|
ໃນໄລຍະຜ່ານມາຈົນຮອດປັດຈຸບັນ,ລາຍການພາສາລາວຂອງວິທະຍຸCRIໄດ້ຮັບການສະໜັບສະໜູນແລະຄວາມຮັກແພງຈາກຜູ້ຟັງລາວອັນໄພສານ,ໃນນັ້ນ,ມີຫຼາຍຄົນເຮັດວຽກຢູ່ວິທະຍຸໂທລະພາບລາວ,ຄຽງຄູ່ກັບການຮ່ວມມືລະຫວ່າງສື່ມວນຊົນຈີນກັບລາວນັບມື້ນັບກ້າວລົງສູ່ລວງເລິກ,ການຮ່ວມມືລະຫວ່າງວິທະຍຸCRIກັບວິທະຍຸແຫ່ງຊາດລາວກໍ່ໄດ້ນັບມື້ນັບແໜ້ນແຟ້ນກວ່າເກົ່າ.ປັດຈຸບັນ,ນາງຈັນວັນເພັງຜູ້ລາຍງານຂ່າວຂອງວິທະຍຸCRIພວກເຮົາຢູ່ລາວນັ້ນກໍ່ແມ່ນໂຄສົກແລະນັກຂ່າວຂອງພະແນກຂ່າວແລະບົດຂອງວິທະຍຸແຫ່ງຊາດລາວ,ສ່ວນຜູ້ດຳເນີນລາຍການຢູ່ໃນຂະນະນີ້ກໍ່ເຄີຍເປັນຫົວໜ້າພະແນກຂ່າວແລະບົດຂອງສະຖານີວິທະຍຸແຫ່ງຊາດລາວ,ດຽວນີ້,ເຮັດວຽກຢູ່ວິທະຍຸCRIໃນນາມຜູ້ຊ່ຽວຊານຕ່າງປະເທດ.ເວົ້າໄດ້ວ່າ,ການແລກປ່ຽນແລະການຮ່ວມມືດ້ານພະນັກງານລະຫວ່າງວິທະຍຸCRIກັບວິທະຍຸແຫ່ງຊາດລາວໄດ້ຊຸກຍູ້ວິທະຍຸຂອງສອງປະເທດຮ່ວມມືກັນຢ່າງໃກ້ຊິດແລະກວ້າງຂວາງກວ່າເກົ່າ.ຫວ່າງມໍ່ໆມານີ້,ໂຄງການຮ່ວມມືວິທະຍຸFMຈີນ-ລາວໄດ້ເລິ່ມກໍ່ສ້າງຢູ່ທີ່ນະຄອນຫຼວງວຽງຈັນ,ອີງຕາມສັນຍາລະຫວ່າງສອງຝ່າຍ,ຈີນຈະລົງທຶນສ້າງສະຖານີເຄື່ອງສົ່ງວິທະຍຸFMແຫ່ງໜຶ່ງຢູ່ວຽງຈັນ,ເພື່ອອອກອາກາດລາຍການຂອງວິທະຍຸCRI,ນີ້ເປັນບາດກ້າວໃໝ່ຂອງການຮ່ວມມືລະຫວ່າງສື່ມວນຊົນຈີນກັບລາວ ກໍ່ຄືລະຫວ່າງວິທະຍຸສາກົນແຫ່ງປະເທດຈີນກັບວິທະຍຸກະຈາຍສຽງແຫ່ງຊາດລາວ,ເຊື່ອວ່າເມື່ອສະຖານີວິທະຍຸFMຢູ່ວຽງຈັນໄດ້ສ້າງສຳເລັດແລ້ວ,ສອງຝ່າຍລ້ວນແຕ່ຈະໄດ້ຮັບຜົນປະໂຫຍດຮ່ວມກັນ.
ເນື່ອງໃນໂອກາດທີ່ການຮ່ວມມືລະຫວ່າງວິທະຍຸສອງແຫ່ງດັ່ງກ່າວລົງເລິກຕື່ມອີກ,ໂດຍຕອບສະໜອງຄຳເຊື້ອເຊີນຂອງກະຊວງການຄ້າຈີນແລະກົມໃຫຍ່ວິທະຍຸ ຮູບເງົາແລະໂທລະພາບແຫ່ງຊາດຈີນ,ຂະນະນີ້,ທ່ານສີພາ ນົງລາດ ຫົວໜ້າ ສະຖານີວິທະຍຸສະຈາຍສຽງແຫ່ງຊາດລາວກໍ່ພອມເຂົ້າຮ່ວມການສຳມະນາກ່ຽວກັບການຄຸ້ມຄອງບໍລິຫານລະບົບການກະຈາຍສຽງວິທະຍຸແລະໂທລະພາບສຳລັບພະນັກງານບໍລິຫານ,ໃນໄລຍະການສຳມະນາ,ທ່ານກໍ່ໄດ້ມາຢາມວິທະຍຸCRI,ແລະໄດ້ໃຫ້ສຳພາດຕໍ່ນັກຂ່າວພວກເຮົາ,ໃນລາຍການມື້ນີ້,ພວກເຮົາມາພ້ອມກັນຟັງຄວາມເຫັນຂອງທ່ານສີພາກ່ຽວກັບການສຳມະນາເທື່ອນີ້ແລະບັນຫາຕ່າງໆທີ່ກ່ຽວຂ້ອງ.
(ສຽງ1)
ເມື່ອເວົ້າເຖິງຜົນງານໃນການສຳມະນາເທື່ອນີ້,ທ່ານສີພາ ນົງລາດກ່າວວ່າ,ໂດຍຜ່ານການສຳມະນາເທື່ອນີ້,ໄດ້ຮັບບົດຮຽນອັນກ້າວໜ້າຈາກຫຼາຍປະເທດ,ນີ້ມີຜົນດີຕໍ່ການປັບປຸງວຽກງານວິທະຍຸໂທລະພາບຂອງລາວ.ທ່ານເວົ້າວ່າ,
(ສຽງ2)
ທ່ານສີພາຍັງໄດ້ຢືນຢັນຕໍ່ການພົວພົນຮ່ວມມືອັນດີງາມລະຫວ່າງວິທະຍຸແຫ່ງຊາດລາວກັບວິທະຍຸCRIຢ່າງເຕັມທີ່,ແລະມີຄວາມໝັ້ນໃຈອັນເຕັມປ່ຽມຕໍ່ໝາກຜົນທີ່ຈະໄດ້ຮັບໃນໂຄງການຮ່ວມມືວິທະຍຸFMຈີນລາວ.ທ່ານເວົ້າວ່າ,
(ສຽງ3)
ທ່ານສີພາຍັງເຫັນວ່າການຮ່ວມມືລະຫວ່າງສື່ມວນຊົນຈີນກັບລາວຈະຊຸກຍູ້ການພົວພັນແບບຄູ່ຮ່ວມມືຈີນ-ອາຊຽນໃຫ້ຂະຫຍາຍຕົວ,ທ່ານເວົ້າວ່າ,
(ສຽງ4)
.
|
