ຕາມ​ຂ່າວ CRI: ​ເວລາ 12 ​ໂມງ​ຂອງ​ວັນ​ທີ 19 ສິງຫາ​ເວລາ​ທ້ອງ​ຖິ່ນ, ທີ​ມ​ເອົາ​ຂ່າວ​ປະ​ສົມ​ກ່ຽວ​ກັບ "ມິດຕະພາບ​​ຈີນ​ຣັດ​ເຊຍ" ​ໄດ້​ເດີນທາງ​ 1 ໝື່ນກວ່າ​ກິ​ໂລ​ແມັດ​ແລ້ວ. ​ໃນ​ເວ​ລາ​ນັ້ນ, ສະ​ມາ​ຊິກທີ​ມ​ເອົາ​ຂ່າວພວມ​ເດີນ​ທາງ​ໄປ​ເມືອງ​ແຊງ​ແປ​ເຕີບ​ວກ ​ເຊິ່ງ​ແມ່ນ​ຕົວ​ເມືອງ​ໃຫຍ່​ທີ​ສອງ​ຂອງ​ຣັດ​ເຊຍ.

ທ່ານ​ນາງ​ຫວາງ​ຕົ່ງ​ເໝິຍ ຜູ່​ບັນຊາ​ການສູງສຸດ​ຂອງ​ກິດຈະກຳ "ມິດຕະພາບ​ຈີນ​ຣັດ​ເຊຍ" ຮອງ​ຫົວ​ໜ້າ​ວິທະຍຸ​ສາກົນ​ແຫ່ງ​ປະ​ເທດ​ຈີນ​ໄດ້​ກ່າວ​ຄຳ​ປາ​ໄສ​ໃນ​ພິທີ​ສະຫຼອງ​ທີ່​ຈັດ​ຂຶ້ນ​ຢູ່​ແຄມ​ທາງ​ວ່າ, ນີ້​ແມ່ນ​ຍາມ​ເວລາ​ທີ່​ຄະນະ​ສຳພາດ​ຂ່າວ​ໜ້າ​ສະຫຼອງ. ​ໃນ​ໝື່ນ​ກິ​ໂລ​ແມັດ​ທີ່​ເດີນ​ຜ່ານ​ມາ, ທີ​ມ​ເອົາຂ່າວ​ໄດ້​ເຜີຍ​ແຜ່​ໄມຕີ​ຈິດ​ມິດຕະພາບ​ຢູ່​ລະຫວ່າງ​ປະ​ຊາ​ຊົນ​ທັງ​ສອງ​ຊາດ​ຈີນ​ຣັດ​ເຊຍ, ​ໄດ້​ເຮັດຫຼ້ອນໜ້າ​ທີ່​ຕ່າງໆ​ຢ່າງ​ໄດ້​ຮັບ​ຜົນ​ເຕັມ​ເມັດ​ເຕັມ​ໜ່ວຍ.