|
ໃນວລາແຕ່ງກິນລະວັງຢ່າໃຫ້ເສຍທາດການຊຽມ
cri
|
ຄວາມຊິນເຄີຍດ້ານອາຫານການກິນແລະການປຸງແຕ່ອາຫານທີ່ບໍ່ຖືກຕ້ອງອາດຈະກະທົບກະເທືອນເຖິງການດູດຊຶມເອົາແລະການນຳໃຊ້ທາດການຊຽມໃນຮ່າງກາຍຄົນເຮົາ. ສະນັ້ນ, ໃນເວລາປຸງແຕ່ງອາຫານ, ຕ້ອງພະຍາຍາມຫຼີກເວັ້ນບໍ່ໃຫ້ກະທົບເຖິງການດູດຊຶມເອົາທາດການຊຽມ, ເພື່ອຮັກສາທາດການຊຽມໄວ້ໃຫ້ຫຼາຍຂຶ້ນ, ພວກເຮົາຂໍແນະນຳດັ່ງນີ້:
1, ໃນເວລາປຸງແຕ່ງອາຫານປະເພດຊີ້ນນັ້ນຄວນໃຊ້ນ້ຳສົ້ມເລື້ອຍໆ. ປາສົ້ມຫວານແລະດູກຂ້າງສົ້ມຫວານແລະອາຫານປະເພດນີ້ແມ່ນອາຫານທີ່ຮ່າງກາຍຮັບເອົາການຊຽມໄດ້ງ່າຍທີ່ສຸດ. ນ້ຳສົ້ມແມ່ນເຄື່ອງປຸງແຕ່ງລົດສົ້ມ, ບໍ່ພຽງແຕ່ແກ້ກິ່ນຄາວໄດ້ເທົ່ານັ້ນ, ຍັງເຮັດໃຫ້ການຊຽມໃນກ້າງປາແລະກະດູກຂ້າງຊຶມອອກມາ, ປາແລະດູກຂ້າງມີໂປຼຕິນແລະການຊຽມຫຼາຍ, ຖ້າໃສ່ນ້ຳ, ການຊຽມກັບໂປຼຕິນຈະຣັບເອົາກັນໄດ້ງ່າຍທີ່ສຸດ. ໃນເວລາປຸງແຕ່ງ, ຕ້ອງໃຊ້ໄຟອ່ອນໆຫຸ່ມໃຫ້ດົນໆ, ໃນປາແລະກະດູກຂ້າງກໍຈະຊຶມອອກໄດ້ງ່າຍ.
2, ການເອົາເຕົ້າຮູ້ຕົ້ມໃສ່ກັບປາ, ກໍດີທີ່ສຸດ, ເພາະວ່າວິຕາມິນD, ຈະຊ່ອຍໃຫ້ຮ່າງກາຍດູດຊຶມເອົາການຊຽມໃນເຕົ້າຮູ້, ເຮັດໃຫ້ຄຸນປະໂຫຍດຂອງການຊຽມຖືກນຳໃຊ້ຫຼາຍຂຶ້ນຢ່າງຫຼວງຫຼາຍ.
3, ຂົ້ວໄຂ່ໄກ່ ໃສ່ໝາກເຫຼັ່ນແລະຜັກສ້ຽນຈີນໃສ່ໝາກຖົ່ວເຫຼືອງກໍບຳລຸງທາດການຊຽມ. ວິຕາມິນCຈະຊຸກຍູ້ການດູດຊຶມເອົາການຊຽມ, ໝາກເຫຼັ່ນມີວິຕາມິນເຊຫຼາຍ, ຂົ້ວໃສ່ໄຂ່ໄກ່, ກໍ່ຊ່ອຍໃຫ້ຮ່າງກາຍຮັບເອົາການຊຽມໄດ້ຫຼາຍ. ຜັກສ້ຽນຈີນກໍຄືກນກິນກັບໝາກຖົ່ວເຫຼືອງ, ກໍຊ່ອຍໃຫ້ຮ່າງກາຍດູດຊຶມເອົາການຊຽມໃນໝາກຖົ່ວເຫຼືອງໄດ້ຫຼາຍ.
4, ສຳລັບຜັກໃບຂຽວຕ່າງໆເຊັ່ນຜັກຕີນເປັດ, ຜັກຫົມເປັນຕົ້ນກ່ອນປຸງແຕ່ງຄວນລວກກ່ອນ. ໃນທໍ່ຍ່ອຍອາຫານ, ທາດອັອກຊາລິກອາຊິດແລະທາດຟີຕິກອາຊິດເມື່ອໄປປະສົມກັບການຊຽມຈະກາຍເປັນວັດຖຸປະສົມທາງເຄມີທີ່ບໍ່ລະລາຍ, ຮ່າງກາຍຈິ່ງດູດຊຶມເອົາຍາກ, ໃນອາຫານຖ້າມີທາດອັອກຊາລິກອາຊິດແລະທາດຟີຕິກອາຊິດຫຼາຍເກີນໄປ, ກໍຈະກະທົບການດູດຊຶມເອົາການຊຽມ. ສະນັ້ນ, ໃນເວລາປຸງແຕ່ງອາຫານ, ຖ້າແມ່ນຜັກປະເພດຜັກຕີນເປັດແລະຜັກຫົມ, ດີທີ່ສຸດໃຫ້ລວກກ່ອນ, ແລ້ວຈິ່ງໄປຕົ້ມໃສ່ຫຼືຂົ້ວກັບເຕົ້າຮູ້, ທາດການຊຽມຈິ່ງຮັບເອົາໄດ້ງ່າຍ.
5, ກ່ອນຫຸງເຂົ້າຈ້າວຄວນເອົາເຂົ້າແຊ່ໃນນ້ຳອຸ່ນກ່ອນສ່ວນແປ້ງໝີ່ກໍຄວນໃສ່ເຊື້ອໝັກ, ໝັກໃຫ້ຂຶ້ນແລ້ວຈິ່ງເຮັດກິນ. ເພາະວ່າໃນເຂົ້າສານຈ້າວແລະແປ້ງໝີ່ມີທາດຟີຕິກອາຊິດຫຼາຍ, ເມື່ອປະສົມກັບທາດການຊຽມ, ອາດຈະກາຍເປັນການຊຽມຟີຕິກທີ່ບໍ່ລະລາຍ, ຮ່າງກາຍດູດຊຶມເອົາຍາກ. ສະນັ້ນ, ແປ້ງໝີ່ທີ່ໝັກແລ້ວຫຼືເອົາເຂົ້າສານຈ້າວແຊ່ນ້ຳອຸ່ນຈະແກ້ທາດຟີຕິກອາຊິດສ່ວນໜຶ່ງໄດ້.
6, ໃນຖົ່ວເຫຼືອງມີການຊຽມຫຼາຍ, ແຕ່ກໍມີທາດຟີຕິກອາຊິດຫຼາຍ, ຖ້າເອົາໝາກຖົ່ວເຫຼືອງແຊ່ເປັນຖົ່ວງອກ, ທາດຟີຕິກອາຊິດກໍໝົດໄປ, ແລະໃນຖົ່ວງອກຍັງມີວິຕາມິນCຫຼາຍຂຶ້ນ, ຊຸກຍູ້ການດູດຊຶມເອົາແລະການນຳໃຊ້ທາດການຊຽມ.
|
|
