|
|
 |
| (GMT+08:00)
2006-08-15 16:07:42
|
 |
|
ທ່ານຫລີຈ້າວຊິ່ງປະທ້ວງຢ່າງຮຸນແຮງຕໍ່ຝ່າຍຍີ່ປຸ່ນກ່ຽວກັບນາຍົກລັດ ຖະມົນຕີຍີ່ປຸ່ນໄປນະມັດສະການວັດຢາຊືຄຸນິ
cri
Author: sayvanny
ຕາມຂ່າວ CRI:ຕອນເຊົ້າວັນທີ 15 ສິງຫາ,ທ່ານຫລິຈ້າວຊິ່ງ ລັດຖະ ມົນຕີວ່າການກະຊວງການຕ່າງປະເທດຈີນໄດ້ຮຽກພົບທ່ານມີຢາໂມໂຕຢູຈິ ເອກອັກຄະຣາຊະທູດຍີ່ປຸ່ນປະຈຳຈີນໂດຍດ່ວນ, ຕໍ່ວ່າຕໍ່ຂານຢ່າງເຄັ່ງຂຶມແລະປະທ້ວງຢ່າງຮຸນແຮງກ່ຽວກັບທ່ານຈູນີຊີໂຣ.ໂກອິຊຸມິ ນາຍົກລັດຖະມົນ ຕີຍີ່ປຸ່ນໄປນະມັດສະການວັດຊືຄຸນິອີກເທື່ອຫນຶ່ງ.
ທ່ານຫລີຈ້າວຊິ່ງຊີ້ອອກວ່າ, ທ່ານໂກອິຊຸມິດື້ດຶງໄປນະມັດສະການວັດຢາຊືຄຸນິທີ່ຕັ້ງປ້າຍບູຊາອາຊະຍາກອນສົງຄາມຊັ້ນຫນຶ່ງໃນສະໄຫມສົງຄາມໂລກຄັ້ງທີສອງ,ໄດ້ແຕະຕ້ອງຈິດໃຈຂອງປະຊາຊົນຂອງປະເທດທີ່ປະສົບໄພສົງຄາມຮຸກຮານຂອງລັດທິລັດຖະທະຫານຍີ່ປຸ່ນຢ່າງຫນັກຫນ່ວງ, ໄດ້ທຳ ລາຍພື້ນຖານການເມືອງແຫ່ງການພົວພັນລະຫວ່າງຈີນກັບຍີ່ປຸ່ນ. ລັດຖະ ບານແລະປະຊາຊົນຈີນຮູ້ສຶກຄຽດແຄ້ນທີ່ສຸດແລະກ່າວປະນາມຢ່າງເຂັ້ມ ງວດຕໍ່ເລື່ອງນີ້.
ທ່ານຫລີຈ້າວຊິ່ງກ່າວເນັ້ນວ່າ, ຈີນແມ່ນປະເທດປະສົບເຄາະຮ້າຍແຮງກວ່າຫມູ່ໃນສົງຄາມລັດທິລັດຖະທະຫານຍີ່ປຸ່ນຮຸກຮານຕ່າງປະເທດ.ສະນັ້ນ,ລັດຖະ ບານຍີ່ປຸ່ນຮັບຮູ້ປະຫວັດສາດຕອນນີ້ຢ່າງຖືກຕ້ອງ,ແມ່ນພື້ນຖານການເມືອງທີ່ຈະເຮັດໃຫ້ການພົວພັນລະຫວ່າງຈີນກັບຍີ່ປຸ່ນໄດ້ຮັບການຟື້ນຟູແລະຂະຫຍາຍຕົວພາຍຫລັງສົງຄາມ,ແລະກໍ່ແມ່ນປະຖົມປັດໄຈສຳຄັນທີ່ໃຫ້ສອງປະເທດພ້ອມກັນມຸ້ງຫນ້າໄປສູ່ອະນາຄົດ.
ທ່ານເວົ້າວ່າ, ບົນພື້ນຖານເອກະສານການເມືອງສາມສະບັບຈີນກັບຍີ່ປຸ່ນ, ລັດຖະບານແລະປະຊາຊົນຈີນຈະສືບຕໍ່ພ້ອມກັນກັບນັກການເມືອງແລະປະຊາຊົນຍີ່ປຸ່ນທີ່ຖະຫນຸຖະຫນອມແລະທຸ່ມເຫື່ອເທແຮງຮັກສາມິດຕະພາບ ຈີນຍີ່ປຸ່ນ,ອີງໃສ່ນ້ຳໃຈ"ຖືປະຫວັດສາດເປັນແວ່ນແຍງ,ມຸ້ງຫນ້າໄປສູ່ອະນາ ຄົດ", ທຸ່ມເຫື່ອເທແຮງເຂົ້າໃນການເຮັດໃຫ້ສອງປະເທດຢູ່ຮ່ວມກັນໂດຍສັນ ຕິແລະພ້ອມກັນພັດທະນາ.
|
|
|
