|
|
 |
| (GMT+08:00)
2006-08-23 16:05:04
|
 |
|
ຜູ່ລອດຕາຍໃນເຫດການສັງຫານໂຫດທີ່ນານກິ່ງຊະນະໃນຄະດີກ່າວຟ້ອງນັກປະພັນຍີ່ປຸ່ນລ່ວງລ້ຳກຽດສັກສີ
cri
ຕາມຂ່າວສານຊິນຮວາ, ວັນທີ23ສິງຫາ,ສານເຂດສວນອູນະຄອນນານກິ່ງຈີນໄດ້ຕັດສິນຂັ້ນຕົ້ນວ່າ,ນາງເຊ້ຍຊູສິນ ຜູ່ລອດຕາຍຈາກເຫດການສັງຫານໂຫດທີ່ນານກິ່ງຊະນະໃນການກ່າວຟ້ອງນັກປະພັນຍີ່ປຸ່ນລ່ວງລ້ຳກຽດສັກສີຂອງນາງ.ນີ້ແມ່ນເທື່ອທຳອິດທີ່ສານຂອງຈີນຮັບແລະຕັດສິນຄະດີແພ່ງທີ່ພົວພັນກັບຕ່າງປະເທດ.
ສານດັ່ງກ່າວຕັດສິນວ່າ,ນັກປະພັນຍີ່ປຸ່ນ ສອງຄົນຄືທ່ານໂຊໂດຮິກາຊິນາຄາໂນແລະທ່ານໂທຊີໂອ ມາຊູມູລາພ້ອມດ້ວຍສຳນັກພິມຍີ່ປຸ່ນທີ່ພິມຈຳໜ່າຍບົດປະພັນຂອງພວກເຂົາຄວນຢຸດຕິການພິມຈຳໜ່າຍປຶ້ມທີ່ລ່ວງລ້ຳກຽດສັກສີຂອງນາງເຊ້ຍຊູສິນທີ່ເປັນຝ່າຍໂຈດນັ້ນໃນທັນທີ,ແລະເກັບຄືນແລະທຳລາຍປຶ້ມທີ່ໄດ້ຈຳໜ່ຍແລ້ວນັ້ນ,ພ້ອມທັງພິມຄຳຂໍໂທດລົງໜ້າສຳຄັນຂອງສື່ມວນຊົນສຳຄັນຂອງຈີນແລະຍີ່ປຸ່ນ,ແລະຈ່າຍຄ່າທົດແທນດ້ານຈິດໃຈໃຫ້ຝ່າຍໂຈດ1ລ້ານ6ແສນຢວນ.
ຄອບຄົວນາງເຊ້ຍຊູສິນມີ7ຄົນໄດ້ຖືກທະຫານຍີ່ປຸ່ນຂ້າຕາຍໃນໄລຍະກອງທະຫານຍີ່ປຸ່ນສັງຫານໂຫດທີ່ນານກິ່ງ,ໃນຄາວນັ້ນ,ນາງເຊ້ຍຊູສິນມີອາຍຸພຽງ8ປີໄດ້ລອດຕາຍ.ແຕ່ວ່າ,ປີ1998,ນັກປະພັນຍີ່ປຸ່ນສອງຄົນພັດຂຽນໃນປຶ້ມໜັງສືຂອງຕົນກ່ຽວກັບເຫດການສັງຫານໂຫດທີ່ນານກິ່ງວ່າ"ຜູ່ລອດຕາຍຈາກເຫດການສັງຫານໂຫດທີ່ນານກິ່ງເຊັ່ນນາງເຊ້ຍຊູສິນເປັນຕົ້ນແມ່ນສັກຂີພິຍານປອມແປງ"
|
|
|
