ຕາມ​ຂ່າວ CRI: ຈີນ​ຈະ​ເພີ່ມ​ທະວີ​ການ​ກໍ່ສ້າງ​ລະບົບ​ຮັບ​ມື​ເຫດການ​ສາທາລະນະ​ສຸກ​ທີ່​ເກີດ​ຂຶ້ນ​ຢ່າງ​ກະທັນຫັນ, ຍົກ​ຄວາມ​ສາມາດ​ການ​ຕົກລົງການບັນຊາ​ແລະ​ການຮັບ​ມື​ໂດຍ​ດ່ວນ​ຕໍ່​ເຫດ​ການ​ສາ​ທາ​ລະ​ນະ​ສຸກທີ່​ເກີດ​ຂຶ້ນຢ່າງ​ກະທັນຫັນ. ນີ້​ແມ່ນ​ນັກ​ຂ່າວ​ໄດ້​ຊາບ​ຈາກ​ກະ​ຊວງ​ສາ​ທາ​ລະ​ນະ​ສຸກ​ຈີນ​ໃນ​ຫວ່າງ​ມໍ່ໆ​ນີ້.

ຜູ່​ຮັບຜິດຊອບ​ທີ່​ກ່ຽວຂ້ອງ​ຂອງ​ກະຊວງ​ສາທາລະນະ​ສຸກ​ຈີນ​ແນະນຳ​ວ່າ, ​ພາຍ​ໃນ​ບໍ່​ເທົ່າ​ໃດ​ປີ​ຂ້າງ​ໜ້າ, ຈີນ​ຈະ​ຊຸກ​ຍູ້​ການ​ສ້າງຕັ້ງອົງການ​ຄຸ້ມ​ຄອງການ​ຮັບ​ມື​ເຫດການ​​ສາ​ທາ​ລະ​ນະ​ສຸກ​ໂດຍ​ສະ​ເພາະ​ຢູ່​ແຫ່ງ​ຕ່າງໆ; ບູລະນະ​ລະບົບ​ວາງ​ແຜນ​ຮັບ​ມື​ເຫດການ​ສາ​ທາ​ລະ​ນະ​ສຸກ​ທີ່​ເກີດ​ຂຶ້ນ​ຢ່າງ​ກະທັນຫັນ​ໃຫ້​ສົມບູນ​ຂຶ້ນ​ເປັນ​ກ້າວໆ; ​ເພີ່ມ​ທະວີ​ການ​ກໍ່ສ້າງ​ລະ​ບົບ​ການ​ຕິດ​ຕາມ​ແລະ​ເຕືອນ​ໄພ​ລ່ວງ​ໜ້າ, ​ເພີ່ມ​ຄວາມ​ສາມາດ​ການ​ກວດກາ​ໂດຍ​ດ່ວນ​ຂອງ​ຫ້ອງ​ການ​ທົດ​ລອງ​ຢ່າງ​ແທ້​ຈິງ; ພ້ອມ​ກັນນັ້ນ ​ໂຄສະນາ​ຄວາມ​ຮູ້​ກ່ຽວ​ກັບ​ເຫດການ​ສາທາລະນະ​ສຸກ​ທີ່​ເກີດ​ຂຶ້ນ​ຢ່າງ​ກະ​ທັນ​ຫັນ​ດ້ວຍຫຼາຍຮູບຫຼາຍ​ແບບ, ຍົກ​ຄວາມ​ສາມາດ​ຂອງ​ປະຊາຊົນ​ໃນ​ການ​ຮັບ​ມື​ສາ​ທາ​ລະ​ນະ​ສຸກ​ຄື ລີ້​ຄວາມ​ອັນຕະລາຍ ລີ້ໄພ ກອບ​ກູ້​​ໂດຍ​ຕົນ​ເອງ​ແລະ​ກອບ​ກູ້​ເຊິ່ງ​ກັນ​ແລະ​ກັນ​ເປັນ​ຕົ້ນ.