|
ຢູ່ຊານເມືອງຊີ່ອ່ານແຂວງສານຊີ່ທາງພາກຕາເວັນຕົກສຽງເໜືອຂອງຈີນ,ແຫຼ່ງກະສິກຳຊີວະພາບແລະສວນທ່ຽວຊົມດອກໄມ້ແຫ່ງຕ່າງໆ,ໄດ້ດູດດຶງຄົນໃນຕົວເມືອງໄປທ່ຽວດ້ວຍສະເໜທີ່ມີເອກະລັກພິເສດໃນດ້ານພັດຜ່ອນຢ່ອນອາລົມແລະທັດສະນາຈອນ.ຂະແໜງການກະສິກຳທີ່ໄດ້ໂຮມສູນການທ່ອງທ່ຽວແລະຊີວະພາບໃຫ້ເປັນອັນໜຶ່ງອັນດຽວກັນ,ເຫຼົ່ານີ້ໄດ້ສະແດງໃຫ້ເຫັນໃບໜ້າໃໝ່ຂອງກະສິກຳຕົວເມືອງ.
ນັກຂ່າວໄດ້ເຫັນແຫຼ່ງທີ່ເປັນແບບຢ່າງກະສິກຳເບື້ອງຕົ້ນຈຳນວນໜຶ່ງຢູ່ອ້ອມແອ້ມເມືອງຊີ່ອ່ານວ່າ,ເມື່ອຮອດວັນບຸນວັນພັກ,ນິຄົມຊາວກະສິກອນຂະໜາດໃຫຍ່ແລະກາງທີ່ເຕັມໄປດ້ວຍສີສັນຊົນນະບົດ,ແລະ"ບຸນເດັດໝາກໄມ້ປະເພດຕ່າງໆ" ໄດ້ດູດດຶງຄົນໃນຕົວເມືອງຢ່າງຫຼວງຫຼາຍ.ກະສິກຳຕົວເມືອງທີ່ຖືກະສິກຳສີສັນພິເສດແລະກະສິກຳທ່ຽວຊົມເປັນຕົວແທນ,ໄດ້ເອົາຊັບພະຍາກອນກະສິກຳແລະການທ່ອງທ່ຽວເພື່ອພັກຜ່ອນຢ່ອນອາລົມປະສານສົມທົບກັນຢ່າງສະຫຼາດຫຼັກແຫຼມ,ຄົນຕົວເມືອງໄປທ່ຽວຢູ່ແຫ່ງນີ້,ຊີມອາຫານປອດສານເຄມີໃນທ່າມກາງສົມເຢັນເຂດພູເຂົາ,ແລະຊົມເບິ່ງພາບວິວທິວທັດນາສວນທີ່ກວ້າງສຸດສາຍຕາ.ຊາວກະສິກອນສະໜອງຜະລິດຕະພັນແລະການບໍລິການທີ່ອຸດົມສົມບູນໃຫ້ແກ່ຄົນໃນເມືອງ,ໃນຂະນະດຽວກັນເຂົາເຈົ້າກໍ່ນັບມື້ນັບຮ່ງມີຂຶ້ນ.
ນິຍາມ"ກະສິກຳ ຕົວເມືອງ"ແມ່ນນັກເສດຖະສາດຈຳນວນໜຶ່ງຂອງອາເມລິກາໄດ້ສະເໜີອອກມາກ່ອນໝູ່ໃນຊຸມປີ1950ແລະ1960.ການຜະລິດ,ຈໍລະຈອນແລະບໍລິໂພກຂອງກະສິກຳຕົວເມືອງລ້ວນແຕ່ຖືການບໍລິການຕົວເມືອງເປັນໜ້າທີ່ສຳຄັນກວ່າໝູ່.ທ່ານຈ່າງສວນໂຮ້ ຮອງຫົວໜ້າສຳນັກງານຄົ້ນຄວ້າວິທະຍາສາດກະສິກຳຂອງເມືອງຊີ່ອ່ານ,ເຫັນວ່າ,ກະສິກຳຕົວເມືອງແມ່ນຕົວແບບໃໝ່ຂອງກະສິກຳຍຸກປະຈຸບັນ,ແມ່ນການກ້າວກະໂດດໃໝ່ຂອງກະສິກຳດັ້ງເດີມ.
"ກະສິກຳຕົວເມືອງໄດ້ສຳເລັດການກ້າວກະໂດດໃໝ່ຈາກກະສິກຳດັ້ງເດີມຫາກະສິກຳຍຸກປະຈຸບັນ,ຈຸດພົ້ນເດັ່ນກວ່າໝູ່ແມ່ນມັນໄດ້ເລັ່ງລັດຂະບວນວິວັດຫັນເປັນຜະລິດຕະກຳຂອງກະສິກຳ."
ໃນດ້ານເນື້ອໃນ,ແລ້ວກະສິກຳຕົວເມືອງລວມທັງກະສິກຳການທ່ອງທ່ຽວແລະກະສິກຳຊີວະພາບ,ຈຸດພິເສດຂອງມັນກໍແມ່ນບໍ່ພຽງແຕ່ສະໜອງຜະລິດຕະພັນໃຫ້ຕົວເມືອງເທົ່ານັ້ນ,ຍິ່ງສຳຄັນກວ່ານັ້ນແມ່ນສະໜອງສະຖານທີ່ພັກຜ່ອນຢ່ອນອາລົມແລະລື່ນເລີງຊະນິດໜຶ່ງແລະສະໜອງສິ່ງແວດລ້ອມພັກຜ່ອນຢ່ອນອາລົມອັນສົດຊື່ນໃຫ້ແກ່ຊາວເມືອງ.
ກະສິກຳຕົວເມືອງໄດ້ຊອກພົບຈຸດຄົບທີ່ດີກວ່າໝູ່ໃຫ້ຕົວເມືອງແລະຊົນນະບົດ,ຊາວກະສິກອນແລະຊາວເມືອງ,ເຮັດໃຫ້ກະສິກຳທີ່ເປັນຜະລິດຕະກຳພື້ນຖານໄດ້ມີພະລັງຊີວິດອັນໃໝ່,ແລະກໍ່ໄດ້ສ້າງລາຍຮັບທີ່ຫຼາຍກວ່າເກົ່າ.ສວນໝາກຄາຍທີ່ມີເນື້ອທີ່1ພັນກວ່າເຮັກຕາຂອງເຂດໄວ້ຢ່າງເມືອງຊີ່ອ່ານຖືກເອີ້ນເປັນ"ສວນດອກໄມ້ຫຼັງບ້ານ"ຂອງໄມເມືອງຊີ່ອ່ານ,ລະດູໃບໄມ້ປົ່ງແຕ່ລະປີ,ດອກຄາຍບານເຮືອງ,ມີນັກທ່ອງທ່ຽວມາທ່ຽວຊົມຢ່າງໜາຫູໜາຕາ,ຈັ່ງແມ່ນຟົດຟື້ນທີ່ສຸດ.ທ່ານຮວາງສຽວ ຮອງຫົວໜ້າຂອງສະຖານີປ່າໝາກໄມ້ຂອງເຂດໄວ້ຢ່າງເວົ້າວ່າ:
"ເຂດໄວ້ຢ່າງເລີ່ມພັດທະນາສວນໝາກຄາຍແຕ່ປີ1986,ປັດຈຸບັນໄດ້ຂະຫຍາຍເນື້ອທີ່ໜຶ່ງພັນຫວ່າເຮັກຕາແລ້ວ.ໃນຫຼາຍປີມານີ້,ໝາກຄາຍຂາຍດິບຂາຍດີ,ແຕ່ລະມູ່ລ້ວນແຕ່ມີມູນຄ່າການຜະລິດປະມານ5ພັນຢວນ,ອັນດີທີ່ສຸດມີລາຄາເຖີງ7ພັນຫາ8ພັນຢວນ.ໃນຫຼາຍປີມານີ້,ປີໃດກໍ່ໄດ້ຈັດບຸນດອກໝາຍຄາຍແລະບຸນເດັດໝາກໄມ້,ດູດດຶງຄົນໃນເມືອງຊີ່ອ່ານຢ່າງຫຼວງຫຼາຍມາທ່ຽວຊົມດອກຄາຍຢູ່ເຂດໄວ້ຢ່າງ,ໄດ້ຊຸກຍູ້ການພັດທະນາການທ່ອງທ່ຽວຊົນນະບົດຂອງເຂດໄວ້ຢ່າງ."
ກະສິກຳດັ້ງເດີມເຊື່ອມໂຍງກັບວິທະຍາສາດເຕັກນິກແລະທັດສະນະຄະຕິໃໝ່,ບວກກັບການລົງທຶນຈຳນວນໜຶ່ງ,ໄດ້ສ້າງປະສິດທິຜົນຢ່າງບໍ່ນຶກບໍ່ຝັນ.ເມືອງນ້ອຍຕ່າງໆຢູ່ຊານເມືອງໄກຊີ່ອ່ານທີ່ຕັ້ງຢູ່ທົ່ງພຽງພາກຕາເວັນຕົກສຽງເໜືອຂອງຈີນມີພູມສັນຖານຮາບພຽງດີ,ມີດິນດຳນ້ຳຊຸ່ມ,ແຕ່ວ່າ,ສະພາບການຜະລິດກະສິກໍາດັ້ງເດີມທີ່ບໍ່ເຄີຍປ່ຽນແປງໃນຫຼາຍພັນຫຼາຍຮ້ອຍປີບໍ່ໄດ້ເຮັດໃຫ້ຄົນຢູ່ແຫ່ງນີ້ມີຊີວິດການເປັນຢູ່ທີ່ຮັ່ງມີສີສຸກ.ໃນເວລາທີ່ກະແສຟອງຫັນກະສິກຳເປັນທັນສະໄໝມາເຖິງນີ້,ສວນແບບຢ່າງກະສິກໍາທ່ຽວຊົມຂອງເມືອງຊີ່ອ່ານກໍກໍາເນີດເກີດຂຶ້ນ.ປັດຈຸບັນ,ກະສິກໍາຕົວເມືອງແບບໃໝ່ຂອງເມືອງຊີ່ອ່ານເລີ່ມຈະເລີນຂຶ້ນ,ກະສິກໍາຊີວະພາບແລະກະສິກຳຍອດຢ້ຽມໄດ້ມີປະສິດທິຜົນໃນເບື້ອງຕົ້ນ,ຊາວກະສິກອນທີ່ຫຼັງສູ້ຟ້າໜ້າສູ້ດິນໄດ້ຮັບຜົນປະໂຫຍດຈາກກະສິກໍາຊີວະພາບແລະກະສິການຍອດຢ້ຽມຢ່າງບໍ່ຮູ້ສຶກຕົວ.
ຢູ່ຊານເມືອງຊີ່ອ່ານມີບ້ານແຫ່ງໜຶ່ງຊື່ວ່າຊີບາຊີໄດ້ໃຊ້ຝຸ່ນທຳມະຊາດມາຜະລິດໝາກໂມໝົດ,ໝາກໂມຊະນິດນີ້ຫວານທີ່ສຸດ,ຂາຍດິບຂາຍຕີຢູ່ຕະຫຼາດເມືອງຊີ່ອ່ານ.ທ່ານກົງຄ່າງໄຮ້ ນາຍບ້ານກ່າວວ່າ:
"ນັບແຕ່ກ້າເບັ້ຍຂອງໝາກໂມຈົນຮອດເວລາສຸກງອມ,ທາງບ້ານໄດ້ຕິດຕາມກວດກາຕະຫຼອດ,ໄດ້ໃສ່ຝຸ່ນທຳມະຊາດໝົດ,ການພົ່ນຢາກໍແມ່ນຢາທີ່ປອດຈາກສະທ້ອນຕ່າງໆ.
ຍ້ອນວ່າໄດ້ໃຊ້ວິທີປູກຕາມຫຼັກວິທະຍາສາດ,ຄວາມຫວານຂອງໝາກໂມທີ່ບ້ານນີ້ຜະລິດນັ້ນສູງກວ່າໝາກໂມຊະນິດທຳມະດາຢ່າງເດັ່ນຊັດ.ຊາວບ້ານກໍໄດ້ຮັບລາຍໄດ້ຢ່າງຫຼວງຫຼາຍ,ລາຍໄດ້ຈາກການປູກໝາກໂມຂອງແຕ່ລະຄອບຄົວຫຼາຍກວ່າ1ໝື່ນຢວນຕໍ່ປີ.
ກະສິກຳຕົວເມືອງແບບຊີວະພາບທີ່ມີເນື້ອໃນວິທະຍາສາດເຕັກນິກສູງໄດ້ເຮັດໃຫ້ຊາວກະສິກອນນັບມື້ນັບຮັ່ງມີຂຶ້ນ,ພ້ອມກັນນັ້ນກໍໄດ້ຊຸກຍູ້ໃຫ້ອົງການຈັດຕັ້ງສື່ກາງກະສິກຳຈໍ່ຕົວຂຶ້ນ.ຍ້ອນວ່າຖ້າຢາກຕອບສະໜອງຄວາມຕ້ອງການຂອງຕະຫຼາດຕົວເມືອງຢ່າງພຽງພໍກໍຕ້ອງອອກແຮງພັດທະນາອົງການຈັດຕັ້ງເສດຖະກິດຮ່ວມມືຊົນນະບົດ,ທຳລາຍການຈຳກັດທີ່ຜະລິດແລະທຸລະກິດ,ຈັດຕັ້ງຊາວກະສິກອນຜະລິດສິນຄ້າກະສິກເປັນທີ່ໄດ້ມາດຖານແລະຮັບປະການຄຸນນະພາບ.ສະນັ້ນ,ສະມາຄົມວິຊາສະເພາະກະສິກຳໄດ້ພັດທະນາຂຶ້ນຢ່າງວ່ອງໄວປານດອກເຫັດໃນຍາມຝົນ.
ຕາມໄດ້ຊາບ,ເພື່ອສະໜັບສະໜູນແລະຮັບປະກັນເຂດຊານເມືອງແລະເມືອງນ້ອຍທີ່ໄກຈາກເຂດຊານເມືອງ,ຫວ່າງມໍ່ໆນີ້,ເມືອງຊີ່ອ່ານໄດ້ສ້າງຕັ້ງແລະບູລະນະກົນໄກລົງທຶນກະສິກຳຫັນເປັນຫຼາຍເຄົ້າໃຫ້ສົມບູນຂຶ້ນ.ປີນີ້,ການເງິນຂອງເມືອງຊີ່ອ່ານໄດ້ຈັດວາງທຶນກະສິກໍາພິເສດ50ລ້ານຢວນ,ແຕ່ປີ2007ຫາປີ2010ແຕ່ລະປີຈະຈັດວາງທຶນພິເສດ60ລ້ານຢວນເຂົ້າໃນການສ້າງສາກະສິກຳຕົວເມືອງ.
ພາຍໃຕ້ການຄ້ຳຊູຂອງການເງິນແລະການທະນາຄານ,ປັດຈຸບັນ,ເມືອງຊີ່ອ່ານໄດ້ສ້າງແຫຼ່ງແບບຢ່າງກະສິກຳທີ່ມີເນື້ອທີ່ຫຼາຍແສນເຮັກຕາ,ມີວິສາຫະກິດກະສິກຳ9ແຫ່ງທີ່ມີມູນຄ່າການຜະລິດຕໍ່ປີ100ລ້ານຢວນຂຶ້ນໄປ,ມີ5ແສນຄອບຄົວຊາວກະສິກອນເຂົ້າຮ່ວມ,ໄດ້ສ້າງຍີ່ຫໍ້ຜະລິດຕະພັນກະສິກຳທີ່ມີຊື່ສຽງແລະມີຄວາມສາມາດແຂ່ງຂັນໃນຕາຫຼາດຈີນແລະຕ່າງປະເທດ,ກະສິກຳຕົວເມືອງພວມກາຍເປັນທາງທີ່ຕ້ອງຜ່ານຄືຈາກກະສິກຳແບບຊານເມືອງໄປເປັນທັນສະໄໝ.
|
