|
ນັບແຕ່CRIພວກເຮົາຈັດການເສັງຄວາມຮູ້"ຂ້ອຍກັບCRI"ມານີ້,ຜູ້ຟັງຫຼາຍຄົນໄດ້ເຂົ້າຮ່ວມການເສັງຄວາມຮູ້ຂອງພວກເຮົາດ້ວຍຊ່ອງທາງຕ່າງໆ,ນະທີ່ນີ້,ດວງພະຈັນຂອບໃຈຜູ້ຟັງທັງຫຼາຍທີ່ສະໜັບສະໜູນລາຍການຂອງພວກເຮົາ.ການເສັງຄວາມຮູ້ເທື່ອນີ້ຈະສິ້ນສຸດລົງໃນວັນທີ1ກັນຍາ,ຖ້າວ່າຜູ້ຟັງຜູ້ໃດຍັງຢາກເຂົ້າຮ່ວມການເສັງຄວາມຮູ້,ກໍ່ຂໍໃຫ້ຟ້າວສົ່ງມາໄວໆ,ຫຼັງຈາກນັ້ນ,ພວກເຮົາກໍ່ໄດ້ຄັດເລືອກຜູ້ຟັງທີ່ໄດ້ຮັບລາງວັນແລ້ວ.
ຫວ່າງມໍ່ໆມານີ້,ພວກເຮົາໄດ້ຮັບໃບຕອບຄຳຖາມແລະຈົດໝາຍຂອງນ້ອງຄຳປິວ ກົງແສງຈິດທີ່ຢູ່ບ້ານໜອງທາເໜືອ ເມືອງຈັນທະບູລີ ນະຄອນຫຼວງວຽງຈັນ,ໃນຈົດໝາຍນ້ອງຂຽນວ່າ, "ນ້ອງດີໃຈຫຼາຍທີ່ໄດ້ເຂົ້າຮ່ວມການເສັງຄວາມຮູ້ເທື່ອນີ້,ນ້ອງຮູ້ສຶກວ່າ,ຕົວເອງໄດ້ມັກວັດທະນະທຳຈີນ,ເພາະຈີນມີວັດທະນະທຳອັນຈົບງາມ,ປະຊາຊົນກໍ່ດຸໝັ່ນຖະໜອມຕົວ,ບໍ່ອວດອົງ.ພາສາຈີນກໍ່ເປັນພາສາທີ່ເວົ້າງ່າຍ,ນ້ອງມັກພາສາຈີນຫຼາຍ.ຫຼັງຈາກໄດ້ຮຽນພາສາຈີນນຳວິທະຍຸ CRI ແລ້ວ,ນ້ອງກໍ່ສາມາດລົມນຳຄົນຈີນໄດ້ແລະເຂົ້າໃຈກັນດີ.ເຖິງວ່າເວົ້າໄດ້ບໍ່ໝົດ,ນ້ອງກໍ່ດີໃຈຫຼາຍ,ເພາະມັນຄືສິ່ງຂອງລ້ຳຄ່າ,ຄືຄວາມຮູ້ອັນໜຶ່ງເຊິ່ງມັນອາດຈະຊ່ວຍໃຫ້ການດຳລົງຊີວິດດີຂຶ້ນເມື່ອອອກໄປເຮັດວຽກແລະເຮົາສາມາດເວົ້າພາສາຕ່າງປະເທດໄດ້ນອກຈາກພາສາອັງກິດເຊິ່ງຫຼາຍຄົນຈະເວົ້າໄດ້,ແລະນ້ອງເຊື່ອ,ພາສາຈີນຍັງຈະໃຊ້ຫຼາຍໃນການປະກອບອາຊີບ."
ເມື່ອໄດ້ຮຽນຕາມລາຍການ"ຮຽນພາສາຈີນ"ຂອງພວກເຮົາແລ້ວ,ປັດຈຸບັນ,ນ້ອງຄຳປິວໄດ້ສົນທະນາກັບຄົນຈີນໄດ້ແລ້ວ,ນີ້ເຮັດໃຫ້ພວກເຮົາຮູ້ສຶກປິຕິຊົມຊື່ນເປັນຢ່າງຍິ່ງ,ຕໍ່ໄປພາຍໜ້າພວກເຮົາຍັງຈະພະຍາຍາມປັບປຸງລາຍການ"ຮຽນພາສາຈີນ"ໃຫ້ດີກວ່າເກົ່າ,ເຮັດໃຫ້ລາຍການນີ້ສອດຄ່ອງກັບຄວາມຮຽກຮ້ອງຕ້ອງການຂອງຜູ້ຟັງຫຼາຍກວ່າເກົ່າ.ໃນຕອນທ້າຍຂອງຈົດໝາຍ,ນ້ອງຄຳປິວຍັງຂໍຟັງເພງອັງກິດເພງໜຶ່ງ,ພວກເຮົາກໍຂໍຈັດເພງ"take me to your heart"ມອບໃຫ້ຄົນທັງຫຼາຍທີ່ນ້ອງຮັກແລະຜູ້ຟັງທັງຫຼາຍທີ່ມັກລາຍການຂອງວິທະຍຸCRIພວກເຮົາ.
|
