|
|
 |
| (GMT+08:00)
2006-08-24 18:31:26
|
 |
|
ຈີນແມ່ນປະເທດໜຶ່ງທີ່ວິສາຫະກິດເອີລົບນິຍົມກັນລົງທຶນການຄົ້ນຄວ້າພັດທະນາເຕັກນິກ
cri
ຕາມຂ່າວສານຊິນຮວາ,ບົດລາຍງານຂອງການສຳຫຼວດສະບັບໜຶ່ງທີ່ຄະນະກຳມາທິການສະຫະພາບເອີລົບປະກາດໃນວັນທີ23ສິງຫາສະແດງໃຫ້ເຫັນວ່າ,ຍ້ອນມີຕະຫຼາດບໍລິໂພກອັນກວ້າງຂວາງແລະຊັບພະຍາກອນມະນຸດອັນອຸດົມສົມບູນແຕ່ຕົ້ນທຶນຕ່ຳ,ຈີນໄດ້ກາຍເປັນສະຖານແຫ່ງໜຶ່ງຢູ່ນອກເອີລົບແລະອາເມລິກາທີ່ວິສາຫະກິດເອີລົບມັກເລືອກເອົາກ່ອນໝູ່ເພື່ອມາລົງທຶນໃນດ້ານການຄົ້ນຄວ້າພັດທະນາເຕັກນິກ.
ຕາມບົດລາຍງານທີ່ພາດຫົວເລື່ອງວ່າ"ບົດສຳຫຼວດທ່າອ່ຽງການລົງທຶນຄົ້ນຄວ້າພັດທະນາເຕັກນິກດ້ານທຸລະກິດສຳລັບ10ພະແນກຂອງສະຫະພາບເອີລົບປີ2005",ຢູ່ນອກເອີລົບ,ແມ່ນອາເມລິກາຖືກຖືເປັນສະຖານທີ່ດີທີ່ສຸດແຫ່ງການລົງທຶນຄົ້ນຄວ້າພັດທະນາເຕັກນິກ,ທ່າແຮງຂອງອາເມລິກາແມ່ນມີອົງການຄົ້ນຄວ້າວິທະຍາສາດແລະບໍລິສັດວິທະຍາສາດເຕັກນິກສູງຫຼວງຫຼາຍແລະກໍມີຕະຫຼາດອັນໃຫຍ່ຫຼວງ.ຈີນແລະອິນເດຍເປັນທີສອງແລະທີສາມ,ທ່າແຮງລວມຂອງສອງປະເທດນີ້ແມ່ນມີຊັບພະຍາກອນມະນຸດທີ່ຕົ້ນທຶນຕ່ຳຫຼາຍ.
|
|
|
