|
|
 |
| (GMT+08:00)
2006-08-30 10:44:34
|
 |
|
ຮອງນາຍົກລັດຖະມົນຕີຫວຽດນາມຕີລາຄາສູງຕໍ່ທ່ານນົງດຶກແຫມ້ງຢ້ຽມຢາມຈີນ
cri
Author: sayvanny
ຕາມຂ່າວສານຊີນຮວາ: ວັນທີ 29 ສິງຫາ,ທ່ານຟາມເກຍຄຽມ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດຫວຽດນາມເວົ້າວ່າ, ໃນໄລຍະທີ່ທ່ານນົງດຶກແຫມ້ງ ເລຂາທິການໃຫຍ່ສູນກາງພັກກອມມູນິດຫວຽດນາມຢ້ຽມຢາມຢູ່ຈີນ,ທ່ານໄດ້ກ້າວເຖິງຂັ້ນມີຄວາມຮັບຮູ້ທີ່ເອກະພາບກັນສຳຄັນຫລາຍຢ່າງກັບຜູ່ນຳຈີນ,ນີ້ມີຜົນດີຕໍ່ການຊຸກຍູ້ການພົວພັນລະຫວ່າງສອງພັກແລະສອງລັດຂະຫຍາຍໄປສູ່ບາດກ້າວໃຫມ່.
ມື້ດຽວກັນ, ແວບໄຊຂອງກະຊວງການຕ່າງປະເທດຫວຽດນາມໄດ້ເຜີຍແຜ່ຄຳເວົ້າຂອງທ່ານຟາມເກຍຄຽມທີ່ກ່າວວ່າ, ນີ້ແມ່ນທ່ານເລຂາທິການໃຫຍ່ນົງດຶກແຫມ້ງໄປຢ້ຽມຢາມຕ່າງປະເທດເປັນຄັ້ງທຳອິດນັບແຕ່ທ່ານໄດ້ດຳລົງຕຳແຫນ່ງອີກວາລະຫນຶ່ງໃນກອງປະຊຸມໃຫຍ່ຄັ້ງທີ 10 ຂອງພັກກອມມູນິດຫວຽດນາມໃນເດືອນເມສາປີນີ້ເປັນຕົ້ນມາ.ນີ້ສະແດງໃຫ້ເຫັນອີກເທື່ອຫນຶ່ງວ່າ, ພັກແລະລັດຖະບານຫວຽດນາມສຸດທີ່ເອົາໃຈໃສ່ນຳການປັບປຸງແລະຂະຫຍາຍການພົວພັນມິດຕະພາບແລະຮ່ວມມືກັນຖານບ້ານໃກ້ເຮືອນຄຽງກັບຈີນ,ຖືການຂະຫຍາຍການພົວພັນກັບຈີນເປັນບູລິມະສິດໃນນະໂຍບາຍການຕ່າງປະເທດຂອງຫວຽດນາມ.
ທ່ານຟາມເກຍຄຽມຊີ້ອອກວ່າ, ໃນໄລຍະຢ້ຽມຢາມ, ທ່ານເລຂາທິການໃຫຍ່ນົງດຶກແຫມ້ງໄດ້ພົບປະແລະເຈລະຈາກັບຜູ່ນຳຈີນຢ່າງກົງໄປກົງມາແລະສະຫນິດສະຫນົມ,ເມື່ອໄປຢ້ຽມຢາມບ່ອນໃດກໍ່ເຮັດໃຫ້ຄົນທັງຫລາຍຮູ້ສຶກວ່າຄວາມໄວ້ເນື້ອເຊື່ອໃຈເຊິ່ງກັນແລະກັນລະຫວ່າງສອງພັກແລະສອງລັດຫວຽດນາມຈີນນັບມື້ນັບແຫນ້ນແຟ້ນແລະໄດ້ຮັບການເພີ່ມທະວີຂຶ້ນ.
|
|
|
