ຕາມຂ່າວ​ໜັງສືພິມ​ກວາງ​ຊີ່​ຢື້ປ້າວ​ຂອງ​ຈີນ: ຕົວ​ເລກ​ຫຼ້າສຸດທີ່​ອາ​ຊຽນປະກາດ​ສະ​ແດງ​ໃຫ້​ເຫັນ​ວ່າ, ມູນ​ຄ່າ​​ນຳ​ເຂົ້າ​ແລະ​ສົ່ງ​ອອກ​ຂອງ​ປະ​ເທດ​ສະມາຊິກ​ອາ​ຊຽນ​ໃນ​ປີ 2005 ມີ​ເຖິງ 1226 ຕື້​ໂດ​ລາ, ຫຼາຍກວ່າ​ປີ 2004 ຄື 1072 ຕື້​ໂດ​ລາ. ​ໃນ​ນັ້ນ ມູນ​ຄ່າ​ສົ່ງ​ອອກ​ຂອງ​ບັນດາ​ປະ​ເທດ​ສະ​ມາ​ຊິກ​ອາ​ຊຽນມີ​ເຖິງ 646 ຕື້​ໂດ​ລາ, ​ເພີ່ມ​ຂຶ້ນ 13,5% ​ເມື່ອ​ທຽບ​ກັບ​ປີ 2004.

ປີ 2005, ຍີ່ປຸ່ນ ອາ​ເມ​ລິ​ກາ ສະຫະພາບ​ເອີ​ລົບ ຈີນ​ແລະ​ ສ.​ເກົາຫຼີຍັງ​ແມ່ນ​ຄູ່​​ການ​ຄ້າ​​ໃຫຍ່​ກວ່າ​ໝູ່​ຂອງ​ອາ​ຊຽນ, ​ໃນ​ນັ້ນ ມູນ​ຄ່າ​ການ​ຄ້າ​ກັບ​ຈີນ​ໄດ້​ກວມ​ 9,3% ຂອງ​ຍອດ​ມູນ​ຄ່າ​ການ​ຄ້າ​ກັບ​ຕ່າງປະ​ເທດ​ຂອງ​ອາ​ຊຽນ.