|
|
 |
| (GMT+08:00)
2006-08-15 16:17:18
|
 |
|
ອົງການຈັດຕັ້ງມວນຊົນຍີ່ປຸ່ນກ່າວປະນາມທ່ານໂຄອິຊຸມິທີ່ໄປນະມັດສະການວັດຢາຊືຄູນີ
cri
Author: shuo
ຕາມຂ່າວCRI:ມື້ນີ້(ວັນທີ15ສິງຫາ),ອົງການຈັດຕັ້ງມວນຊົນຂອງຍີ່ປຸ່ນໄດ້ທະຍອຍກັນກ່າວປະນາມຢ່າງຮຸນແຮງຕໍ່ທ່ານຈູນີຊີໂຣ ໂຄອິຊຸມິ ນາຍົກລັດຖະມົນຕີຍີ່ປຸ່ນທີ່ໄປນະມັດ ສະການວັດຢາຊືຄູນີອີກເທື່ອໜຶ່ງ,ໂດຍບໍ່ເອົາຫົວຊານຳຫາງສຽງພາຍໃນປະເທດຍີ່ປຸ່ນແລະການຄັດຄ້ານຂອງບັນດາປະເທດອາຊີ.
ສະຫະພັນຊາວສ.ເກົາຫຼີຢູ່ຍີ່ປຸ່ນອອກຖະແຫຼງການວ່າ,ທ່ານໂຄອິຊຸມິບັງອາດໄປນະມັດສະ ການວັດຢາຊືຄູນີທີ່ຕັ້ງປ້າຍບູຊາອາຊະຍາກອນສົງຄາມຊັ້ນໜຶ່ງໃນສົງຄາມໂລກຄັ້ງທີສອງໃນຖານເປັນເຈົ້າໜ້າທີ່ລາຊະການແມ່ນເຈດຕະນາເຮັດໃຫ້ຄວາມຜິດພາດແລະໜ້າທີ່ຮັບ ຜິດຊອບໃນປະຫວັດສາດຂອງຍີ່ປຸ່ນຄຸມເຄືອບໍ່ຈະແຈ້ງ.
ສະມາຄົມມິດຕະພາບຍີ່ປຸ່ນຈີນໄດ້ມອບຖະແຫຼງການປະທ້ວງສະບັບໜຶ່ງໃຫ້ທ່ານໂຄອິຊຸມິ,ກ່າວປະນາມທ່ານໄປນະມັດສະການວັດຢາຊືຄູນີໃນເວລາທີ່ທ່ານຈະພົ້ນແໜ່ງໃນໄວໆນີ້ໂດຍບໍ່ເອົາຫົວຊານຳສຽງຂອງປະຊາຊົນ.ຖະແຫຼງການຊີ້ອອກວ່າ,ການກະທຳຂອງທ່ານໂຄອິຊຸມິບໍ່ພຽງແຕ່ບໍ່ມີຄວາມຮັບຜິດຊອບທໍ່ນັ້ນ,ຍັງໄດ້ລະເມີດຈິດໃຈແລະຫຼັກການຂອງລັດຖະທຳມະນູນຍີ່ປຸ່ນ.
ທ່ານຮີລາຢາມາ ເຊອີໂກ ຫົວໜ້າສະຫະພັນທະນາຍຄວາມຍີ່ປຸ່ນໃຫ້ສຳພາດຕໍ່ນັກຂ່າວວ່າ,ການກະທຳຂອງທ່ານໂຄອິຊຸມິແມ່ນໄດ້ລະເມີດລັດຖະທຳມະນູນຂອງຍີ່ປຸ່ນ,ສະຫະພັນທະນາຍຄວາມຍີ່ປຸ່ນສະແດງຄວາມເສຍດາຍຕໍ່ເລື່ອງນີ້,ແລະຮຽກຮ້ອງຢ່າງຮຸນແຮງຢ່າໃຫ້ເກີດເລື່ອງທີ່ຄ້າຍຄືກັນນີ້ອີກໃນພາຍໜ້າ.
|
|
|
