|
|
 |
| (GMT+08:00)
2006-08-29 20:55:43
|
 |
|
ອາຊຽນຫວັງຢາກໃຫ້ທາງລົດໄຟຜ່ານອາຊີສ້າງສຳເລັດໃນປີ2015
cri
ຕາມຂ່າວຈາກກະຊວງການຄ້າຈີນ,ຫວ່າງມໍ່ໆນີ້,ທ່ານອົງເຄັງຢົງ ເລຂາທິການໃຫຍ່ສະມາຄົມປະຊາຊາດອາຊີຕາເວັນອອກສຽງໃຕ້ຫຼືອາຊຽນກ່າວວ່າ,ເພື່ອຊຸກຍູ້ການໄປມາຫາສູ່ກັນຂອງຄົນແລະການຈໍລາຈອນຂອງສິນຄ້າລະຫວ່າງພາກພື້ນ,ອາຊຽນຫວັງຢາກໃຫ້ທາງລົດໄຟຜ່ານອາຊີທີ່ເຊື່ອມຕໍ່ສິງກະໂປກັບຄຸນມິງຈີນນັນສ້າງສຳເລັດໃນປີ2015.
ທ່ານອົງເຄັງຢົງ ກ່າວວ່າ,ຫວ່າງມໍ່ໆນີ້,ທະນາຄານພັດທະນາອາຊີໄດ້ໃຫ້ເງິນກູ້ບູລິມະສິດ40ລ້ານໂດລາແກ່ກຳປູເຈຍ,ນອກນີ້,ທະນາຄານດັ່ງກ່າວຍັງຈະສະໜອງເງິນຊ່ອຍເຫຼືອສ້າງໂຄງການ5ລ້ານ4ແສນໂດລາໃຫ້ກຳປູເຈຍ,ເພື່ອໃຊ້ໃນການກໍ່ສ້າງທາງລົດໄຟທີ່ຍາວປະມານ300ກິໂລແມັດພາຍໃນແດນກຳປູເຈຍ.ສະນັ້ນ,ບັນຫາຊອກຫາເງິນທຶນຂອງກຳປູເຈຍທີ່ຝ່າຍຕ່າງໆເປັນຫ່ວງເປັນໃຍທີ່ສຸດໃນກ່ອນໜ້ານີ້ໄດ້ແກ້ໄຂໃຫ້ຕົກໄປແລ້ວ.
ຕາມແຜນການ,ທາງລົດໄຟຜ່ານອາຊີເລີ່ມຈາກສິງກະໂປຜ່ານບາງກອກໄປຮອດຄຸນມິງ,ຍາວທັງໝົດປະມານ5000ກິໂລແມັດ.ທ່ານອົງເຄັງຢົງກ່າວວ່າ,ເຈົ້າໜ້າທີ່ອາວຸໂສຂອງອາຊຽນຈະໄປຄຸນມິງໃນເດືອນພະຈິກ,ເພື່ອຫາລືໂຄງການແລະຊອກຫາເງິນທຶນ. ທ່ານຄາດວ່າ,ໂຄງການນີ້ຈະລົງທຶນ15ຕື້ໂດລາ.
|
|
|
