ຕາມ​ຂ່າວສານ​ຊິນ​ຮວາ,ພິທີ​ມອບ​ລາງວັນ​ນ້ຳ​ຊາວ​ໜຸ່ມ​ສະ​ຕົກ​ໂຄມ​ປີ​2006​ໄດ້​ຈັດ​ຂຶ້ນ​ຢູ່​ນະ​ຄອນ​ສະ​ຕົກ​ໂຄມ​ໃນ​ຕອນ​ຄ່ຳວັນ​ທີ22​ສິງຫາ, ທ້າວ​ເວິ​ງ​ເຈ ນາງ​ຊ່ຽວອີ​ແລະ​ທ້າວ​ວາງ​ຮ້າວ​(ແຕ່​ຊ້າຍ​ຈາກ​ຂວາ)​ນັກ​ຮຽນມັດທະຍົມທີ່​ມາ​ຈາກ​ໂຮງຮຽນ​ມັດ​ທະຍົມ​​ໂມ​ຟານນາງ​ຢ່າງ​ຊຽງ​ໄຮ້​ຈີນ​ໄດ້​ຮັບ​ລາງ​ວັນ​​ນ້ຳ​ຊາວ​ໜຸ່ມ​ຄັ້ງ​ນີ້.

ຕອນ​ຄ່ຳ​ມື້ດຽວ​ກັນ,​ເຈົ້າ​ຍິງ​ວິກ​ຕໍ​ເຣຍ​ເຈົ້າ​ຍິງ​ແຫ່ງຊູ​​ແອັດ​ຊົງໄດ້​ຕາງ​ໜ້າ​ກອງ​ທຶນ​ນ້ຳ​ສະ​ຕົກ​ໂຄມ​ມອບ​​ລາງວັນ​ໃຫ້​ນັກຮຽນ​ສາມ​ຄົນ​ນີ້.ພ້ອມ​ກັນ​ນັ້ນ, ເຂົາ​ເຈົ້າ​ຍັງ​ໄດ້​ຮັບ​ເງິນ​ລາງ​ວັນ​5000​ໂດ​ລາ​ໂລ້​ກຽດ​ຕິ​ຄຸນ.

ພາຍ​ໃຕ້​ການ​ຊີ້ນຳ​ຂອງຄູ​ອາຈານ,​ແຕ່​ທ້າຍ​ປີ2004​ເປັນ​ຕົ້ນ​ມາ,ນັກຮຽນ​ສາມ​ຄົນ​ນີ້​ໄດ້​ດຳ​ເນີນ​ການ​ຄົ້ນ​ຄວ້າ​ເຕັກ​ນິກ​ສັງ​ລວມ​ສຳ​ລັບ​ແມ່​ນ້ຳ​ໃນ​ຕົວ​ເມືອງ.​ໃນ​ຂະ​ນະ​ທີ່​ຮ່ຳ​ຮຽນ​ເຕັກ​ນິກ​ກ້າວ​ໜ້າ,​ເຂົ​າ​ເຈົ້າ​ຍັງ​ໄດ້​ສະ​ເໜີ​ແລະ​ປັບ​ປຸງ​ວິ​ທີ,​ອຸ​ປະ​ກອນ​ແລະ​ເຕັກ​ນິກ​ບຳ​ບັດ​ແມ່​ນ້ຳ,​ໄດ້​ເຮັດ​ໃຫ້​ທາດ​ນ້ຳ​ໃນ​ແມ່​ນ້ຳ​ສາວ​ຊີ​ທີ່​ຢູ່​ມໍ່​ໂຮງ​ຮຽນ​ຈາກ​ ​ທັງ​ດຳ​ທັງ​ເໝັນ​ກ່ອນ​ການ​ບຳບັດ​ກາຍ​ມາ​ເປັນ​ນ້ຳ​ໃສ​ສະ​ອາດ,​ອັນ​ໄດ້​ສະ​ໜອງ​ແຜນ​ການ​ບຳ​ບັດ​ນ້ຳ​ເປື້ອນ​ທີ່​ໃຊ້​ເງິນ​ໜ້ອຍ​ແຕ່​ມີ​ປະສິດທິ​ຜົນ​ຫຼາຍ​ໃຫ້​ແກ່​ຕົວ​ເມືອງທີ່​ມີນ້ຳ​ສາຍ​ນ້ອຍ.