|
|
 |
| (GMT+08:00)
2006-08-24 15:26:15
|
 |
|
ຈີນສິງກະໂປຈະເພີ່ມການຮ່ວມມືໃນຂົງເຂດຕ້ານການກໍ່ການຮ້າຍ ຕ້ານປະຕິບັດກົດຫມາຍແລະຕຸລາການ
cri
Author: sayvanny
ຕາມຂ່າວສານຊີນຮວາ: ຈີນກັບສິງກະໂປຈະເພີ່ມທະວີການຮ່ວມມືໃນຂົງເຂດຕ້ານການກໍ່ການຮ້າຍ ການປະຕິບັດກົດຫມາຍແລະຕຸລາການ.
ວັນທີ 24 ສິງຫາ,ຢູ່ປັກກິ່ງ, ໃນເວລາພົບປະກັບທ່ານອົງກັນເຊັງ ຮອງ ນາຍົກລັດຖະມົນຕີການສິງກະໂປ, ທ່ານໂຈ່ວຢົງຄາງ ທີ່ປຶກສາແຫ່ງລັດຈີນທັງເປັນລັດຖະມົນຕີວ່າການກະຊວງປ້ອງກັນຄວາມສະຫງົບຂອງຈີນເວົ້າວ່າ, ຈີນກັບສິງກະໂປໄດ້ປະສານງານແລະປະສານສົມທົບກັນເປັນຢ່າງດີໃນວຽກງານສາກົນແລະພາກພື້ນ.ສອງຝ່າຍເພີ່ມທະວີການຮ່ວມມືດ້ານຄວາມປອດໄພໂດຍສະເພາະໃນດ້ານຕ້ານການກໍ່ການຮ້າຍ, ຕໍ່ຕ້ານອາຊະຍາກຳຂ້າມຊາດ,ຕໍ່ຕ້ານການເຂົ້າເມືອງແບບຜິດກົດຫມາຍແລະຮັກສາຄວາມປອດໄພເທິງທະເລເປັນຕົ້ນ, ເຊິ່ງຈະມີປະໂຫຍດຕໍ່ການຮັກສາຄວາມປອດໄພໃຫ້ແກ່ປະຊາຊົນຂອງສອງປະເທດແລະຂອງພາກພື້ນນີ້.ທ່ານຍັງເວົ້າວ່າ, ຝ່າຍຈີນຍ້ອງຍໍສິງກະໂປໄດ້ຍຶດຫມັ້ນນະໂຍບາຍຈີນດຽວ,ແລະຄັດຄ້ານໄຕ້ຫວັນເປັນເອກະລາດ.
ທ່ານວົງກັນເຊັງເວົ້າວ່າ, ຈີນທີ່ເຂັ້ມແຂງ ຈະເລີນຮຸ່ງເຮືອງແລະມີສະຖຽນລະພາບມີແມ່ນມີຜົນດີຕໍ່ພາກພື້ນແລະທົ່ວໂລກ.ສິງກະໂປຍິນດີພ້ອມກັບຝ່າຍຈີນເພີ່ມທະວີການຮ່ວມມືໃນຂົງເຂດຕ້ານການກໍ່ການຮ້າຍ ການປະຕິບັດກົດຫມາຍແລະຕຸລາການ, ເພື່ອປົກປັກຮັກສາຄວາມປອດໄພແລະສະຖຽນລະພາບຂອງສອງປະເທດກໍ່ຄືຂອງພາກພື້ນ.
|
|
|
