ຕາມ​ຂ່າວສານ​ຊິນ​ຮວາ: ​ແຕ່​ປັດຈຸບັນຫາ​ປີ 2010, ຈີນ​ຈະ​ຜ່ານ​ຈາກ​ການ​ພັດທະນາ​ການ​ທ່ອງ​ທ່ຽວ​ຊົນນະບົດ ພະຍາຍາມ​ເພີ່ມອາຊີບ ​ທ່ອງທ່ຽວ​ຊົນນະບົດ 3 ​ແສນ 5 ໝື່ນ​ຕຳ​ແໜ່ງ​ຕໍ່​ປີ.

ນັກ​ຂ່າວ​ໄດ້​ຊາບ​ຈາກ​ກົມ​ທ່ອງ​ທ່ຽວ​ແຫ່ງ​ຊາດ​ຈີນ​ວ່າ, ​ແຕ່​ປັດຈຸບັນ​ຫາ​ປີ 2010, ຈີນ​ຈະ​ສ້າງ​​ບ້ານ​ທ່ອງ​ທ່ຽວ​ຊົນນະບົດ​ນັບ​ໝື່ນ​ແຫ່ງ, ​ໂຄງການ​ທ່ອງ​ທ່ຽວ​ຊົນນະບົດ​ທີ່​ມີ​ຢູ່​ໃນ​ປັດ​ຈຸ​ບັນ​ກໍ່​ຈະ​ໄດ້​ຮັບ​ການ​ປັບປຸງ​ແລະບູລະນະ​ໃຫ້​ສົມບູນ, ​ໃຫ້​ຈໍ່​ຕົວ​ເປັນ​ລະບົບ​ຜະ​ລິດ​ຕະ​ພັນ​ການ​ທ່ອງ​ທ່ຽວ​ຊົນນະບົດ​ທີ່​ມີຫຼາຍປະ​ເພດ​ແລະຫຼາຍລະດັບ, ຕອບ​ສະໜອງ​ຄວາມ​ຕ້ອງ​ການ​ຂອງ​ຕະ​ຫຼາດ​ທ່ອງ​ທ່ຽວ​ພາຍ​​ໃນປະ​ເທດ, ພ້ອມ​ກັນນັ້ນ ​ເພີ່ມ​ຕຳ​ແໜ່​ງອາຊີບ​ຂອງ​ຊົນ​ນະ​ບົດ, ​ເພີ່ມ​ລາຍ​ຮັບ​ຂອງ​ຊາວ​ກະສິກອນ​ທີ່​ເຮັດ​ວຽກ​​ໃນ​ຂະ​ແໜງ​ການ​ທ່ອງ​ທ່ຽວ.

ຕາມ​ໄດ້​ຊາບ, ​ໃນ 5 ປີ​ຂ້າງ​ໜ້າ, ຈີນ​ຈະ​ເຈາະ​ຈົງ​ສ້າງບ້ານ​​ເກົ່າ​ແກ່​ທີ່​ຍັງ​ຮັກສາ​ຊີ​ວະ​ພາບ​ດັ້ງ​ເດີມ​ແລະ​ບ້ານ​ຊົນ​ເຜົ່າ​ສ່ວນ​ໜ້ອຍ, ກົມ​ທ່ອງທ່ຽວ​ແຫ່ງ​ຊາດ​ຈີນ​ຈະ​​ໃຫ້​ຜູ່​ຊ່ຽວ​ຊານ​ດ້ານ​ຊົນ​ເຜົ່າ ດ້ານຮີດຄອງ​ປະ​ເພນີ​ແລະ​ດ້ານປະຫວັດສາດ​ເປັນຕົ້ນ​ພ້ອມ​ກັນ​ຄົ້ນ​ຄວ້າ​ແລະ​ສ້າງ​ສາ​ການ​ທ່ອງ​ທ່ຽວ​ຊົນນະບົດ.