|
|
 |
| (GMT+08:00)
2006-08-23 14:19:07
|
 |
|
ຈີນຫວັງຮ່ວມກັນກັບຫວຽດນາມເລັ່ງລັດແກ້ໄຂບັນຫາຊາຍແດນ
cri
ຕາມຂ່າວCRI, ຈີນຫວັງຮ່ວມກັບຫວຽດນາມສຳເລັດວຽກງານສຳຫຼວດແລະປັກຫຼັກໝາຍຊາຍແດນທາງບົກຕາມເວລາກຳນົດຄືປີ2008.
ວັນທີ22ສິງຫາ, ທ່ານຫູຈີນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນກ່າວຕໍ່ທ່ານນົງດຶກແໝັ້ງ ເລຂາທິການໃຫຍ່ສູນກາງພັກກອມມູນິດຫວຽດນາມທີ່ມາຢາມວ່າ, ຫວັງໃຫ້ສອງປະເທດຖືຈິດໃຈຖືຜົນປະໂຫຍດລວມເປັນຫຼັກແລະປຶກສາຫາລືກັນຢ່າງມີໄມຕີຈິດ, ເລັ່ງລັດວຽກງານວັດແທກຊາຍແດນທາງບົກ, ແລະຊຸກຍູ້ການຂີດແບ່ງຊາຍແດນແລະການເຈລະຈາກ່ຽວກັບການພ້ອມກັນພັດທະນາເຂດທະເລຢູ່ນອກອ່າວພາກເໜືອຢ່າງໜັກແໜ້ນ, ຮັກສາບັນຍາກາດການຮ່ວມມືລະຫວ່າງສາມຝ່າຍຢູ່ທະເລຈີນໃຕ້ຄືຈີນ, ຫວຽດນາມແລະຟີລິບປິນ.
ທ່ານນົງດຶກແໝັ້ງກ່າວວ່າ, ຫວຽດນາມຈີນເພີ່ມທະວີການຮ່ວມມືດ້ວຍໄມຕີຈິດມີຜົນດີຕໍ່ການປົກປັກຮັກສາສັນຕິພາບ, ສະຖຽນລະພາບແລະການພັດທະນາຂອງໂລກກໍ່ຄືຂອງພາກພື້ນ.
ບັນຫາຊາຍແດນລະຫວ່າງຈີນກັບຫວຽດນາມລວມມີ3ດ້ານຄື: ຊາຍແດນທາງບົກ, ການຂີດແບ່ງອ່າວພາກເໜືອແລະຄວາມຂັດແຍ່ງກັນກ່ຽວກັບອະທິປະໄຕເໜືອູໝູ່ເກາະໜານຊ່າແລະເຂດທະເລທີ່ຢູ່ອ້ອມຫັ້ນພ້ອມດ້ວຍສິດທິຜົນປະໂຫຍດຂອງທາງທະເລເປັນຕົ້ນ. ປີ1999ສອງປະເທດໄດ້ເຊັນສັນຍາຊາຍແດນທາງບົກຢ່າງເປັນທາງການ. ປີ2000, ສອງປະເທດໄດ້ເຊັນ"ສັນຍາຂີດແບ່ງຊາຍແດນຢູ່ນ່ານທະເລ, ເຂດເສດຖະກິດສະເພາະແລະໄຫຼ່ທະວີບຂອງອ່າວພາກເໜືອ"ແລະ"ສັນຍາຮ່ວມມືດ້ານຂະແໜງການປະມົງຢູ່ອ່າວພາກເໜືອ"ຢ່າງເປັນທາງການ. ແຕ່ປີ1995ເປັນຕົ້ນມາ, ສອງປະເທດຍັງໄດ້ຈັດຕັ້ງໜ່ວຍຊ່ຽວຊານບັນຫາທາງທະເລ, ເພື່ອເຈລະຈາບັນຫາໝູ່ເກາະໜານຊ່າ. ສອງຝ່າຍເຫັນດີຜ່ານຈາກການປຶກສາຫາລືກັນຢ່າງມີໄມຕີຈິດຊອກຫາວິທີແກ້ໄຂທີ່ເໝາະສົມ, ພ້ອມກັນຊອກຫາຄວາມອາດສາມາດເປັນໄປໄດ້ໃນການຮ່ວມມືກັນດ້ານຕ່າງທ.
|
|
|
