|
ເມື່ອກິນຖືກຂອງເບື່ອຄວນຈົກຄໍໃຫ້ຮາກອອກໃນທັນທີ
cri
|
ທ່ານຜູ້ຟັງ, ເວົ້າທົ່ວໄປແລ້ວ, ການກິນຂອງເບື່ອສ່ວນຫຼາຍແມ່ນຍ້ອນມີແມ່ພະຍາດຊຶມເຊື້ອ, ຈະມີສ່ວນໜ້ອຍທີ່ມີທາດເບື່ອໃນອາຫານເຊັ່ນ: ຟົສຟໍດ ສານໜູແລະນ້ຳບາເປັນຕົ້ນແລະທາດເບື່ອທຳມະຊາດໃນອາຫານເອງຄືເຫັດເບື່ອແລະປາເບື່ອເປັນຕົ້ນ. ໂດຍທົ່ວໄປແລ້ວ, ຫຼັງຈາກກິນອາຫານເບື່ອຫຼາຍຊົ່ວໂມງ, ຈົນມີອາການເກີດຂຶ້ນ ເຊັ່ນຮາກແລະຖອກທ້ອງຫຼາຍໆເທື່ອ. ເມື່ອມີຄົນມີອາການເບື່ອອາຫານ, ຕ້ອງເຊົາກິນອາຫານທີ່ເບື່ອໃນທັນທີ, ແລະໂທຫາສູນຊ່ອຍເຫຼືອສຸກເສີນທັນທີ, ກ່ອນທີ່ລົດແພດຈະມາຮອດ, ຄວນໃຊ້ວິທີຊ່ອຍູຕົນເອງກ່ອນເຊັ່ນ:ຈົກຄໍຮາກໃນທັນທີ, ພາໃນເວລາຊົ່ວໂມງເຄິ່ງຮອດ4ຊົ່ວໂມງ, ຕ້ອງຮາກອອກຫຼືລ້າງທ້ອງໃຫ້ກະເພາະອາຫານເປົ່າຫວ່າງ, ຮາກອອກໄວເທົ່າໃດ, ຂອງເບື່ອກໍຈະໝົດໄປໄວເທົ່ານັ້ນ. ຄວນໃຊ້ກ້ານບ່ວງທີ່ບໍ່ແຫຼມຄົມປ່ອນເຂົ້າປາກ, ກະຕຸ້ນຮູຄໍ, ພາໃຫ້ຮາກອອກ, ຫຼືວ່າໃຫ້ຜູ້ເບື່ອດື່ມນ້ຳອຸ່ນຫຼາຍໆແລະຈົກຄໍໃຫ້ເຂົາຮາກຫຼາຍເທື່ອ, ເພື່ອບໍ່ໃຫ້ກະເພາະດູດຊຶມເອົາທາດເບື່ອ. ຖ້າດື່ມນ້ຳອຸ່ນຫຼາຍໆແລະຮາກອອກຫຼາຍເທື່ອ, ຈົນເປັນນ້ຳໃສໆແດ່ແລ້ວ, ຄວນໃຫ້ດື່ມນ້ຳນົມຕາມເໝາະສົມເພື່ອຮັກສາເຈັ້ຍເມືອກໃນກະເພາະອາຫານ. ຖ້າໃນຂອງທີ່ຮາກອອກນັ້ນມີສີແດງຄືເລືອດ, ຄວນຄິດເຖິງວ່າອາດຈະແມ່ນກະເພາະ, ຫຼອດອາຫານຫຼືຮູຄໍອອກເລືອດ, ໃນຂະນະນີ້ຄວນເຊົາຮາກໂດຍທັນທີ. ສິ່ງທີ່ຕ້ອງລະວັງນັ້ນແມ່ນ, ໃນເວລາຮາກຜູ້ກ່ຽວຕ້ອງມີສະຕິ, ຖ້າຜູ້ກ່ຽວສະຫຼົບ, ບໍ່ຮູ້ເມື່ອສີງຢ່າກະຕຸ້ນໃຫ້ເຂົາຮາກອີກເດັດຂາດ, ເພາະຢ້ານສິ່ງທີ່ຮາກອອກຈະໄຫຼເຂົ້າຫຼອດລົມຫາຍໃຈ, ເຮັດໃຫ້ຫາຍໃຈຝືດ, ບາງຄົນອາດຈະຖອກທ້ອງແຮງ, ຖອກທ້ອງແມ່ນອາການທີ່ມີລັກສະນະປ້ອງກັນຂອງຮ່າງກາຍເພື່ອຂັບຖ່າຍທາດເບື່ອອອກເອງ, ແຕ່ຖ້າຖອກທ້ອງແຮງເກີນໄປ, ຈະພາໃຫ້ເສຍນ້ຳໃນຮ່າງກາຍຢ່າງໜັກໜ່ວງ, ຈະເຮັດໃຫ້ເລືອດໃນຮ່າງກາຍໜ້ອຍລົງ, ແລ້ວພາໃຫ້ຄົນສະຫຼົບ. ໃນຂະນະນີ້, ຄວນໃຫ້ຜູ້ກ່ຽວດື່ມນ້ຳເກືອຈາງອຸ່ນໆຈອກໜຶ່ງ, ເພື່ອເພີ່ມຕື່ມເລືອດໃນຮ່າງກາຍ.
ນອກນີ້, ເພື່ອໃຫ້ຮູ້ສິ່ງທີ່ພາໃຫ້ເບື່ອ, ຕ້ອງຮັກສາອາຫານທີ່ພາໃຫ້ເບື່ອນັ້ນໄວ້, ເພື່ອໃຫ້ນາຍໝໍເອົາໄປກວດກາ, ຖ້າບໍ່ມີຕົວຢ່າງອາຫານແລວ, ກໍຮັກສາສິ່ງທີ່ຮາກອອກມາແລະຂັບຖ່າຍອອກຂອງຜູ້ກ່ຽວກໍໄດ້, ເພື່ອໃຫ້ນາຍໝໍສາມາດບົ່ງມະຕິໄດ້ໂດຍໄວແລະຊ່ອຍຊີວິດທັນ.
|
|
