ຕາມ​ຂ່າວສານ​ຊິນ​ຮວາ: ວັນ​ທີ 28 ສິງຫາ ຜົນ​ການຄົ້ນຄວ້າວັກ​ແຊງ​ໄຂ້ຫວັດ​ໃຫຍ່​ໄລ​ຍະ​ທີ 1 ​ເຊິ່ງ​ແມ່ນວັກ​ແຊງ​ໄຂ້ຫວັດ​ສັດ​ປີກ​ໃຊ້​ກັບ​ຄົນ​ທີ່​ຄົ້ນຄວ້າ​ຜະລິດ​ໂດຍ​ສູນ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ຈີນ​​ແລະ​ຫົວໜ່ວຍ​ອື່ນໆໄດ້ປະກາດ​ຢ່າງ​ເປີດ​ເຜີຍ​ວ່າ, ວັກ​ແຊງ​ມີ​ຄວາມ​ປອດ​ໄພ​ແລະ​ມີ​ປະສິດທິ​ຜົນ​ຕໍ່​ຮ່າງກາຍ​ຄົນ​ເຮົາ.

ວັກ​ແຊງ​ດັ່ງກ່າວ​ເລີ່​ມຄົ້ນຄວ້າ​ໃນ​ໄລຍະ​ໜຶ່ງ​ເມື່ອ​ທ້າຍ​ເດືອນ​ພະຈິກ​ປີ 2005. ການ​ກວດ​ກາ​ຜູ່​ຮັບ​ການ​ທົດ​ລອງສັກ​​ວັກ​ແຊງ 120 ຄົນ​ໄດ້​ສະ​ແດງ​ໃຫ້​ເຫັນ​ວ່າ, ວັກ​ແຊງ​ມີ​ຄວາມ​ປອດ​ໄພ​ຕໍ່​ຮ່າງ​ກາຍ​ຂອງ​ຄົນ​.

ຕາມ​ໄດ້​ຊາບ, ຫົວ​ໜ່ວຍ​ຄົ້ນຄວ້າ​ຜະລິດ​ພວມ​ຕັ້ງໜ້າ​ກະກຽມ​ວຽກ​ງານຮ້ອງ​ຂໍ​ການຄົ້ນ​ຄວ້າ​ວັກ​ແຊງ​ໄຂ້ຫວັດ​​ໃຫຍ່​ໄລຍະ​ທີ 2.