ຕາມ​ຂ່າວສານ​ຊິນ​ຮວາ,ວັນ​ທີ28​ສິງຫາ,ຢູ່​ຕໍ່ໜ້າ​ຕຶກ​ກະຊວງ​ພາຍ​ໃນ​ອີຣັກທີ່​ຕັ້ງ​ຢູ່ໃຈກາງ​ເມືອງ​ແບກ​ແດດ,​ໄດ້​ເກີດ​ເຫດການ​ລົດຍົນ​ລະ​ເບີດ​ແບບ​ສະຫຼະ​ຊີບ,ຢ່າງ​ໜ້ອຍ​ເຮັ​ດ​ໃຫ້14​ຄົນ​​ເສຍ​ຊີວິດ,​ເກືອບ40​ຄົນ​ບາດ​ເຈັບ.

ຝ່າຍ​ຕຳຫຼວດ​ອີຣັກກ່າວ​ວ່າ,​ເວລາ​ປະມານ10​ໂມງ45​ນາທີ​ຂອງ​ຕອນ​ເຊົ້າວັນ​ທີ​28​ສິງ​ຫາ, ​ຜູ່​ຫຼອນ​ໂຈມ​ຕີ​ຜູ່​ໜຶ່ງ​ໄດ້​ຂັບ​ລົດ​​ເຈຕະນາບຸກ​ເຂົ້າ​ປະຕູ​ໃຫຍ່​ຂອງ​ກະຊວງ​ພາຍ​ໃນ,​ເມື່ອ​ຖືກ​ສະ​ກັດ​ກັ້ນ​​ຢູ່​ບ່ອນ​ເຂົ້າ​ປະຕູ​ແລ້ວ,ຜູ່​ຫຼອນ​ໂຈມ​ຕີ​ໄດ້​ລະ​ເບີດ​ລົດຍົນ,​ເຮັດ​ໃຫ້​ຄົນ​ຕາຍ​ແລະ​ບາດ​ເຈັບ​ຢ່າງ​ຫຼວງ​ຫຼາຍ.

ພາຍຫຼັງ​ທ່ານອັນ​ມາ​ລິ​ກີ ນາຍົກລັດຖະມົນຕີ​ອີຣັກ​ຂຶ້ນ​ຮັບ​ຕຳ​ແໜ່ງ​ແລ້ວ​ໄດ້​ໃຊ້​ມາດ​ຕະ​ການ​ຕ່າງໆ​ເພື່ອ​ລະງັບ​ການ​ເຄື່ອນ​ໄຫວ​ໃຊ້​ກຳລັງ​ຮຸນ​ແຮງ​ແລະ​ການ​ປະ​ທະ​ກັນ​ລະຫວ່າງ​ນິ​ກາຍ​ສາ​ສະ​ໜາ​ພາຍ​ໃນ​ປະ​ເທດ,​ແຕ່​ໄດ້ຜົນ​ໜ້ອຍ​ທີ່​ສຸດ.​ສະ​ຖາ​ນະ​ການ​ອີ​ຣັກ​ຍັງ​ຄົງ​ຊຸດ​ຮ້າ​ຍລົງ​ຕໍ່​ໄປ. ວັນ​ທີ27​ສິງຫາ,​ໃນທົ່ວ​ປະ​ເທດ​ອີ​ຣັກ​ໄດ້​ມີ​60​ກວ່າ​ຄົນ​ໄດ້​ເສຍ​ຊີ​ວິດ​ໃນ​ເຫດ​ການ​ຫຼອນ​ໂຈມ​ຕີ​ປະ​ເພດ​ຕ່າງໆ.