|
ອິນເດຍກ່າວວ່າຈະບໍ່ກົດໜ່ວງຖ່ວງດຶງຈີນ
cri
ຕາມຂ່າວCRI,ໜັງສືພິມເຕີຮິນດູ ສະບັບວັນທີ29ສິງຫາລາຍງານວ່າ,ວັນທີ28ສິງຫາ,ຢູ່ນີວແດນລີ,ທ່ານຊີອາມ ຊາຣານເລຂາການຕ່າງປະເທດອິນເດຍກ່າວເນັ້ນວ່າ,ປັດຈຸບັນ,ການພົວພັນເສດຖະກິດການຄ້າລະຫວ່າງອິນເດຍກັບຈີນພວມຂະຫຍາຍຕົວຢ່າງວ່ອງໄວ,ອິນເດຍຈະບໍ່ເຂົ້າຮ່ວມແຜນການໃດໆທີ່ເຈຕະນາກົດໜ່ວງຖ່ວງດຶງຈີນ.
ທ່ານຊາຣານແມ່ນໃຫ້ທັດສະນະດັ່ງກ່າວໃນງານຖະແຫຼງຂ່າວທີ່ຈັດຂຶ້ນໃນວັນທີ28ສິງຫາ.ທ່ານກ່າວວ່າ,ມູນຄ່າການຄ້າລະຫວ່າງຈີນກັບອິນເດຍໄດ້ລື່ນກາຍ18ຕື້ໂດລາແລ້ວ,ຖ້າເສດຖະກິດການຄ້າສອງປະເທດຮັກສາທ່ວງທ່າພັດທະນາຕໍ່ໄປ,ຈີນອາດຈະກາຍເປັນປະເທດຄູ່ຄ້າລາຍໃຫຍ່ກວ່າໝູ່ຂອງອິນເດຍກ່ອນປີ2010.
|
|
