|
ຕາມຂ່າວສານຊິນຮວາ: ມື້ວານນີ້(ວັນທີ 28 ສິງຫາ) ຢູ່ທີ່ສິງກະໂປ, ຈີນ ສິງກະໂປແລະນອກແວໄດ້ເຊັນບົດບັນທຶກຊ່ອຍຈຳຄວາມເຂົ້າໃຈກັນກ່ຽວກັບການຮ່ວມມືໃນດ້ານຄົ້ນຄວ້າ ພັດທະນາ ແລະການສຶກສາອົບຮົມກ່ຽວກັບເຫດການທາງທະເລແລະການເດີນທະເລ, ເພື່ອເພີ່ມທະວີການຮ່ວມມືໃນຂົງເຂດດັ່ງກ່າວລະຫວ່າງສາມປະເທດຕື່ມອີກ.
ທ່ານລີເຊິ້ງລິນ ລັດຖະມົນຕີວ່າການກະຊວງຄົມມະນາຄົມຈີນທີ່ໄປຢ້ຽມຢາມສິງກະໂປກັບທ່ານລິມຊຽງກິດ ລັດຖະມົນຕີວ່າການກະຊວງການຄົມມະນາຄົມສິງກະໂປ ທ່ານນາງລີເຊ ນົວເດເຈຍເດ ອຸປະທູດສະຖານທູດນອກແວປະຈຳສິງກະໂປໄດ້ລົງນາມໃນບົດບັນທຶກໃນມື້ດຽວກັນ.
ສິງກະໂປແມ່ນປະເທດສຸດທ້າຍຂອງການໄປຢ້ຽມຢາມອາຊີຕາເວັນອອກສຽງໃຕ້ຂອງທ່ານລີເຊິ້ງລິນ. ກ່ອນໜ້ານີ້, ທ່ານລີເຊິ້ງລິນຍັງໄປຢ້ຽມຢາມອິນໂດເນເຊຍແລະມາເລເຊຍ. ໃນໄລຍະຢ້ຽມຢາມສາມປະເທດນີ້, ທ່ານລີເຊິ້ງລິນໄດ້ພົບປະເຈລະຈາກັບລັດຖະມົນຕີວ່າການກະຊວງການຄົມມະນາຄົມຫຼືລັດຖະມົນຕີກະຊວງຂົນສົ່ງຂອງສາມປະເທດດັ່ງກ່າວ, ສອງຝ່າຍເປັນເອກະສັນເຫັນວ່າ, ຈະຊຸກຍູ້ການຮ່ວມມືດ້ານການຂົນສົ່ງ ໂດຍສະເພາະແມ່ນໃນຂົງເຂດຄວາມປອດໄພດ້ານການເດີນທະເລ ການຮັບປະກັນຄວາມປອດໄພເທີງທະເລແລະການອະນຸລັກສິ່ງແວດລ້ອມເທິງທະເລເຊິ່ງລວມທັງຊ່ອງແຄບມາລັກກາລະຫວ່າງສອງຝ່າຍຕື່ມອີກ. ຈີນກັບມາເລເຊຍຍັງໄດ້ເຊັນບົດບັນທຶກຊ່ອຍຈຳຄວາມເຂົ້າໃຈກັນກ່ຽວກັບການຮ່ວມມືກ່ຽວກັບເຫດການທາງທະເລ.
|
