|
ໃນຫຼາຍປີມານີ້,ຜູ້ຟັງລາວຫຼາຍຄົນໄດ້ຕິດຕາມຮັບຟັງລາຍການຂອງພວກເຮົາໂດຍຕະຫຼອດ,ໃນນັ້ນ,ບາງຄົນໄປເຮັດວຽກຫຼືຮຽນຢູ່ຕ່າງປະເທດ,ແຕ່ຍັງບໍ່ລືມຮັບຟັງລາຍການຂອງພວກເຮົາ,ເຖິງວ່າຄື້ນວິທະຍຸCRIຢູ່ບາງປະເທດບໍ່ດີປານໃດ,ຟັງບໍ່ແຈ້ງດີ,ແຕ່ຜູ້ຟັງຂາປະຈຳຂອງCRIນັ້ນຍັງໄດ້ຕິດຕາມຮັບຟັງລາຍການຕະຫຼອດ,ຫຼືຮັບຟັງລາຍການຂອງພວກເຮົາດ້ວຍວິທີອື່ນໆ ຕົວຢ່າງ,ຟັງຢູ່ອິນເຕີເນັດເປັນຕົ້ນ,ນະທີ່ນີ້,ພວກເຮົາຂໍສະແດງຄວາມຂອບອົກຂອບໃຈຕໍ່ຜູ້ຟັງເຫຼົ່ານີ້ທີ່ເປັນແຟນລາຍການຢ່າໜຽວແໜ້ນ.
ຫວ່າງມໍ່ມານີ້,ພວກເຮົາໄດ້ຮັບຈົດໝາຍຂອງນ້ອງສອນພິມ ຈັນທະປັນຍາທີ່ຢູ່ບ້ານນາຫວານນ້ອຍ ເມືອງໄຊ ແຂວງອຸດົມໄຊ,ໃນຈົດໝາຍນ້ອງຂຽນວ່າ,"ປະຈຸບັນນີ້,ນ້ອງເອງໄດ້ໄປສຶກສາຮ່ຳຮຽນຢູ່ຫວຽດນາມໄດ້ 2 ປີແລ້ວ,ຍ້ອນວ່າພັກແລ້ງເປັນເວລາເດືອນປາຍ,ນ້ອງຈິ່ງມີໂອກາດຂຽນຈົດໝາຍມາລົມນຳພວກທ່ານ.ນ້ອງເອງຢູ່ປະເທດຫວຽດນາມກໍ່ຮັບຟັງລາຍການຕະຫຼອດ,ແຕ່ຢູ່ຫວຽດນາມມີຄື້ນລົບກວນຫຼາຍ,ບໍ່ແຈ້ງຄືຢູ່ລາວປານໃດ,ແຕ່ນ້ອງເອງຈະເຂົ້າຊົມເວັບໄຊຂອງ CRI,ມັນມີປະໂຫຍດຄວາມຮູ້ສາລະຕ່າງໆທັງໂລກພາຍໃນແລະພາຍນອກ."
ຂອບໃຈນ້ອງສອນພິມຫຼາຍໆທີ່ໄປຮຽນຢູ່ຕ່າງປະເທດແຕ່ກໍ່ຍັງຕິດຕາມຮັບຟັງລາຍການຂອງພວກເຮົາເປັນປົກກະຕິແລະໄດ້ຝາກຈົດໝາຍມາຍັງເຮົາອີກ.ພວກເຮົາມີມິດລາຍການ ຄືນ້ອງສອນພິມ,ພວກເຮົາຈິ່ງສາມາດເຮັດລາຍການໄດ້ຢ່າງຕໍ່ເນື່ອງນີ້ຄືຢາກຳລັງໃຈທີ່ດີທີ່ສຸດຂອງພະນັກງານCRI,ພ້ອມກັນນັ້ນ,ການສະໜັບສະໜູນຂອງຜູ້ຟັງຍິ່ງເຮັດໃຫ້ພວກເຮົາມີຄວາມໝັ້ນໃຈຕໍ່ວຽກງານຂຶ້ນຕື່ມ.ໃນຕອນທ້າຍຂອງລາຍການມື້ນີ້,ພວກເຮົາຂໍຈັດເພງມ່ວນໆເພງໜຶ່ງມອບໃຫ້ນ້ອງສອນພິມແລະຜູ້ຟັງທຸກທ່ານທີ່ພວມຟັງລາຍການຢູ່ຂະນະນີ້,ເພງນີ້ຊື່ວ່າ"ໄອ້ວໍເປຍຈີວ",ແປວ່າ"ຮັກຂ້ອຍຢ່າໄປ",ຫວັງວ່າຄົງຈະຖືກໃຈທ່ານ.
|
