|
ງານແຂ່ງຂັນກິລາແລ່ນແລະລານຊາວຫນຸ່ມໂລກຄັ້ງທີ 11 ພວມຈັດຢູ່ປັກກິ່ງເປັນເວລາ 6 ມື້.ງານແຂ່ງຂັນເທື່ອນີ້ບໍ່ພຽງແຕ່ເປັນການທົດສອບກຳລັງຕົວຈິງຂອງນັກກິລາຊາວຫນຸ່ມທີ່ຈະເຂົ້າຮ່ວມງານໂອລິມປິກປັກກິ່ງປີ 2008 ທໍ່ນັ້ນ, ຫາກຍັງໄດ້ສ້າງໂອກາດໃຫ້ປັກກິ່ງສະສົມບົດຮຽນໃຫ້ແກ່ ຈັດຕັ້ງງານກິລາໂອລິມປິກ, ຝຶກອົບຮົມຖັນແຖວພະນັກງານຄຸ້ມຄອງ.
ງານແຂ່ງຂັນກິລາແລ່ນແລະລານຊີງຊະນະເລີດຊາວຫນຸ່ມໂລກແມ່ນການແຂ່ງຂັນຂອງຊາວຫນຸ່ມທີ່ມີລະດັບສູງສຸດໃນວົງການກິລາແລ່ນແລະລານໂລກ.ງານແຂ່ງຂັນກິລາແລ່ນແລະລານຊາວຫນຸ່ມຄັ້ງທີ 11 ທີ່ຈັດຂຶ້ນຢູ່ປັກກິ່ງແຕ່ວັນທີ 15 ຫາວັນທີ 20 ສິງຫານີ້ແມ່ນຄັ້ງຫນຶ່ງທີ່ມີຂະຫນາດໃຫຍ່ກວ່າທຸກຄັ້ງທີ່ຜ່ານມາ, ໄດ້ວາງຄາດຫາຍຢ່າງສູງຕໍ່ວຽກງານການຈັດຕັ້ງ ຮັບຕ້ອນ ແລະການດຳເນີນງານຂອງຄະນະກຳມະການຈັດງານ.
ທ່ານສາວຕົງຊຽງ ຮອງຫົວຫນ້າພະແນກຮັກສາຄວາມປອດໄພແລະຄົມມະ ນາຄົມຂອງງານແຂ່ງຂັນເທື່ອນີ້ເວົ້າວ່າ, ວຽກງານທີ່ກ່ຽວຂ້ອງໃນການແຂ່ງ ຂັນເທື່ອນີ້ລ້ວນແຕ່ເຮັດຕາມມາດຖານຂອງງານໂອລິມປິກ.ທ່ານເວົ້າວ່າ:
ເພື່ອໃຫ້ສອດຄ່ອງກັບລະບຽບສາກົນ, ພວກຂ້າພະເຈົ້າຈະປ້ອງກັນຮັກສາໂຮງແຮມທີ່ໃຫ້ນັກກິລາພັກເຊົານັ້ນຄືກັບບ້ານພັກໂອລິມປິກ,ປະຕິບັດການຮັກສາຄວາມປອດໄພພາຍໃນຢ່າງເຂັ້ມງວດດ້ວຍການຈັດວາງພະນັກງານປ້ອງກັນໄວ້ເປັນຫລາຍຊັ້ນ,ແມ່ນວິທີທີ່ໃຊ້ກຳລັງປ້ອງກັນຫນ້ອຍທີ່ສຸດໃຫ້ໄດ້ຮັບຜົນປ້ອງກັນຄວາມປອດໄພທີ່ດີທີ່ສຸດ.
ດັ່ງທີ່ຮູ້ກັນທົ່ວໄປວ່າ, ບັນຫາຢາກະຕຸ້ນແມ່ນຝີຮ້າຍຂອງການແຂ່ງຂັນກິລາ.ເວົ້າສຳລັບນັກກິລາແລ້ວ, ການສ້າງເງື່ອນໄຂແຂ່ງຂັນທີ່ຍຸດຕິທຳ, ບາງທີຍັງສຳຄັນກວ່າການໄດ້ຮັບໄຊຊະນະແບບຖະຫລົ່ມທະລາຍ.ທ່ານຈ້າວຈ້ຽນ ຫົວຫນ້າພະແນກກວດກາສານກະຕຸ້ນຂອງງານແຂ່ງຂັນເທື່ອນີ້ເວົ້າວ່າ:
ເມື່ອທຽບກັບທຸກຄັ້ງທີ່ຜ່ານມາ, ການກວດກາຫາສານກະຕຸ້ນຂອງງານແຂ່ງຂັນເທື່ອນີ້ຈະເຂັ້ມງວດກວ່າຫມູ່.ຂ້າພະເຈົ້າຄິດວ່າຄວນຈະກວດກາ ລາຍການແຂ່ງຂັນທັງຫມົດ.ຜູ່ກວດກາຂອງພວກຂ້າພະເຈົ້າມີ 25 ຄົນ, ລ້ວນແຕ່ແມ່ນເຈົ້າຫນ້າທີ່ກວດກາທີ່ໄດ້ຈົດທະບຽນຢູ່ຄະນະກຳມະການຕ້ານສານກະຕຸ້ນຂອງພວກຂ້າພະເຈົ້າ.ນອກນີ້,ຍັງມີຜູ່ອາສາສະຫມັກປະມານ 40 ຄົນ, ຫນ້າທີ່ສຳຄັນແມ່ນຮັບຜິດຊອບວຽກງານຕິດຕາມກວດກາ.
ສ່ວນຜູ່ຊົມກໍ່ແມ່ນປັດໄຈສຳຄັນທີ່ຂາດບໍ່ໄດ້ໃນການແຂ່ງຂັນກິລາ. ແຕ່ກ່ອນ, ຈີນບໍ່ຄ່ອຍຈັດງານແຂ່ງຂັນກິລາແລ່ນແລະລານລະດັບສາກົນຂະໜາດໃຫຍ່ແບບນີ້, ສະນັ້ນ, ຄວາມສົນໃຈຂອງແຟນກິລາຈີນທີ່ບໍ່ມີຕໍ່ການແຂ່ງຂັນກິລາແລ່ນແລະລານຈຶ່ງບໍ່ທໍ່ບານເຕະ ບານບ້ວງແລະກາຍະກຳເປັນຕົ້ນ. ທ່ານເຊີນຊຸນເຕີ ຮອງເລຂາທີການໃຫຍ່ຄະນະກຳມະການຈັດງານແຂ່ງຂັນກິລາແລ່ນແລະລານຊີງລາງວັນຊາວໜຸ່ມ ໂລກສະເໜີໃຫ້ຮູ້ວ່າ, ຈຸດສຳຄັນຈຸດໜຶ່ງຂອງວຽກຄະນະກຳມະການຈັດງານກໍ່ແມ່ນຖືໂອກາດຈັດງານເທື່ອນີ້ຂຶ້ນມາກກໍ່ເພື່ອເຮັດໃຫ້ຜູ່ຊົມເລີ່ມເຂົ້າໃຈແລະມັກເບິ່ງການແຂ່ງຂັນກິລາແລ່ນແລະລານ, ເພື່ອງານກິລາໂອລິມປີກປັກກິ່ງ.
ທ່ານເວົ້າວ່າ, "ປັດຈຸບັນ, ພວກຂ້າພະເຈົ້າຄຶດວ່າ, ດຽວນນີ້, ຢູ່ຈີນ, ກິລາແລ່ນແລະລານຍັງຢູ່ໃນໄລຍະເຜີຍແຜ່, ສະນັ້ນ, ລາຄາປີ້ຂອງພວກເຮົາຈຶ່ງຖືກຫຼາຍ, ປິ້ກາງເວັນມີແຕ່ 10 ຢວນ, ປີ້ຕອນຄ່ຳ 20 ຢວນ. ທີ່ຈິງແລ້ວ, ພວກເຮົາກໍ່ຢາກຖືໂອກາດງານແຂ່ງຂັນກິລາແລ່ນແລະລານຊາວໜຸ່ມໂລກຄັ້ງນີ້ໃຫ້ຜູ່ຊົມຂອງພວກເຮົາຮູ້ຈັກກິລາແລ່ນແລະລານ, ແລະຮູ້ສະເຫນ່ຂອງກິລາປະເພດນີ້."
ທ່ານກິຣເບີດ ເຟລີ ປະທານບໍລິຫານງານກິລາໂອລິມປີກຂອງຄະນະກຳມະການກິລາໂອລິມປີກສາກົນກໍ່ໄດ້ຕິດຕາມງານແຂ່ງຂັນກິລາແລ່ນແລະລານຊາວໜຸ່ມໂລກຄັ້ງນີ້. ທ່ານເຫັນວ່າ, ສິ່ງກໍ່ສ້າງຕ່າງໆໃນງານແຂ່ງຂັນຄັ້ງນີ້ສາມາດຮອງຮັບຄວາມຕ້ອງການຂອງງານແຂ່ງຂັນຢ່າງສົມບູນ. ກ່ອນປີ 2008, ນະຄອນປັກກິ່ງຈະຈັດງານແຂ່ງຂັນລະດັບສູງຄ້າຍກັບງານແຂ່ງຂັນກິລາແລ່ນແລະລານຊາວໜຸ່ມໂລກໃຫ້ຫຼາຍເທື່ອເພື່ອສະສົມປະສົບການໃນດ້ານການຈັດງານ, ເພື່ອມີຄວາມສາມາດຈັດງານກິລາໂອລິມປີກໃຫ້ໄດ້ດີ.
|
