜີໄຟ, ຂັ້ນໄດທຳມະດາ, ຂັ້ນໄດດັບເພິງເປັນຕົ້ນ, ນອກນີ້ຍັງອາດໃຊ້ປ່ອງຢ້ຽມ, ລະບຽງແລະທໍ່ເປັນຕົ້ນເພື່ອເອົາຕົວລອດ.
ຖ້າປະຕູ, ປ່ອງຢ້ຽມ, ຊ່ອງທາງແລະຂັ້ນໄດລ້ວນແຕ່ຖືກໄຟໄໝ້ຕັນແລ້ວ, ຄວນປິດປະຕູແລະຮູລົມອື່ນໆໂດຍທັນທີ, ປ້ອງກັນບໍ່ໃຫ້ຄວັນເຂົ້າ. ຖ້າມີເງື່ອນໄຂ, ຄວນຫົດນ້ຳເຢັນໃສ່ຫົວແລະຮ່າງຄີງຫຼືເອົາຜ້າປຽກຫໍ່ຫົວໃຫ້ດີ, ເອົາຜ້າຫົ່ມປຽກຄຸມຕົນໂຕ, ແລ້ວບຸກອອກຈາກເຂດອັນຕະລາຍ. ຖ້າປະຕູເຮືອນຮ້ອນຫຼາຍ, ກໍໝາຍຄວາມວ່າໄຟໄດ້ໄໝ້ຕັນທາງແລະບໍ່ສາມາດໜີອອກທາງປະຕູໄປແລ້ວຄວນອັດປະຕູໃຫ້ແໜ້ນ, ຫົດນ້ຳໃສ່ເພື່ອໃຫ້ອຸນຫະພູມຕ່ຳລົງແລະຮ້ອງຫາການຊ່ອຍເຫຼືອ.
ເວລາເກີດໄຟໄໝ້ຄວນລະວັງຄວັນແລະອາຍພິດ. ເພາະວ່າໃນເວລາເກີດອັກຄີໄພ, ວັດຖຸເຄື່ອງຂອງຕ່າງໆຖືກໄໝ້, ມັນທຳລາຍອັອກຊີແຊນໃນອາກາດຢ່າງວ່ອງໄວ, ພ້ອມກັນນັ້ນ, ກໍລະບາຍຄວັນແລະອາຍທີ່ມີພິດອອກມາຢ່າງຫຼວງຫຼາຍ, ຄວາມໄວທີ່ຄວັນແລະອາຍມີພິດເຫຼົ່ານີ້ແມ່ນ4ເທົ່າຮອດ8ເທົ່າຂອງຄວາມໄວໃນການແລ່ນຂອງຄົນ, ຄົນເຮົາອາດຈະຫາຍໃຈຝືດຍ້ອນຖືກຄວັນແລະອາຍມີພິດຫຼາຍ, ສະນັ້ນໃນເວລາເກີດອັກຄີໄພຄວນເອົາຜ້າປຽກປິດປາກແລະດັງ, ໝູບລົງແລະຄານໄປໜ້າ, ເພາະວ່າຢູ່ພື້ນເຮືອນມີຄວັນໜ້ອຍ, ແລະມີອາຍອັອກຊີແຊນຫຼາຍ.
ບັດນີ້ພວກເຮົາຂໍແນະນຳສິ່ງຄວນຮູ້ບາງຢ່າງເພື່ອປ້ອງກັນອັກຄີໄພ
1, ຢ່າຖິ້ມເຄື່ອງມີເຊື້ອໄຟຢ່າງຊະຊາຍ, ພໍ່ແມ່ຄວນມ້ຽນໄມ້ຂີດໄຟແລະກັບໄຟໃຫ້ດີ, ປ້ອງກັນບໍ່ໃຫ້ເດັກນ້ອຍເອົາມາຫຼິ້ນ, ທີ່ອາດຈະພາໃຫ້ເກີດອັກຄີໄພ.
2, ໃນເວລາດື່ມເຫຼົ້າແລ້ວ, ຍາມອິດເມື່ອຍຫຼືວ່າກ່ອນຈະນອນຢ່ານອນສູບຢາຢູ່ເທິງຕຽງແລະຕັ່ງຊາລົງ.
3, ໃນເວລາອອກໄປທາງນອກຫຼືກ່ອນຈະນອນຕ້ອງມອດໄຟຢູ່ໃນແລະນອກເຮືອນ, ປິດເຄື່ອງໄຂອັດຂອງອາຍແກສໄວ້.
4, ຢ່າກອງເຄື່ອງຂອງຢູ່ຕາມລະບຽງແລະຂັ້ນ, ຮັກສາໃຫ້ທາງອອກປອດໄພແລະລຸລ່ວງ.
5, ຢ່າຕໍ່ສາຍໄຟຟ້າທົ່ວທີບ.
6, ໃນເວລາໃຊ້ເຕົາລີດໄຟຟ້າ, ເຄື່ອງເປົ່າຜົມໄຟຟ້າແລະຈອກຕົ້ມນ້ຳຮ້ອນໄຟຟ້າເປັນຕົ້ນ, ບໍ່ຄວນປະເຄື່ອງເຫຼົ່ານີ້ໄປ, ແລະບໍ່ຄວນເອົາໄຕ້ດອກໄຟຟ້າເພື່ອຝີງໄຟຫຼືຂາງເສື້ອຜ້າໃຫ້ແຫ້ງ.
7, ຢ່າໃຊ້ໄມ້ຂີດໄຟຫຼືເຫຼັກໄຟມາກວດເບິ່ງອາຍແກສຮົ່ວຫຼືບໍ່, ຄວນໃຊ້ນ້ຳສະບູກວດຈິ່ງຖືກຕ້ອງ.
8, ຢ່າໃຊ້ເຄື່ອງສີດຢູ່ໃກ້ໄຟ, ເພາະມັນອາດຈະໄໝ້ແລະລະເບີດແລ້ວພາໃຫ້ເກີດອັກຄີໄພ.
9, ໃນລະດູຮ້ອນ, ເມື່ອໄຕ້ຢາອູດຍຸງນັ້ນ, ຢ່າວາງໄວ້ຢູ່ໃກ້ກັບວັດຖຸໄວໄຟເຊັ່ນຕຽງແລະຜ້າກັ້ງປ່ອງຢ້ຽມເປັນຕົ້ນ.
10, ນ້ຳມັນແອັດຊັງແລະນ້ຳມັນກາຊວນທີ່ແຮໄວ້ໃນເຮືອນຢ່າງຫຼາຍບໍ່ໃຫ້ກາຍ5ລິດ, ແລະຄວນໃຊ້ເຄື່ອງບັນຈຸທີ່ໄດ້ມາດຕະຖານ. ໃນເວລາຕື່ມນ້ຳມັນໃສ່ລົດນັ້ນ, ຄວນໄກຈາກໄຟ, ບໍ່ຄວນສູບຢາ, ຖ້າບໍ່ດັ່ງນັ້ນຈະອັນຕະລາຍຫຼາຍ, ອາດຈະພາໃຫ້ໄໝ້ແລະລະເບີດ, ພາໃຫ້ເກີດອັກຄີໄພໄດ້.
|
|
