ຕາມ​ຂ່າວCRI, ວັນ​ທີ23​ສິງຫາ,​ໂຄສົກ​ລັດຖະບານ​ຮັກສາ​ການ​ຂອງ​ໄທ​ເປີດ​ເຜີຍ​ໃຫ້​ຮູ້​ວ່າ,​ແຜນ​ງົບ​ປະ​ມານ​ຊຸກ​ຍູ້​ການ​ສຶກ​ສາ​ພາ​ສາ​ຈີນ​ທີ່​ສະ​ເໜີ​ໂດຍ​ທ່ານ​ສຸ​ລະ​ກຽດ​ສະ​ຖຽນ​ໄທ ຮອງ​ນາ​ຍົກ​ລັດ​ຖະ​ມົນ​ຕີ​ລັດ​ຖະ​ບານ​ຮັກ​ສາ​ການ​ໄດ້​ຖືກ​ຮັບ​ຮອງ​ເອົາ​ໃນ​ກອງ​ປະ​ຊຸມ​ປະ​ຈຳ​ສັບ​ປະ​ດາ​ຂອງ​ລັດ​ຖະ​ບານ​ໄທ​ໃນ​ວັນ​ທີ​22​ສິງ​ຫາ.

ຕາມ​ແຜນ​ງົບປະມານ​ສະບັບ​ນີ້,​ໄທ​ຈະ​ໃຊ້​ງົບ​ປະ​ມານ​529​ລ້ານ​ບາດ​ໃນ​ໄລຍະ​ປີ2006​ຮອດ​ປີ2010,​ເພື່ອ​ໃຊ້​ເຂົ້າ​ໃນ​ການ​ຍົກ​ລະ​ດັບ​ການ​ສຶກ​ສາ​ພາ​ສາ​ຈີນ​ຂອງ​ຄົນ​ໄທ​ໃຫ້​ສູງ​ຂຶ້ນ,​ໃຫ້​ນັກ​ຮຽນ​ນັກ​ສຶກ​ສາ​ແລະ​ລັດ​ຖະ​ກອນ​ໄທ​ຮັບ​ການ​ສຶກ​ສາ​ພາ​ສາ​ຈີນ​ທີ່​ມີ​ຄຸນ​ນະ​ພາ​ບສູງ.

ນັບແຕ່​ໄທ​ກັບ​ຈີນ​ສ້າງສາ​ຍສຳພັນ​ທາງ​ການ​ທູດມາ​ເປັນ​ເວລາ31​ປີ​,ສອງ​ປະ​ເທດ​ໄປ​ມາ​ຫາ​ສູ່​ກັນ​ນັບ​ມື້​ນັບ​ຫຼາຍ​ຂຶ້ນ,​ສະ​ນັ້ນ,​ໄທ​ຕ້ອງ​ການ​ຜູ່​ຮູ້​ພາ​ສາ​ຈີນ​ຫຼາຍ​ຂຶ້ນ.