|
ຫວ່າງມໍ່ໆມານີ້,ພວກເຮົາໄດ້ຮັບຈົດໝາຍຂອງນ້ອງຄຳໝັ້ນ ແສງທຸມມີທີ່ຢູ່ຄຸ້ມນາແຝງບ້ານໂພນງາມໃຕ້ ເມືອງແປກ ແຂວງຊຽງຂວາງ, ທ່ານຂຽນວ່າ, "ກ່ອນອື່ນ,ນ້ອງເອງກໍ່ຂໍໂທດນຳຫຼາຍໆທີ່ຂາດການຕິດຕໍ່ມາຫາພວກອ້າຍເອື້ອຍເປັນເວລາດົນນານພໍສົມຄວນ.ນ້ອງຍອມຮັບວ່າໃນໄລຍະທີ່ຜ່ານມານີ້,ນ້ອງມີວຽກຫຍຸ້ງຍາກຫຼາຍທີ່ສຸດຈົນບໍ່ມີເວລາຮັບຟັງຮອດວິທະຍຸເລີຍ."
ນ້ອງຄຳໝັ້ນແມ່ນມິດປະຈຳຂອງພວກເຮົາມາໂດຍຕະຫຼອດ,ເຖິງວ່າອາດຈະຄ່າວຽກຫຼາຍຈົນບໍ່ມີ່ເວລາຂຽນຈົດໝາຍມາຫາພວກເຮົາກໍ່ຕາມ,ແຕ່ພວກເຮົາບໍ່ຫ່ອນຈະລືມນ້ອງຈັກເທື່ອ,ທະແນມແຕ່ນ້ອງຍັງຖືວ່າວິທະຍຸCRIແມ່ນໝູ່ເພື່ອນຂອງນ້ອງ,ມີເວລາຫວ່າງກໍ່ຕິດຕໍ່ກັບພວກເຮົາແດ່,ເພື່ອສະແດງຄວາມຄິດຄວາມເຫັນ,ພວກເຮົາກໍ່ຍິນດີຕ້ອນຮັບ,ເພາະວ່າພວກເຮົາເປັນໝູ່ເພື່ອນເຊິ່ງກັນແລະກັນ,ແມ່ນບໍ່?
ໃນຈົດໝາຍ,ທ່ານຄຳໝັ້ນຂຽນວ່າ, "ໃນໄລຍະທີ່ຜ່ານມານີ້,ນ້ອງເອງກໍ່ໄດ້ສົ່ງຂໍ້ຄວາມສັ້ນເປັນພາສາອັງກິດມາເຖິງພວກອ້າຍເອື້ອຍ,ນ້ອງຢາກຖາມວ່າ,ຖ້າຫາກນ້ອງສົ່ງຂໍ້ຄວາມສັ້ນເປັນພາສາຈີນມາຊິໄດ້ບໍ່？ແລະນ້ອງກໍ່ໄດ້ທົດລອງສົ່ງມາຄັ້ງໜຶ່ງແລ້ວ,ເພາະນ້ອງຢາກຝຶກຮຽນພາສາຈີນນຳແດ່ຊິໄດ້ຢູ່ບໍ່?"
ພວກເຮົາຮູ້ສຶກດີໃຈຫຼາຍທີ່ນ້ອງຄຳໝັ້ນສົນໃຈນຳການຮຽນພາສາຈີນ,ຖ້າວ່າຂຽນພາສາຈີນໄດ້,ໃຫ້ຮີບຟ້າວາສົ່ງຂໍ້ຄວາມສັ້ນໃຫ້ມາໂລດ,ພວກເຮົາຍິນດີຕ້ອນຮັບແທ້ໆ.ນອກນີ້,ຖ້າວ່າທ່ານຢາກເຂົ້າຮ່ວມການເສັງຄວາມຮູ້ຂອງວິທະຍຸCRI,ແຕ່ໄດ້ພາດລາຍການຂອງພວກເຮົາ,ເຊີນເຂົ້າເບິ່ງເວັບໄຊຂອງທີ່ຊື່ວ່າla.chinabroadcast.cn,ທ່ານສາມາດໄດ້ຮັບຄຳຕອບໃນເວັບໄຊ,ຖ້າວ່າທ່ານໃຊ້ອິນເຕີເນັດບໍ່ໄດ້,ກໍ່ເຊີນຝາກຈົດໝາຍມາຍັງພວກເຮົາ,ພວກເຮົາຈະຝາກເອກະສານກ່ຽວກັບການເສັງຄວາມຮູ້ເທື່ອນີ້ໃຫ້ທ່ານ,ເພື່ອອຳນວຍຄວາມສະດວກໃຫ້ທ່ານເຂົ້າຮ່ວມການເສັງຄວາມຮູ້.
ພວກເຮົາຂໍຈັດເພງມ່ວນໆເພງໜຶ່ງມອບໃຫ້ຜູ້ຟັງທຸກທ່ານທີ່ພວມຟັງລາຍການຢູ່ໃນຂະນະນີ້,ເພງນີ້ຊື່ວ່າ"ທ້າຍເໝີຍລີ້",ແປວ່າ"ງາມຈັບໃຈ",ອວຍພອນໃຫ້ທ່ານຈົ່ງສຸກສະບາຍໃຈໃນທຸກເວລາ.
|
