|
ຕາມຂ່າວສານຊິນຮວາ, ວັນທີ28ສິງຫາ,ຢູ່ທີ່ປັກກິ່ງ,ທ່ານໂລກ້ານ ກຳມະການປະຈຳກົມການເມືອງສູນກາງພັກກອມມູນິດຈີນກ່າວວ່າ,ຈີນຍິນດີພ້ອມກັນກັບມາເລເຊຍທຳຄວາມພະຍາຍາມ,ສືບຕໍ່ເພີ່ມທະວີການແລກປ່ຽນແລະຮ່ວມມືກັນໃນຂົງເຂດກົດໝາຍແລະຕຸລາການແລະຊຸກຍູ້ໃຫ້ການພົວພັນໄມຕີຈິດລະຫວ່າງສອງປະເທດຂະຫຍາຍຕົວຕື່ມອີກ.
ທ່ານໂລກ້ານແມ່ນໃຫ້ທັດສະນະດັ່ງກ່າວໃນເວລາພົບປະທ່ານຕາສະຣີຟາລູສ ຜູ່ພິພາກສາຜູ່ທີໜື່ງຂອງສານສະຫະພັນມາເລເຊຍພ້ອມດ້ວຍຄະນະທີ່ມາຢ້ຽມຢາມຈີນ.ໃນເວລາພົບປະ,ທ່ານໂລກ້ານໄດ້ແນະນຳສະພາບການພັດທະນາດ້ານເສດຖະກິດສັງຄົມແລະການກໍ່ສ້າງລະບອບກົດໝາຍຂອງຈີນໃຫ້ທ່ານຟາລູສຊາບ.ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບການເພີ່ມທະວີການແລກປ່ຽນແລະຮ່ວມມືກັນໃນຂົງເຂດກົດໝາຍແລະຕຸລາການລະຫວ່າງສອງປະເທດ.
ທ່ານຟາລູສ ກ່າວວ່າ, ມາເລເຊຍຫວັງຢາກຖອດຖອນບົດຮຽນທີ່ກ້າວໜ້າຂອງຈີນໃນການກໍ່ສ້າງລະບອບກົດໝາຍ,ຄອງຄອຍສ້າງການພົວພັນຮ່ວມມື ກັບວົງການຕຸລາການຂອງຈີນໃຫ້ແໜ້ນແຟ້ນກວ່າເກົ່າ.
ວັນທີ28ສິງຫາ,ທ່ານຊ່ຽວຢາງ ປະທານສານປະຊາຊົນສູງສຸດ ຜູ່ພິພາກສາໃຫຍ່ທີໜຶ່ງກໍໄດ້ພົບປະທ່ານຟາລູສພ້ອມດ້ວຍຄະນະ.
|
