|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງນ້ອງເປົ່າຈົວ ຈົງຕູ່ຮ້າງທີ່ຢູ່ບ້ານຫົວຄັງ ເມືອງຊຳເໜືອ ແຂວງຫົວພັນ,ໃນຈົດໝາຍນ້ອງເປົ່າຈົວຂຽນວ່າ,ນ້ອງມັກຟັງຊີອາໄອມາຕະຫຼອດໄລຍະເກືອບສອງປີ,ເຫັນວ່າ,ວິທະຍຸຊີອາໄອນີ້ມີຄວາມຮູ້ຫຼາຍຕໍ່ນ້ອງ,ແຕ່ຍ້ອນວ່າຍັງເຂົ້າໂຮງຮຽນຢູ່,ຈຶ່ງບໍ່ມີໂອກາດຂຽນຈົດໝາຍມາຖາມຂ່າວແລະເລົ່າຄວາມຮູ້ສຶກຂອງນ້ອງຕໍ່ຊີອາໄອໃຫ້ພວກອ້າຍເອື້ອຍຮູ້ຈັກເທື່ອ,ເທື່ອນີ້ແມ່ນເທື່ອທຳອິດທີ່ໄດ້ຂຽນຈົດໝາຍສະບັບນີ້ສົ່ງມາໃຫ້ຊີອາໄອພາກພາສາລາວ.ແຕ່ກ່ອນ,ນ້ອງບໍ່ທັນຮູ້ຊີອາໄອ,ນ້ອງບໍ່ຮູ້ຫຍັງກ່ຽວກັບຈີນແລະບໍ່ຮູ້ສະພາບການຂອງໂລກເລີຍ,ແຕ່ເມື່ອໄດ້ຟັງຂ່າວຄາວຈາກຊີອາໄອແລ້ວ,ພາໃຫ້ນ້ອງຮູ້ສະພາບການປ່ຽນແປງຂອງສາກົນແລະການຂະຫຍາຍຕົວຂອງເສດຖະກິດຈີນ ການຮ່ວມມືລະຫວ່າງລັດຖະບານລາວ-ຈີນແລະອື່ນໆ,ນ້ອງຍັງມັກຟັງລາຍການອື່ນໆຂອງຊີອາໄອເຊັ່ນວ່າລາຍການເພື່ອນມິດຜູ້ຟັງ ສວນວິທະຍາສາດແລະການສຶກສາ ສາລະໜ້າຮູ້ແລະສອນພາສາຈີນ,ນອກນີ້,ນ້ອງຍັງມັກຟັງເພງຈີນທີ່ສຸດ,ຢາກຂໍໃຫ້ພວກອ້າຍເອື້ອຍເປີດເພງຈີນໃຫ້ນ້ອງຟັງແດ່,ເພງໃດກໍ່ໄດ້ແລະຂໍຝາກໃຫ້ເພື່ອນມິດທຸກຄົນທີ່ເຄີຍຕິດຕາມຟັງ,ພ້ອມດ້ວຍພວກອ້າຍເອື້ອຍທີ່ຈັດລາຍການຢູ່ວິທະຍຸສາກົນແຫ່ງປະເທດຈີນຟັງນຳກັນແດ່.ເມື່ອຟັງແລ້ວໃຫ້ທຸກຄົນຈົ່ງມີສຸຂະພາບແຂງແຮງດີຕະຫຼອດໄປ."
ສຸພາສິດຈີນເວົ້າວ່າ:"ເທື່ອທຳອິດບໍ່ຄຸ້ນເຄີຍ,ເທື່ອທີສອງກໍ່ຄຸ້ນເຄີຍ".ນ້ອງເປົ່າຈົວໄດ້ຝາກຈົດໝາຍສະບັບທຳອິດໃຫ້ພວກເຮົາ,ພວກເຮົາເຊື່ອວ່າຈະ ມີສະບັບທີສອງ,ສະບັບທີສາມແລະສະບັບຕໍ່ໆໄປຢ່າງແນ່ນອນ, ພວກເຮົາຍິນດີຕ້ອນຮັບຢ່າງຈິງໃຈຜູ້ຟັງຈົ່ງຝາກຈົດໝາຍມາຍັງພວກເຮົາເລື້ອຍໆ,ນ້ອງເປົ່າຈົວຝາກຈົດໝາຍເທື່ອທຳອິດກໍ່ໄດ້ຝາກໃບຕອນຄຳຖາມເສັ້ງຄວາມຮູ້ມາຍັງພວກເຮົາ,ນະທີ່ນີ້,ພວກເຮົາຂອບໃຈນ້ອງອີກ,ພ້ອມກັນນັ້ນ,ກໍ່ຫວັງວ່າຄົງຈະມີຜູ້ຟັງຫຼາຍກວ່າເກົ່າເຂົ້າຮ່ວມລາຍການ.
ສຸດທ້າຍ,ດວງພະຈັນຂໍຈັດເພງມ່ວນໆເພງໜຶ່ງໃຫ້ຜູ້ຟັງທຸກທ່ານທີ່ພວມຟັງລາຍການຢູ່ໃນຂະນະນີ້ຕາມຄວາມປະສົງຂອງນ້ອງເປົ່າຈົວ,ເພງນີ້ຊື່ວ່າ"ອີ້ເຊີ່ງໂອ່ຕີ້ງ",ແປວ່າ"ນັດຕະຫຼອດໄປ".
|
