|
ເຜົ່ານູ້ແມ່ນຊົນເຜົ່າສ່ວນໜ້ອຍທີ່ມີປະຊາກອນອ່າວໜ້ອຍເຜົ່າໜຶ່ງຂອງຈີນ,ຊົນເຜົ່ານີ້ສ່ວນຫຼາຍດຳລົງຊີວິດຢູ່ລຽບຕາມຮ່ອມໃຫຍ່ນ້ຳຮຸ່ງ.ແຫ່ງນັ້ນຢູ່ໃສກໍມີແຕ່ພູຜາປາດົງທີ່ສູງຊັນ,ການຄົມມະນາຄົມບໍ່ສະດວກທີ່ສຸດ.ສະນັ້ນ,ໃນໄລຍະດົນນານມານີ້,ການພັດທະນາຂອງເສດຖະກິດແລະສັງຄົມເຜົ່ານູ້ຫຼ້າຫຼັງຫຼາຍ.ຊູ່ມື້ນີ້,ຄອບຄົວເຜົ່ານູ້ຈຳນວນໜຶ່ງໄດ້ເຮັດທຸລະກິດ"ມ່ວນນຳບ້ານຊາວນາ"ໃຕ້ການອູ້ມຊູຂອງອຳນາດການປົກຄອງທ້ອງຖິ່ນ,ໄດ້ບຸກເບີກເສັ້ນທາງສ້າງລາຍໄດ້ໂດຍອາໄສການທ່ອງທ່ຽວ.
ຈາກຄຸນມິງທີ່ວ່າການແຂວງຢຸນນານ,ນັກຂ່າວໄດ້ຂີ່ລົດເມເກືອບ11ຊົ່ວໂມງຈິ່ງໄປຮອດເມືອງປົກຄອງຕົນເອງກົ້ງຊານເຜົ່ານູ້ແລະເຜົ່າຕູລົງເຊິ່ງມີເຜົ່ານູ້ໂຮມກັນຕັ້ງພູມລຳເນົາຢູ່.ຈາກນັ້ນ,ລົດເມໄດ້ແລ່ນຕາມຝັ່ງລຽບຮ່ອມໃຫຍ່ນ້ຳຮຸ່ງຊົ່ວໂມງປາຍ,ຈິ່ງໄປຮອດບ້ານເຈຍເຊິ່ງ.ເມື່ອລົດເມເຂົ້າບ້ານ,ນັກຂ່າວໄດ້ເຫັນ,ຢູ່ສອງຟາກທາງຫຼວງໃນບ້ານ,ເຮືອນໄມ້ເຜົ່ານູ້ທີ່ປຸກໃໝ່ໄດ້ລຽນກັນເປັນແຖວຢ່າງເປັນລະບຽບ,ໄດ້ຍິນສຽງເພງເຜົ່ານູ້ດັງມາຈາກເຮືອນເຫຼົ່ານີ້ຢ່າງບໍ່ຂາດສາຍ.
ເມື່ອຍ່າງເຂົ້າເຮືອນຂອງທ່ານລິວຢາງຫາຍ ຊາວບ້ານດັ່ງກ່າວ,ເຫັນລາວພວມຫຍຸ້ງຢູ່ນຳການບໍລິການແຂກຄົນທີ່ພວມຮັບປະທານອາຫານຢູ່.ນັກຂ່າວໄດ້ເຫັນ,ໃນຄອບຄົວຊາວພູດອຍທີ່ຫ່າງໄກສອກຫຼີກແຫ່ງນີ້,ມີເຄື່ອງໃຊ້ໃນເຮືອນທີ່ທັນສະໄໝໝົດທຸກຢ່າງເຊັ່ນໂທລະພາບສີ,ຕູ້ເຢັນ,ຈັກຊັກເຄື່ອງ,ຊຸດລຳໂພງແລະອື່ນໆ.ມັນຕ່າງກັນປານໜ້າມືເປັນຫຼັງມືເມື່ອທຽບກັບສະພາບທຸກຍາກຫຼ້າຫຼັງຂອງເຜົ່ານູ້ທີ່ນັກຂ່າວໄດ້ຮູ້ເມື່ອກ່ອນ.ທ່ານລິວຢາງໄຫບອກນັກຂ່າວວ່າ,ແຕ່ກ່ອນ,ຄອບຄົວເພິ່ນຈັ່ງແມ່ນທຸກຍາກຫຼາຍ.ຕັ້ງແຕ່ໄດ້ເຮັດທຸລະກິດ"ມ່ວນນຳບ້ານຊາວນາ"ແລ້ວ,ຊີວິດການເປັນຢູ່ນັບມື້ນັບດີຂຶ້ນ.
"ກ່ອນພັດທະນາການທ່ອງທ່ຽວຊົນເຜົ່າ,ຄອບຄົວຂ້ອຍມີລາຍໄດ້ໜ້ອຍ,ແຫຼ່ງລາຍໄດ້ກໍໜ້ອຍ,ມີແຕ່ອາໄສການເຮັດນາ,ລ້ຽງໄກ່ມາລ້ຽງກຸ້ມຄອບຄົວທໍ່ນັ້ນ,ຊີວິດການເປັນຢູ່ທຸກຍາກລຳບາກທີ່ສຸດ."
ຫົກປີກ່ອນ,ເພື່ອຊ່ອຍເຫຼືອເຜົ່ານູ້ໃຫ້ຫຼຸດພົ້ນອອກຈາກຄວາມທຸກຍາກ,ອົງການປົກຄອງທ້ອງຖິ່ນໄດ້ຕົກລົງນຳໃຊ້ທ່າແຮງຂອງນ້ຳຮຸ່ງ,ຄ້ຳຊູຊາວບ້ານທັງຫຼາຍພັດທະນາການທ່ອງທ່ຽວ.ໃຕ້ການສົ່ງເສີມຂອງທາງບ້ານ,ທ່ານລິວຢາງໄຫໄດ້ຢືມເງິນຈາກພີ່ນ້ອງແລະໝູ່ເພື່ອນ,ປຸກເຮືອນພັກຫຼາຍຫ້ອງ,ເຮັດທຸລະກິດ"ມ່ວນນຳບ້ານຊາວນາ".ຕັ້ງແຕ່ເຮັດທຸລະກິດດັ່ງກ່າວມານີ້,ນັກທ່ອງທ່ຽວທີ່ມາຈາກໃນເມືອງນັບມື້ນັບຫຼາຍຂຶ້ນ.ພວກເຂົາເຈົ້າມາກິນເຂົ້າເຜົ່ານູ້, ເບິ່ງການຟ້ອນລຳທຳເພງພື້ນເມືອງ.
ທ່ານລິວຢາງໄຫບອກນັກຂ່າວວ່າ,ແຕ່ເຮັດທຸລະກິດ6ປີມານີ້,ແຕ່ລະປີ,ຄອບຄົວຂອງລາວຢ່າງໜ້ອຍໄດ້ສ້າງລາຍໄດ້ເພີ່ມຂຶ້ນ1ໝື່ນຮອດ2ໝື່ນຢວນ.ບໍ່ພຽງແຕ່ໃຊ້ແທນໜີ້ສິນ,ທ່ານຍັງໄດ້ຊື້ເຄື່ອງໄຟຟ້າໃຊ້ໃນເຮືອນຫຼາຍຢ່າງ,ແລະຍັງມີເງິນສະສົມໄວ້ອີກຈຳນວນໜຶ່ງ.
1 2
|
